നവകേരള സദസ്സ്:​ കുട്ടികളെ അയക്കാനുള്ള ഉത്തരവ്​ ഉദ്യോഗസ്ഥരുടെ​ പിഴവെന്ന് സർക്കാർ

കൊ​ച്ചി: ന​വ​കേ​ര​ള സദസ്സിന് സ്കൂ​ൾ കു​ട്ടി​ക​ളെ പ​ങ്കെ​ടു​പ്പി​ക്കാ​നും സ്കൂ​ൾ ബ​സ് വി​ട്ടു​ന​ൽ​കാ​നു​മു​ള്ള ഉ​ത്ത​ര​വു​ക​ൾ ഉ​ദ്യോ​ഗ​സ്ഥ​ർ​ക്ക്​ പ​റ്റി​യ തെ​റ്റെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ. ഈ ​ഉ​ത്ത​ര​വു​ക​ൾ പി​ൻ​വ​ലി​ച്ച​താ​യും തെ​റ്റാ​യ ഉ​ത്ത​ര​വി​റ​ക്കി​യ​ത്​ സം​ബ​ന്ധി​ച്ച്​ പ​രി​ശോ​ധി​ക്കു​മെ​ന്നും സ​ർ​ക്കാ​റി​നു​വേ​ണ്ടി ഹാ​ജ​രാ​യ അ​ഡീ. അ​ഡ്വ​ക്ക​റ്റ് ജ​ന​റ​ൽ വി​ശ​ദീ​ക​രി​ച്ചു. തു​ട​ർ​ന്ന്,​ ഇ​ക്കാ​ര്യം രേ​ഖ​പ്പെ​ടു​ത്തി​യ സിം​ഗി​ൾ ബെ​ഞ്ച് ഭാ​വി​യി​ൽ ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്ക​രു​തെ​ന്ന് ഉ​ദ്യോ​ഗ​സ്ഥ​ർ​ക്ക് ക​ർ​ശ​ന താ​ക്കീ​ത്​ ന​ൽ​ക​ണ​മെ​ന്ന നി​ർ​ദേ​ശ​വും ന​ൽ​കി.

സ്കൂ​ൾ ബ​സു​ക​ൾ വി​ട്ടു​ന​ൽ​ക​ണ​മെ​ന്ന പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ഉ​ത്ത​ര​വ്​ ചോ​ദ്യം ചെ​യ്ത് കാ​സ​ർ​കോ​ട് സ്വ​ദേ​ശി ഫി​ലി​പ് ജോ​സ​ഫ്, സ്കൂ​ൾ കു​ട്ടി​ക​ളെ പ​ങ്കെ​ടു​പ്പി​ക്ക​ണ​മെ​ന്ന മ​ല​പ്പു​റം ഡി.​ഡി​യു​ടെ ഉ​ത്ത​ര​വി​നെ​തി​രെ എം.​എ​സ്.​എ​ഫ് സം​സ്ഥാ​ന പ്ര​സി​ഡ​ന്‍റ്​ പി.​കെ. ന​വാ​സ്​ എ​ന്നി​വ​ർ ന​ൽ​കി​യ ഹ​ര​ജി​ക​ളാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്.

പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ ഉ​ൾ​പ്പെ​ടെ വി​ദ്യാ​ഭ്യാ​സ വ​കു​പ്പി​ലെ ഉ​ദ്യോ​ഗ​സ്ഥ​ർ​ക്ക് കേ​ര​ള വി​ദ്യാ​ഭ്യാ​സ ച​ട്ട​പ്ര​കാ​ര​മേ പ്ര​വ​ർ​ത്തി​ക്കാ​നാ​വൂ എ​ന്നി​രി​ക്കെ എ​ങ്ങ​നെ​യാ​ണ് ഇ​വ​ർ​ക്ക് ഇ​ത്ത​രം ഉ​ത്ത​ര​വു​ക​ൾ ന​ൽ​കാ​നാ​വു​ക​യെ​ന്ന്​ കോ​ട​തി ആ​രാ​ഞ്ഞു. ഉ​ത്ത​ര​വു​ക​ൾ തെ​റ്റാ​ണെ​ന്ന് സ​ർ​ക്കാ​ർ പ​റ​യു​ന്ന സ്ഥി​തി​ക്ക് ഇ​ത്ത​രം ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി വേ​ണ്ട​ത​ല്ലേ. ഇ​വ​ർ​ക്കെ​തി​രെ ന​ട​പ​ടി​യെ​ടു​ക്കാ​തെ സ​ർ​ക്കാ​ർ പി​ന്തു​ണ​ക്കു​ന്ന​തെ​ന്തി​നാ​ണ്. ഇ​വ​ർ​ക്കെ​തി​രെ ന​ട​പ​ടി​യു​ണ്ടാ​യി​ല്ലെ​ങ്കി​ൽ ഭാ​വി​യി​ൽ ഇ​ത്​ ആ​വ​ർ​ത്തി​ക്കു​മെ​ന്നും കോ​ട​തി ചൂ​ണ്ടി​ക്കാ​ട്ടി. ബ​സു​ക​ൾ വി​ട്ടു​ന​ൽ​ക​ണ​മെ​ന്ന്​ പ​റ​യു​ന്ന​തി​നെ​ക്കാ​ൾ ഗൗ​ര​വ​മു​ള്ള​താ​ണ് കു​ട്ടി​ക​ളെ വി​ട​ണ​മെ​ന്ന ഉ​ത്ത​ര​വ്. നാ​ടി​ന്‍റെ അ​മൂ​ല്യ സ​മ്പ​ത്താ​ണ് കു​ട്ടി​ക​ൾ. ബ​സു​ക​ൾ ചീ​ത്ത​യാ​യാ​ൽ ഉ​പേ​ക്ഷി​ക്കാം. കു​ട്ടി​ക​ളെ അ​ങ്ങ​നെ ചെ​യ്യാ​നാ​വി​ല്ല.

ഈ ​ഉ​ത്ത​ര​വു​ക​ൾ കു​ട്ടി​ക​ളു​ടെ അ​ന്ത​സ്സി​നെ താ​ഴ്‌​ത്തി​ക്കെ​ട്ടു​ന്ന​താ​ണെ​ന്നും കോ​ട​തി പ​റ​ഞ്ഞു. എ​ന്നാ​ൽ, തെ​റ്റാ​യ ഉ​ത്ത​ര​വു​ക​ൾ പി​ൻ​വ​ലി​ച്ച സാ​ഹ​ച​ര്യ​ത്തി​ൽ തു​ട​ർ​ന​ട​പ​ടി ആ​വ​ശ്യ​മി​ല്ലെ​ന്നാ​യി​രു​ന്നു സ​ർ​ക്കാ​ർ നി​ല​പാ​ട്.