ദുരിതരേഖയായി ദേശീയപാത

ജി​ല്ല​യി​ൽ ഓ​ച്ചി​റ മു​ത​ൽ പാ​രി​പ്പ​ള്ളി​യി​ലെ ക​ട​മ്പാ​ട്ടു​കോ​ണം വ​രെ 72 കി​ലോ​മീ​റ്റ​ർ ദൂ​ര​ത്തിലാ​ണ്​ ദേ​ശീ​യ​പാ​ത 66 വി​ക​സി​പ്പി​ക്കു​ന്ന​ത്. ഗ​താ​ഗ​ത​കു​രു​ക്കും വെ​ള്ള​ക്കെ​ട്ടും മു​ത​ൽ അ​ന്ത​രീ​ക്ഷ മ​ലി​നീ​ക​ര​ണം വ​രെ വ​ൻ ദു​രി​ത​മാ​ണ്​ ദേ​ശീ​യ​പാ​ത ക​ട​ന്നു​പോ​കു​ന്ന പ്ര​ദേ​ശ​ത്തെ ജ​ന​ങ്ങ​ൾ അ​നു​ഭ​വി​ക്കു​ന്ന​ത്. മ​ഴ​യി​ൽ ​പ്ര​ള​യ​വും വ്യാ​പാ​ര മേ​ഖ​ല​യു​ടെ ത​ക​ർ​ച്ച​യും ഇതുമൂലമുണ്ടായി. അ​പ​ക​ടം മ​റ​ഞ്ഞി​രി​ക്കു​ന്ന റോ​ഡി​ലൂ​ടെ ജീ​വ​ൻ പ​ണ​യം വെ​ച്ചാണ്​​ ജനങ്ങളുടെ സഞ്ചാരം. അശാസ്ത്രീയ നിർമാണം വരുത്തിവെച്ച ദു​രി​ത​ങ്ങ​ളി​ലേ​ക്ക്​ ‘മാ​ധ്യ​മം’ ലേ​ഖ​ക​ർ ന​ട​ത്തി​യ അ​ന്വേ​ഷ​ണം ഇ​ന്നുമു​ത​ൽ.​

ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത മ​ഴ​യി​ൽ ക​ല്ലു​വാ​തു​ക്ക​ൽ ഹൈ​സ്കൂ​ളി​നു സ​മീ​പം ദേ​ശീ​യ​പാ​ത​യി​ൽ അ​ഞ്ച​ടി​യോ​ള​മാ​ണ്​ വെ​ള്ളം ഉ​യ​ർ​ന്ന​ത്. ഒ​ന്ന​ര​യാ​ൾ താ​ഴ്ച​യി​ലു​ള്ള കു​ഴി​യും റോ​ഡും തി​രി​ച്ച​റി​യാ​ൻ ക​ഴി​യാ​ത്ത​വി​ധ​മാ​ണ്​ റോ​ഡി​ൽ​ വെ​ള്ള​ക്കെ​ട്ടു​ണ്ടാ​യ​ത്. വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടാ​തി​രി​ക്കാ​ൻ പ​രി​സ​ര​വാ​സി​ക​ൾ ഇ​ട​വി​ട്ട്​ കാ​വ​ൽ നി​ർ​ത്താ​ൻ ആ​ളു​ക​​ളെ മ​ണി​ക്കൂ​റു​ക​ളോ​ളം നി​യോ​ഗി​ച്ചു. ഇ​ത്​ ക​ല്ലു​വാ​തു​ക്ക​ലി​ലെ മാ​ത്രം പ്ര​ശ്ന​മ​ല്ല. ​പു​ന​ർ​നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യു​ടെ എ​ല്ലാ മേ​ഖ​ല​യി​ലെ​യും പൊ​തു​പ്ര​ശ്ന​മാ​യി മാ​റി. കൊ​ട്ടി​യം മേ​ഖ​ല​യി​ൽ ഒ​രു പ്ര​ദേ​ശ​ത്ത് പോ​ലും നി​ർ​മാ​ണം പൂ​ർ​ത്തി​യാ​ൻ ക​രാ​ർ ക​മ്പ​നി​ക്ക് ക​ഴി​ഞ്ഞി​ട്ടി​ല്ല. മ​ഴ​ക്കാ​ല​മാ​യ​തോ​ടെ​യാ​ണ് യാ​ത്ര കൂ​ടു​ത​ൽ ദു​രി​ത​മ​യ​മാ​യ​ത്. വെ​ള്ള​ക്കെ​ട്ട് ഒ​ഴി​വാ​ക്കു​വാ​ൻ യാ​തൊ​രു സം​വി​ധാ​ന​വും ഏ​ർ​പ്പെ​ടു​ത്തി​യി​ട്ടി​ല്ല. കൊ​ട്ടി​യം മേ​ഖ​ല​യി​ൽ മേ​ൽ​പാ​ല നി​ർ​മാ​ണം ന​ട​ക്കു​ന്ന​ത്തി​ൽ ക​ല്ലും​താ​ഴ​ത്തും, ഉ​മ​യ​ന​ല്ലൂ​രി​ലും മാ​ത്ര​മാ​ണ് ധൃ​ത​ഗ​തി​യി​ൽ ന​ട​ക്കു​ന്ന​ത്. പാ​ല​ത്ത​റ​യി​ൽ ഒ​രു വ​ശ​ത്തു മാ​ത്ര​മാ​ണ് നി​ർ​മാ​ണം പൂ​ർ​ത്തീ​ക​രി​ച്ച​ത്. മേ​വ​റ​ത്ത് ഒ​രു വ​ശ​ത്തെ തൂ​ണു​ക​ൾ മാ​ത്ര​മാ​ണ് പൂ​ർ​ത്തി​യാ​യ​ത്.

