ദേശീയപാത സ്​ഥലമെടുപ്പ്​: മലപ്പുറം എ.ആർ നഗറിൽ സംഘർഷം; ലാത്തിച്ചാർജ്​

മലപ്പുറം: ദേശീയപാതാവികസന നടപടികൾ​ക്കെതിരെ മലപ്പുറത്ത്​ ശക്​തമായ പ്രതിഷേധം. മലപ്പുറം എ.ആർ നഗറിൽ ദേശീയപാതക്കായി സ്ഥലമേറ്റെടുക്കുന്നതിന്​ സർവേക്കെത്തിയ ഉദ്യോഗസ്​ഥരെ നാട്ടുകാർ തടഞ്ഞു. അക്രമസംഭവങ്ങൾ മുന്നിൽക്കണ്ട്​ സുരക്ഷ ഒരുക്കാനെത്തിയ പൊലീസിനു ​േനരെയും സമരക്കാർ കല്ലെറിഞ്ഞു. സമരക്കാരെ പിരിച്ചു വിടാൻ പൊലീസ്​ ലാത്തിച്ചാർജ്​ നടത്തുകയും കണ്ണീർ വാതകം പ്രയോഗിക്കുകയും ചെയ്​തു. 

ഒരു ഭാഗത്ത്​ സ്​ത്രീകളും കുട്ടികളുമടക്കമുള്ള സമരക്കാർ ഉദ്യോഗസ്​ഥരെ തടഞ്ഞ്​ പ്രതിഷേധം നടത്തുകയും മറ്റൊരുഭാഗത്ത്​ പ്രതിഷേധക്കാർ പൊലീസിനെതിരെ കല്ലെറിയുകയും ചെയ്​തു. കല്ലേറി​െന തുടർന്ന്​ പൊലീസ്​ ലാത്തിവീശി. ലാത്തിച്ചാർജിൽ നിരവധി പേർക്ക്​ പരിക്കേറ്റു. പ്രതിഷേധക്കാരെ  തടയാനെന്ന പേരിൽ വീടുകളിൽ കയറി സ്​ത്രീകളടക്കമുള്ളവർക്ക്​ നേരെ പൊലീസ്​ അതിക്രമം അഴിച്ചു വിട്ടു. 

എ. ആർ നഗറിൽ ക്യാമ്പ്​ ചെയ്​ത പൊലീസുകാർ

 

പ്രദേശത്തെ അടിക്കാടുകൾക്ക്​  പ്രതിഷേധക്കാർ തീയിട്ടു. റോഡിനു നടുവിൽ ടയറുകൾ കൂട്ടിയിട്ട്​ കത്തിക്കുകയും ചെയ്​തിട്ടുണ്ട്​. സർവേ നടപടികൾ തുടങ്ങുന്നതിനു മുമ്പായി സർവകക്ഷിയോഗം വിളിച്ച്​ കാര്യങ്ങൾ വിശദീകരിക്കു​െമന്ന്​ മുഖ്യമന്ത്രി അറിയിച്ചിരുന്നു. എന്നാൽ സർവ കക്ഷിയോഗം നടക്കാത്തിൽ ശക്​തമായ പ്രതിഷേധം സമരക്കാർക്കുണ്ട്​. മാന്യമായ നഷ്​ടപരിഹാരം ലഭ്യമാക്കണമെന്നും സർവ കക്ഷിയോഗം വിളിക്കണമെന്നുമുള്ള ആവശ്യങ്ങൾ പരിഗണിക്കാത്തത്​ പ്രതിഷേധക്കാരെ പ്രകോപിപ്പിച്ചത്​. 

ഹൈവേ വികസിപ്പിക്കേണ്ട എന്ന നിലപാട് പ്രതിഷേധക്കാർക്കില്ല. ദേശീയപാത വികസിപ്പിക്കു​േമ്പാൾ അതിനു മതിയായ സ്​ഥലം റോഡിനിരു വശവുമിരിക്കെ നേരത്തെ പ്രഖ്യാപിച്ചിരുന്ന അലൈൻമ​​​​​​​െൻറിൽനിന്ന് വ്യത്യസ്തമായി പൂർണമായും ജനാധിവാസ മേഖലയിലൂടെ കൊണ്ടുപോകുന്നതാണ്​ നാട്ടുകാരുടെ പ്രതിഷേധത്തിനിടയാക്കിയത്​.  

പ്രതിഷേധക്കാർ പൊലീസിനു നേരെ എറിഞ്ഞ കല്ലുകൾ റോഡിൽ ചിതറിക്കിടക്കുന്നു

 

നേരത്തെ പ്രഖ്യാപിച്ച അലൈൻമ​​​​​​െൻറ്​ പ്രകാരം മൂന്ന്​ വീടുകൾ മാത്രമേ നഷ്​ടപ്പെടുമായിരുന്നുള്ളു. ആ സ്​ഥാനത്ത്​ പുതിയ അലൈൻമ​​​​​​െൻറ്​ കൊണ്ടു വന്നതോടെ 38 വീടുകളാണ്​ നഷ്​ടമാകുന്നത്​. പഴയ അലൈൻമ​​​​​​െൻറിൽ ഒരു പള്ളിയും ക്ഷേത്രവും ഉൾപ്പെടുന്നുണ്ടെന്നതും  അലൈൻമ​​​​​​െൻറ്​ മാറ്റുന്നതിന്​ ഇടയാക്കിയെന്ന്​ അധികൃതർ പറയുന്നു.

പഴയ അലൈൻമ​​​​​​െൻറിൽ ഒരു പള്ളിയും ക്ഷേത്രവും ഉൾപ്പെടുന്നുണ്ടെന്നതും  അലൈൻമ​​​​​​െൻറ്​ മാറ്റുന്നതിന്​ ഇടയാക്കിയെന്ന്​ അധികൃതർ പറയുന്നു.  അ​േതസമയം, സമരക്കാർ അക്രമസംഭവങ്ങളെ തള്ളിപ്പറഞ്ഞു. സർവേക്കെതിരെ തങ്ങൾ പ്രതിഷേധം നടത്തുന്നുണ്ടെങ്കിലും അക്രമ സംഭവങ്ങൾ നടത്തിയത്​ തങ്ങളല്ല എന്ന നിലപാടാണ്​ സമരക്കാർ സ്വീകരിച്ചത്​. സമരത്തിനിടയിൽ നുഴഞ്ഞു കയറിയ ചിലരാണ്​ അക്രമങ്ങൾക്ക്​ ​േനതൃത്വം നൽകിയ​െതന്നും അക്രമങ്ങളോട്​ യോജിപ്പില്ല. തങ്ങൾ സമരം തുടരുന്നത്​ മറ്റൊരു ഭാഗത്താണ്​. അവി​െട സമാധാനപൂർവമാണ്​ സമരം നടക്കുന്നതും സമരക്കാർ വ്യക്​തമാക്കി.