ദേശീയപാത വികസനം; നഷ്ടപരിഹാരം സ്വീകരിക്കാൻ ദേവസ്വം ബോർഡ് തീരുമാനം

ഹ​രി​പ്പാ​ട്: ദേ​ശീ​യ​പാ​ത​ക്ക്​ ഏ​റ്റെ​ടു​ക്കു​ന്ന ക്ഷേ​ത്ര​ഭൂ​മി​യി​ലെ നി​ർ​മി​തി​ക​ൾ​ക്കു​ള്ള ന​ഷ്ട​പ​രി​ഹാ​രം സ്വീ​ക​രി​ക്കാ​ൻ ദേ​വ​സ്വം ബോ​ർ​ഡ് തീ​രു​മാ​നി​ച്ചു. ന​ഷ്ട​പ​രി​ഹാ​ര​ത്തു​ക കൈ​മാ​റേ​ണ്ട ബാ​ങ്ക് അ​ക്കൗ​ണ്ട് ഉ​ൾ​പ്പെ​ടെ വി​വ​ര​ങ്ങ​ൾ അ​ടു​ത്ത​ദി​വ​സം കൈ​മാ​റു​മെ​ന്ന് ദേ​വ​സ്വം ബോ​ർ​ഡ് ക​മീ​ഷ​ണ​ർ പ​റ​ഞ്ഞു.

മാ​സ​ങ്ങ​ളാ​യി ഇ​തു​സം​ബ​ന്ധി​ച്ച് ദേ​വ​സ്വം ബോ​ർ​ഡും ദേ​ശീ​യ​പാ​ത അ​തോ​റ്റി​യും ത​മ്മി​ൽ ന​ട​ന്ന ത​ർ​ക്ക​ത്തി​നൊ​ടു​വി​ലാ​ണി​ത്. ദേ​വ​സ്വം ബോ​ർ​ഡ് ക്ഷേ​ത്ര​ങ്ങ​ളു​ടെ ഭൂ​മി സ​ർ​ക്കാ​ർ പു​റ​മ്പോ​ക്കാ​യാ​ണ് രേ​ഖ​ക​ളി​ലു​ള്ള​ത്. ഭൂ​മി ഏ​റ്റെ​ടു​ക്ക​ൽ ച​ട്ട​പ്ര​കാ​രം പു​റ​മ്പോ​ക്കു​ക​ൾ വി​ല ന​ൽ​കാ​തെ ഏ​റ്റെ​ടു​ക്കാം. ഇ​ത​നു​സ​രി​ച്ച്, ദേ​വ​സ്വം ഭൂ​മി​ക്കൊ​പ്പം സ​ർ​ക്കാ​ർ വ​കു​പ്പു​ക​ളു​ടെ കൈ​വ​ശ​മു​ള്ള ഭൂ​മി​ക്കും ന​ഷ്ട​പ​രി​ഹാ​രം ല​ഭി​ക്കി​ല്ല.

ന​ഷ്ട​പ​രി​ഹാ​രം കി​ട്ടാ​തെ ഭൂ​മി വി​ട്ടു​കൊ​ടു​ക്കി​ല്ലെ​ന്ന ക​ർ​ശ​ന നി​ല​പാ​ടാ​ണ് ബോ​ർ​ഡ് സ്വീ​ക​രി​ച്ച​ത്. ഇ​തോ​ടെ തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ ജി​ല്ല​ക​ളി​ലെ ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ൾ പൂ​ർ​ത്തി​യാ​ക്കാ​നാ​യി​ല്ല. സ​ർ​ക്കാ​ർ നി​ർ​ദേ​ശ​ത്തെ തു​ട​ർ​ന്നാ​ണ് ബോ​ർ​ഡ് നി​ല​പാ​ട് മാ​റ്റി​യ​തെ​ന്ന​റി​യു​ന്നു. ന​ഷ്ട​പ​രി​ഹാ​രം സ്വീ​ക​രി​ക്കു​മെ​ങ്കി​ലും വി​ഷ​യ​ത്തി​ൽ നി​യ​മ​ന​ട​പ​ടി​ക​ൾ തു​ട​രാ​നാ​ണ് ബോ​ർ​ഡി​ന്റെ തീ​രു​മാ​നം.