നേ​ര​ത്തെ​യു​ണ്ടാ​യി​രു​ന്ന ക​ലു​ങ്കും വെ​ള്ളം ഒ​ഴു​കി​പ്പോ​കാ​നു​ള്ള സം​വി​ധാ​ന​ങ്ങ​ളും അ​ട​ച്ച​താ​ണ് റോ​ഡി​ൽ വെ​ള്ള​ക്കെ​ട്ടി​ന് കാ​ര​ണ​മാ​യ​ത്. മ​ണ്ണി​ട്ട് ഉ​യ​ർ​ത്തി​യ ഭാ​ഗ​ങ്ങ​ളി​ൽ വ​രു​ന്ന വെ​ള്ളം താ​ഴേ​ക്ക് ഒ​ലി​ച്ചി​റ​ങ്ങി​യ​തും സ​ർ​വീ​സ് റോ​ഡു​ക​ളി​ൽ വെ​ള്ള​ക്കെ​ട്ടി​നി​ട​യാ​ക്കി. പ​ഴ​യ റോ​ഡി​ൽ അ​മ്പ​തോ​ളം ക​ലു​ങ്കു​ക​ളു​ണ്ടാ​യി​രു​ന്നു. സ​ർ​വീ​സ്​ റോ​ഡി​നാ​യി നി​ക്ഷേ​പി​ച്ച മ​ണ്ണ്​ കു​ത്തി​യൊ​ലി​ച്ച്​ സ​മീ​പ​പു​ര​യി​ട​ങ്ങ​ളി​ൽ എ​ത്തു​ന്ന​തും പ​തി​വ്​ കാ​ഴ്ച​യാ​ണ്. ക​ല്ലു​വാ​തു​ക്ക​ൽ ശ്രീ​രാ​മ​പു​രം, പാ​രി​പ്പ​ള്ളി ഭാ​ഗ​ങ്ങ​ൾ എ​വി​ടെ എ​ന്നു പോ​ലു​മ​റി​യാ​ത്ത അ​വ​സ്ഥ​യി​ലാ​ണ്. വേ​ന​ൽ മ​ഴ​യാ​രം​ഭി​ച്ച​പ്പോ​ൾ ത​ന്നെ ഇ​ങ്ങ​നെ​യെ​ങ്കി​ൽ കാ​ല​വ​ർ​ഷം എ​ങ്ങ​നെ​യാ​കു​മെ​ന്ന ആ​ശ​ങ്ക​യി​ലാ​ണ് ജ​നം.

