സി.പി.എം ഓഫിസുകളിൽ ദേശീയ പതാക ഉയർത്തി

തിരുവനന്തപുരം: ഇതാദ്യമായി രാജ്യത്തി​െൻറ​ സ്വാതന്ത്ര്യദിനം ആഘോഷിച്ച്​ സി.പി.എം. പാർട്ടി ഒാഫിസുകളിൽ ദേശീയപതാക ഉയർത്തിയും വന്ദിച്ചുമായിരുന്നു ആഘോഷം. എ.കെ.ജി സെൻററിന്​ മുന്നിൽ ആക്​ടിങ്​ സെ​ക്രട്ടറി എ. വിജയരാഘവൻ പതാക ഉയർത്തി.

സ്വാതന്ത്ര്യസമരമൂല്യവും സ്വാതന്ത്ര്യസമര സേനാനികളുടെ സ്വപ്​നവും സാക്ഷാത്​കരിക്കപ്പെ​േട്ടാ എന്ന്​ ചർച്ച ചെയ്യപ്പെടേണ്ടതുണ്ടെന്ന്​ വിജയരാഘവൻ പറഞ്ഞു. അത്​ പ്രാവർത്തികമാക്കുന്നതിന്​ മുന്നിട്ടിറങ്ങണം. പതാക ഉയർത്തുന്നതിൽ അവസാനിക്കുന്നതല്ല സി.പി.എമ്മി​െൻറ സ്വാതന്ത്ര്യ ദിനാഘോഷം. ഒരു വർഷം നീളുന്ന പരിപാടികൾ സംഘടിപ്പിക്കും. ദേശീയ പ്രസ്ഥാനത്തി​െൻറ ഏറ്റവും വലിയ പ്രത്യേകത എല്ലാവിഭാഗം ജനങ്ങളുടെയും പങ്കാളിത്തമായിരുന്നു. അതിൽ ത്യാഗനിർഭരരായ നേതാക്കളായിരുന്നു ഇടതുപക്ഷ പ്രസ്ഥാനത്തി​െൻറ ഭാഗമായി പ്രവർത്തിച്ചിരുന്നത്​. അതിൽ കേരളത്തിൽ ഏറ്റവും അധികം ഒാർക്കുന്ന പേരുകളാണ്​ പി. കൃഷ്​ണ പിള്ള, എ.കെ.ജി, ഇ.എം.എസ്​ എന്നിവരുടേത്​.

1947 ആഗസ്​റ്റ്​ 15ന്​ സ്വാതന്ത്ര്യം ലഭിച്ചപ്പോൾ കമ്യൂണിസ്​റ്റ്​ പാർട്ടി സംസ്ഥാന കമ്മിറ്റി ഒാഫിസിന്​ മുന്നിൽ സംസ്ഥാന സെക്രട്ടറി പി. കൃഷ്​ണപിള്ളയാണ്​ പതാക ഉയർത്തിയത്. ദേശീയ സ്വാതന്ത്ര്യസമര ​പ്രസ്ഥാനത്തിൽ വിപുലമായ പങ്കാളിത്തമില്ലാത്തവരുടെ കൈകളിലാണ്​ ഭരണം എത്തിച്ചേർന്നിരിക്കുന്നതെന്നും അദ്ദേഹം പറഞ്ഞു. കേന്ദ്ര കമ്മിറ്റി അംഗങ്ങളായ എം.സി. ജോസഫൈൻ, പി.കെ. ശ്രീമതി, എ.കെ. ബാലൻ, സംസ്ഥാന സെക്ര​േട്ടറിയറ്റംഗം ബേബി ജോൺ എന്നിവരും സന്നിഹിതരായിരുന്നു.

അതേസമയം എ.കെ.ജി സെൻററിൽ പതാക ഉയർത്തിയത്​ ദേശീയപതാകയെ അപമാനിക്കുന്ന രീതിയിലാണെന്ന്​ യൂത്ത്​ കോൺഗ്രസ്​ സംസ്ഥാന വൈസ്​ പ്രസിഡൻറ്​ കെ.എസ്​. ശബരീനാഥൻ ആരോപിച്ചു. 'ദേശീയപതാകയോടൊപ്പം അതേ ഉയരത്തിൽ തൊട്ടടുത്ത് മറ്റൊരു പതാകയും സ്ഥാപിക്കരുത് എന്ന നിയമത്തി​െൻറ നഗ്നമായ ലംഘനമാണ് എ.കെ.ജി സെൻററിൽ നടന്നത്. പാർട്ടി കൊടിക്ക് പ്രാമുഖ്യവും ദേശീയപതാകക്ക്​ രണ്ടാം സ്ഥാനവുമാണ് നൽകിയത്​. ഇന്ത്യൻ ഫ്ലാഗ് കോഡ് ലംഘനത്തിനുള്ള കേസെടുക്കണമെന്നും അദ്ദേഹം ആവശ്യപ്പെട്ടു.

സി.പി.എമ്മിന്‍റെ വിവിധ ഓഫിസുകളിൽ നേതാക്കൾ ദേശീയ പതാക ഉയർത്തി. കണ്ണൂരില്‍ ജില്ല സെക്രട്ടറി എം.വി. ജയരാജൻ പതാക ഉയർത്തി.