ക്ഷേ​ത്രം​വ​ക ഭൂ​മി​ക്കു പ​ണം ന​ൽ​കി​ല്ലെ​ങ്കി​ലും കെ​ട്ടി​ട​ങ്ങ​ൾ, അ​ല​ങ്കാ​ര ഗോ​പു​ര​ങ്ങ​ൾ, കു​ള​ങ്ങ​ൾ, മ​തി​ലു​ക​ൾ തു​ട​ങ്ങി​യ നി​ർ​മി​തി​ക​ൾ​ക്കാ​ണ് ന​ഷ്ട​പ​രി​ഹാ​രം അ​നു​വ​ദി​ക്കു​ന്ന​ത്. ആ​റു​മാ​സം മു​മ്പ് ജി​ല്ല​യി​ലെ ദേ​വ​സ്വം ബോ​ർ​ഡ് ക്ഷേ​ത്ര​ങ്ങ​ളു​ടെ ന​ഷ്ട​പ​രി​ഹാ​രം നി​ശ്ച​യി​ച്ചി​രു​ന്നു. തു​ക കൈ​മാ​റാ​നു​ള്ള ബാ​ങ്ക് അ​ക്കൗ​ണ്ട് ഹാ​ജ​രാ​ക്കാ​ൻ നി​ർ​ദേ​ശം ന​ൽ​കി​യ​പ്പോ​ഴാ​ണ് ഭൂ​മി​ക്കും പ​ണം വേ​ണ​മെ​ന്ന് ബോ​ർ​ഡ് ആ​വ​ശ്യ​പ്പെ​ട്ട​ത്.

ഈ ​ആ​വ​ശ്യ​വു​മാ​യി ബോ​ർ​ഡ് കോ​ട​തി​യെ സ​മീ​പി​ച്ച് അ​നു​കൂ​ല ഉ​ത്ത​ര​വ്​ നേ​ടി​യി​രു​ന്നു. ഇ​ത​നു​സ​രി​ച്ച് ഭൂ​മി​യു​ടെ ഉ​ട​മ​സ്ഥാ​വ​കാ​ശം സം​ബ​ന്ധി​ച്ച രേ​ഖ​ക​ൾ ഹാ​ജ​രാ​ക്കാ​ൻ വി​വി​ധ ജി​ല്ല​ക​ളി​ലെ ഭൂ​മി ഏ​റ്റെ​ടു​ക്ക​ൽ വി​ഭാ​ഗം ദേ​വ​സ്വം ബോ​ർ​ഡി​നു ക​ത്തു​ന​ൽ​കി. എ​ന്നാ​ൽ, ബ​ന്ധ​പ്പെ​ട്ട രേ​ഖ​ക​ൾ ഹാ​ജ​രാ​ക്കാ​ൻ ബോ​ർ​ഡി​നു ക​ഴി​ഞ്ഞി​ല്ല. ന​ഷ്ട​പ​രി​ഹാ​രം സ്വീ​ക​രി​ക്കാ​ൻ ബോ​ർ​ഡ് ത​യാ​റാ​യി​ല്ലെ​ങ്കി​ൽ ജി​ല്ല കോ​ട​തി​യി​ൽ തു​ക കെ​ട്ടി​വെ​ച്ച​ശേ​ഷം ഭൂ​മി ഏ​റ്റെ​ടു​ക്കാ​നും കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റാ​നും ദേ​ശീ​യ​പാ​ത അ​തോ​റി​റ്റി തീ​രു​മാ​നി​ച്ചി​രു​ന്നു. ആ​ല​പ്പു​ഴ ജി​ല്ല​യി​ൽ ഇ​തി​നു​ള്ള ന​ട​പ​ടി ആ​രം​ഭി​ക്കു​ക​യും ചെ​യ്തു. അ​തി​നി​ടെ​യാ​ണ് ദേ​വ​സ്വം ബോ​ർ​ഡ് നി​ല​പാ​ട് മാ​റ്റി​യ​ത്.