സു​ര​ക്ഷ ഒ​രു​ക്കാ​തെ നി​ർ​മാ​ണം

സു​ര​ക്ഷ ഒ​രു​ക്കാ​തെ റോ​ഡ് നി​ർ​മി​ക്കു​ന്ന​ത് പ​ല സ്ഥ​ല​ത്തും അ​പ​ക​ട​ങ്ങ​ൾ​ക്കും മ​ര​ണ​ത്തി​നും ഇ​ട​യാ​ക്കി. ആ​ഴ​മേ​റി​യ കു​ഴി​യെ​ടു​ത്ത റോ​ഡി​ന്‍റെ വ​ശ​ങ്ങ​ളി​ൽ ഒ​രു റി​ബ​ൺ മാ​ത്ര​മാ​ണ് വ​ലി​ച്ചു കെ​ട്ടു​ന്ന​ത്. എ​തി​രെ വ​രു​ന്ന വാ​ഹ​ന​ങ്ങ​ൾ വ​ശം കൊ​ടു​ക്കാ​ൻ ക​ഴി​യാ​തെ കു​ഴി​യി​ൽ വീ​ണാ​ണ് പ​ല അ​പ​ക​ട​ങ്ങ​ളും ഉ​ണ്ടാ​യ​ത്. സു​ര​ക്ഷ​സം​വി​ധാ​നം ഒ​രു​ക്കി വേ​ണം റോ​ഡ് നി​ർ​മാ​ണം ന​ട​ത്താ​നെ​ന്ന് ലീ​ഗ​ൽ സ​ർ​വീ​സ് അ​തോ​റി​റ്റി നി​ർ​ദേ​ശി​ച്ചി​ട്ടും ക​രാ​ർ എ​ടു​ത്തി​ട്ടു​ള്ള​വ​ർ ത​യാ​റാ​യി​ട്ടി​ല്ല. അ​ടു​ത്തി​ടെ വ്യാ​പാ​രി​ക​ളു​ടെ പ​രാ​തി​യെ തു​ട​ർ​ന്ന് കൊ​ട്ടി​യം ജ​ങ്ഷ​നി​ൽ സ​ന്ദ​ർ​ശ​നം ന​ട​ത്തി​യ ക​ല​ക്ട​ർ നി​ർ​മാ​ണ പ്ര​വ​ർ​ത്ത​ന​ങ്ങ​ൾ വേ​ഗ​ത്തി​ലാ​ക്കാ​ൻ നി​ർ​ദേ​ശം ന​ൽ​കി.

രാ​ത്രി​ റോ​ഡാ​കെ ഇ​രു​ട്ടി​ൽ

റോ​ഡി​ന്‍റെ വ​ശ​ങ്ങ​ളി​ൽ വൈ​ദ്യു​തി തൂ​ണു​ക​ളും തെ​രു​വു വി​ള​ക്കു​ക​ളും പു​ന:​സ്ഥാ​പി​ക്കാ​ത്ത​തി​നാ​ൽ റോ​ഡ് നി​ർ​മി​ക്കു​ന്ന സ്ഥ​ല​ങ്ങ​ൾ രാ​ത്രി​കാ​ല​ങ്ങ​ളി​ൽ കൂ​രി​രു​ട്ടി​ലാ​ണ്. പ്ര​ധാ​ന​പ്പെ​ട്ട ജ​ങ്ഷ​നു​ക​ളി​ൽ എം.​പി, എം.​എ​ൽ.​എ ഫ​ണ്ടു​ക​ൾ ഉ​പ​യോ​ഗി​ച്ച് സ്ഥാ​പി​ച്ചി​രു​ന്ന ഹൈ​മാ​സ്റ്റ് ലൈ​റ്റു​ക​ൾ ഇ​ള​ക്കി മാ​റ്റി​യി​രു​ന്നു. ദൂ​രെ നി​ന്ന് രാ​ത്രി​യി​ൽ വാ​ഹ​ന​വു​മാ​യി എ​ത്തു​ന്ന​വ​ർ അ​പ​ക​ട​ത്തി​ൽ​പ്പെ​ടു​ന്ന​തി​ന്‍റെ പ്ര​ധാ​ന കാ​ര​ണ​വും ഇ​താ​ണ്.

