ദേശീയ പണിമുടക്ക് കേ​ര​ള​ത്തി​ൽ പൂർണം; വിവിധ സ്ഥലങ്ങളിൽ സമരാനുകൂലികൾ വാഹനങ്ങൾ തടഞ്ഞു -LIVE

തൃശൂർ സ്വരാജ് റൗണ്ടിൽ ബൈക്ക് യാത്രക്കാരനും സമരാനുകൂലികളും തമ്മിൽ വാക്കേറ്റവും കൈയേറ്റവും

കോടതികൾ വിമർശിക്കേണ്ടത് കേന്ദ്ര സർക്കാറിനെയെന്ന് എ.ഐ.ടി.യു.സി

ദേശീയ പണിമുടക്കിനെ തുടർന്ന് സർക്കാർ ഓഫീസുകളിൽ ഹാജർ കുറഞ്ഞതിനെ വിമർശിച്ച ഹൈകോടതിക്ക് മറുപടിയുമായി സി.പി.ഐ തൊഴിലാളി സംഘടനയായ എ.ഐ.ടി.യു.സി. കോടതികൾ വിമർശിക്കേണ്ടത് കേന്ദ്ര സർക്കാറിനെയാണെന്ന് എ.ഐ.ടി.യു.സി സംസ്ഥാന ജനറൽ സെക്രട്ടറി കെ.പി രാജേന്ദ്രൻ പറഞ്ഞു. ഹൈകോടതി ഉത്തരവിനെതിരെ അപ്പീൽ പോകുന്ന കാര്യം കൂട്ടായി ആലോചിക്കും. ഇപ്പോൾ പണിമുടക്കുന്ന സർക്കാർ ജീവനക്കാർ നാളെയും പണിമുടക്കും. നാളെയും സമരം ശക്തമായി തന്നെ നടക്കുമെന്നും കെ.പി രാജേന്ദ്രൻ മാധ്യമങ്ങളോട് പറഞ്ഞു.

സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കരുത്, ഡയസ്നോൺ പ്രഖ്യാപിക്കണമെന്ന് ഹൈകോടതി

സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കരുതെന്നും ഡയസ്നോൺ പ്രഖ്യാപിച്ച് ഉദ്യോഗസ്ഥർ പണിമുടക്കിൽ പങ്കെടുക്കുന്നത് വിലക്കി ഇന്ന് തന്നെ സർക്കാർ ഉത്തരവിറക്കണമെന്നുമാണ് ഹൈകോടതി നിർദേശിച്ചത്. ദേശീയ പണിമുടക്കിൽ ഡയസ്നോൺ പ്രഖ്യാപിക്കാത്തത് ചോദ്യം ചെയ്ത് തിരുവനന്തപുരം സ്വദേശിയായ അഭിഭാഷകൻ സമർപ്പിച്ച ഹരജിയിലാണ് കോടതി ഉത്തരവ്. 

യാത്ര തടസപ്പെട്ടതിനെ തുടർന്ന് മജിസ്ട്രേറ്റ് സി.ഐയെ വിളിപ്പിച്ച് വിശദീകരണം തേടി

തിരുവനന്തപുരം പേട്ടയിൽ യാത്ര തടസപ്പെട്ടതിനെ തുടർന്ന് മജിസ്ട്രേറ്റ് സി.ഐയെ വിളിപ്പിച്ച് വിശദീകരണം തേടി

തിരുവനന്തപുരം വെഞ്ഞാറമൂട്ടിൽ സി.പി.എമ്മും സി.പി.ഐയും തമ്മിൽ സംഘർഷം

തിരുവനന്തപുരം വെഞ്ഞാറമൂട്ടിൽ സി.പി.എമ്മും സി.പി.ഐയും തമ്മിൽ സംഘർഷം. സി.പി.ഐയുടെ നേതൃത്വത്തിൽ നടത്തിയ പ്രകടനം സി.പി.എം പന്തലിന് സമീപം എത്തിയപ്പോഴാണ് വാക്കുതർക്കമുണ്ടായത്. 

ഇരിങ്ങാലക്കുട - കൊടുങ്ങല്ലൂർ സംസ്ഥാന പാതയിൽ വെള്ളാങ്ങല്ലൂരിൽ സമരാനുകൂലികൾ കണ്ടെയ്നർ ലോറി തടഞ്ഞു

ദേശീയ പണിമുടക്കിനോട് അനുബന്ധിച്ച് ഇരിങ്ങാലക്കുട - കൊടുങ്ങല്ലൂർ സംസ്ഥാന പാതയിൽ വെള്ളാങ്ങല്ലൂരിൽ സമരാനുകൂലികൾ കണ്ടെയ്നർ ലോറി തടഞ്ഞുണ്ടായ സംഘർഷം

ദേശിയ പണിമുടക്കിനോട് അനുബന്ധിച്ച് കോഴിക്കോട് നഗരത്തിൽ സംയുക്ത സമരസമതിയുടെ നേതൃത്വത്തിൽ നടത്തിയ പ്രകടനം

കോഴിക്കോട് സമരാനുകൂലികൾ ഓട്ടോറിക്ഷ അടിച്ചുതകർത്തു

കോഴിക്കോട് സമരാനുകൂലികൾ ഓട്ടോറിക്ഷ അടിച്ചുതകർത്തു. മാവൂർ റോഡിന് സമീപം ശ്മശാനം റോഡിലാണ് സംഭവം.

പണിമുടക്കിനെ തുടർന്ന വിജനമായി കോഴിക്കോട് മിഠായിത്തെരുവ്

പണിമുടക്കിനോട് അനുബന്ധിച്ച് എറണാകുളത്ത് നടന്ന സംയുക്ത തൊഴിലാളി റാലി