എ.​ഡി.​എം കെ. ​ന​വീ​ൻ ബാ​ബു​വി​ന്റെ മരണം: ആത്മഹത്യാ പ്രേരണക്കുറ്റം നിലനിൽക്കുമെന്ന് കോടതി

ക​ണ്ണൂ​ർ: എ.​ഡി.​എം കെ. ​ന​വീ​ൻ ബാ​ബു​വി​ന്റെ ആ​ത്മ​ഹ​ത്യ​യി​ൽ പ്ര​തി​ചേ​ർ​ക്ക​പ്പെ​ട്ട പി.​പി. ദി​വ്യ​ക്കെ​തി​രെ ചു​മ​ത്തി​യ ആ​ത്മ​ഹ​ത്യാ​പ്രേ​ര​ണ​ക്കു​റ്റം കേ​സി​ൽ നി​ല​നി​ൽ​ക്കു​മെ​ന്ന് ത​ല​ശ്ശേ​രി പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി. കേ​സി​ൽ റി​മാ​ൻ​ഡി​ൽ ക​ഴി​യു​ന്ന ദി​വ്യ​ക്ക് ജാ​മ്യം അ​നു​വ​ദി​ച്ച് കോ​ട​തി പു​റ​പ്പെ​ടു​വി​ച്ച 33 പേ​ജു​ള്ള വി​ധി​ന്യാ​യ​ത്തി​ലാ​ണ് ഈ ​പ​രാ​മ​ർ​ശം.

സാ​മൂ​ഹി​ക​ഘ​ട​ന​യി​ൽ കു​ടും​ബ​ത്തി​ന്റെ നാ​ഥ എ​ന്ന പ​രി​ഗ​ണ​ന​യി​ലാ​ണ് ദി​വ്യ​ക്ക് ജാ​മ്യം അ​നു​വ​ദി​ച്ച​തെ​ന്ന് കോ​ട​തി വ്യ​ക്ത​മാ​ക്കി. കു​റ​ഞ്ഞ സ​മ​യ​ത്തേ​ക്കാ​ണെ​ങ്കി​ൽ പോ​ലും കു​ടും​ബ​നാ​ഥ​യു​ടെ അ​സാ​ന്നി​ധ്യ​ത്തി​ൽ കു​ടും​ബം അ​സ്വ​സ്ഥ​മാ​കു​മെ​ന്നും കോ​ട​തി നി​രീ​ക്ഷി​ച്ചു. ചി​കി​ത്സാ​രേ​ഖ​ക​ൾ ഹാ​ജ​രാ​ക്കി​യ​തു​പ്ര​കാ​രം ദി​വ്യ​യു​ടെ പി​താ​വി​ന്റെ രോ​ഗാ​വ​സ്ഥ​യും കോ​ട​തി പ​രി​ഗ​ണി​ച്ചു.

പ്ര​തി​ക്കെ​തി​രെ സ​മൂ​ഹ​ത്തി​ന്റെ വി​കാ​രം പ​രി​ഗ​ണി​ച്ച് ജാ​മ്യം നി​ഷേ​ധി​ക്കാ​നാ​വി​ല്ലെ​ന്ന് നി​രീ​ക്ഷി​ച്ച ജി​ല്ല സെ​ഷ​ന്‍സ് ജ​ഡ്ജി കെ.​ടി. നി​സാ​ര്‍ അ​ഹ​മ്മ​ദാ​ണ് 11 ദി​വ​സ​ത്തെ റി​മാ​ൻ​ഡി​നു​ശേ​ഷം ക​ർ​ശ​ന ഉ​പാ​ധി​ക​​ളോ​ടെ ജാ​മ്യം അ​നു​വ​ദി​ച്ച​ത്.

എ​ല്ലാ തി​ങ്ക​ളാ​ഴ്ച​യും രാ​വി​ലെ 10നും 11​നും ഇ​ട​യി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്കു​മു​ന്നി​ൽ ഹാ​ജ​രാ​ക​ണം, ക​ണ്ണൂ​ര്‍ ജി​ല്ല വി​ട്ടു​പോ​കാ​ന്‍ പാ​ടി​ല്ല, പാ​സ്പോ​ർ​ട്ട് കോ​ട​തി​യി​ൽ ഹാ​ജ​രാ​ക്ക​ണം, സാ​ക്ഷി​ക​ളെ സ്വാ​ധീ​നി​ക്ക​രു​ത്, ജാ​മ്യ​കാ​ല​യ​ള​വി​ൽ കു​റ്റ​കൃ​ത്യ​ങ്ങ​ളി​ലൊ​ന്നും പ്ര​തി ചേ​ർ​ക്ക​പ്പെ​ട​രു​ത് എ​ന്നീ ഉ​പാ​ധി​ക​ളും കോ​ട​തി മു​ന്നോ​ട്ടു​വെ​ച്ചു.

ഹ​ര​ജി​യി​ൽ ചൊ​വ്വാ​ഴ്ച വാ​ദം കേ​ട്ട​ശേ​ഷം വെ​ള്ളി​യാ​ഴ്ച വി​ധി​പ​റ​യാ​ൻ മാ​റ്റു​ക​യാ​യി​രു​ന്നു. അ​ന്വേ​ഷ​ണ​വു​മാ​യി സ​ഹ​ക​രി​ച്ചെ​ന്നും ജാ​മ്യം ന​ൽ​ക​ണ​മെ​ന്നു​മാ​യി​രു​ന്നു ദി​വ്യ​യു​ടെ വാ​ദം.

എ.​ഡി.​എം ന​വീ​ൻ ബാ​ബു കൈ​ക്കൂ​ലി വാ​ങ്ങി​യ​തി​ന് സാ​ഹ​ച​ര്യ​ത്തെ​ളി​വു​ക​ളു​ണ്ടെ​ന്നും സ​ദു​ദ്ദേ​ശ്യ​ത്തി​ലാ​ണ് ആ​രോ​പ​ണം ഉ​ന്ന​യി​ച്ച​തെ​ന്നും ദി​വ്യ കോ​ട​തി​യി​ൽ പ​റ​ഞ്ഞി​രു​ന്നു. വെ​ള്ളി​യാ​ഴ്ച രാ​വി​ലെ 11ന് ​ത​ല​ശ്ശേ​രി പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി ജാ​മ്യം അ​നു​വ​ദി​ച്ച​​തി​നു​പി​ന്നാ​ലെ ഇ​തു​സം​ബ​ന്ധി​ച്ച രേ​ഖ​ക​ൾ പ​ള്ളി​ക്കു​ന്നി​ലെ വ​നി​ത ജ​യി​ലി​ൽ എ​ത്തി​ച്ചു. പി​ന്നാ​ലെ ജ​യി​ൽ മോ​ചി​ത​യാ​യി.