എ​ങ്ങു​മെ​ത്താ​തെ ഓ​ട നി​ർ​മാ​ണം

ഓ​ട​ക​ൾ പാ​തി​വ​ഴി​യി​ൽ നി​ർ​മാ​ണം നി​ർ​ത്തി​യ​തി​നാ​ൽ വെ​ള്ളം റോ​ഡി​ലേ​ക്ക് ഇ​റ​ങ്ങു​ക പ​തി​വാ​യി​ട്ടു​ണ്ട്. നി​ല​വി​ൽ നി​ർ​മി​ക്കു​ന്ന ഓ​ട​ക​ൾ യാ​തൊ​രു ഫ​ല​വും ഉ​ണ്ടാ​കി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. പ്ര​ധാ​ന ക​രാ​റു​കാ​രി​ൽ നി​ന്ന് ഉ​പ​ക​രാ​ർ എ​ടു​ത്ത​വ​രാ​ണ് നി​ർ​മി​ക്കു​ന്ന​ത് എ​ന്നാ​ണ് പ​റ​യു​ന്ന​ത്.

മേ​ൽ​നോ​ട്ട​ത്തി​ന്​ ആ​രു​മി​ല്ല

ദേ​ശീ​യ​പാ​ത ന​വീ​ക​ര​ണം ന​ട​ക്കു​ന്ന സ്ഥ​ല​ങ്ങ​ളി​ൽ മേ​ൽ​നോ​ട്ടം വ​ഹി​ക്കാ​ൻ ഉ​ത്ത​ര​വാ​ദ​പ്പെ​ട്ട​വ​ർ ആ​രു​മി​ല്ലെ​ന്ന അ​വ​സ്ഥ​യു​ണ്ട്. ഹൈ​വേ അ​തോ​റി​റ്റി​യു​മാ​യി ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ ഒ​രി​ട​ത്തും കാ​ണാ​നി​ല്ല . പ​ക​രം അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളാ​ണ് നി​ർ​മാ​ണ പ്ര​വ​ർ​ത്ത​ന​ത്തി​ന് മേ​ൽ​നോ​ട്ടം വ​ഹി​ക്കു​ന്ന​ത്.

വ​കു​പ്പു​ക​ൾ തമ്മിൽ ഏ​കോ​പ​നമില്ല

വ​കു​പ്പു​ക​ളു​ടെ ഏ​കോ​പ​ന​മി​ല്ലാ​യ്മ​യും റോ​ഡ് നി​ർ​മാ​ണ​ത്തെ ബാ​ധി​ച്ചു. വാ​ട്ട​ർ അ​തോ​റി​റ്റി​യും വൈ​ദ്യു​തി ബോ​ർ​ഡു​മാ​യും ആ​ലോ​ചി​ക്കാ​തെ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത് മൂ​ലം നി​ര​വ​ധി സ്ഥ​ല​ങ്ങ​ളി​ലാ​ണ് പൈ​പ്പ് പൊ​ട്ടി വെ​ള്ളം പാ​ഴാ​യ​ത്. വൈ​ദ്യു​തി പോ​സ്റ്റു​ക​ൾ മാ​റ്റി സ്ഥാ​പി​ക്കു​ന്ന കാ​ര്യ​ത്തി​ലും വൈ​ദ്യു​തി ബോ​ർ​ഡു​മാ​യി ആ​ലോ​ച​ന​യു​ണ്ടാ​കു​ന്നി​ല്ല.

പാ​ലം നി​ർ​മാ​ണ​ത്തി​ൽ അ​ശാ​സ്ത്രീ​യ​ത

പു​തി​യ പാ​ല​ങ്ങ​ളു​ടെ പ്ലാ​നി​ലെ അ​ശാ​സ്ത്രീ​യ​ത​യാ​ണ് ദേ​ശീ​യ​പ​താ​യി​ലെ വെ​ള്ള​ക്കെ​ട്ടി​ന് കാ​ര​ണം. അ​യ​ത്തി​ൽ, സാ​ര​ഥി എ​ന്നി​വി​ട​ങ്ങ​ളി​ലാ​യി ഉ​ണ്ടാ​യി​രു​ന്ന മൂ​ന്ന് പാ​ല​ങ്ങ​ൾ​ക്ക് പ​ക​രം വ​രു​ന്ന​വ​യു​ടെ ഉ​യ​ര​ക്കു​റ​വ് ചൂ​രാ​ങ്ങ​ൽ ആ​റ്റി​ലെ വെ​ള്ള​മൊ​ഴു​ക്കി​ന് ത​ട​സ്സം വ​രു​ത്തി. (തു​ട​രും)