ഉഴവൂര്‍ വിജയ​െൻറ മരണം: പരാതിക്കാരിയുടെ മൊഴിയെടുത്തു

കോട്ടയം: ഉഴവൂര്‍ വിജയ​​​െൻറ മരണത്തിൽ ക്രൈംബ്രാഞ്ച് അന്വേഷണസംഘം പരാതിക്കാരിയുടെ മൊഴിയെടുത്തു. എൻ.സി.പി സംസ്​ഥാന പ്രസിഡൻറായിരുന്ന ഉഴവൂര്‍ വിജയ​​​െൻറ മരണത്തിനിടയാക്കിയത്​ പാര്‍ട്ടിയിലെ ഒരുവിഭാഗം നേതാക്കളുടെ മാനസിക സമ്മര്‍ദമാണെന്ന്​ കാട്ടി എൻ.സി.പി കോട്ടയം ജില്ല കമ്മിറ്റി അംഗം റാണി സാംജിയാണ്​ പരാതി നല്‍കിയത്​.

ഉഴവൂര്‍ വിജയ​​​െൻറ മരണത്തിനിടയാക്കിയ സാഹചര്യങ്ങളെക്കുറിച്ച് അന്വേഷിക്കണമെന്നാവശ്യപ്പെട്ട് ഇവർ മുഖ്യമന്ത്രി​െയയും കണ്ടിരുന്നു. തുടർന്ന്​ 2017 ആഗസ്​റ്റില്‍ ക്രൈംബ്രാഞ്ച് അന്വേഷണത്തിന് സർക്കാർ ഉത്തരവിട്ടു. തുടർന്ന്​ ക്രൈംബ്രാഞ്ച് പരാതിക്കാരുടെ മൊഴിയെടുത്തു. ഉഴവൂർ വിജയനെ സമ്മർദത്തിലാഴ്​ത്തുന്ന തരത്തിലുള്ള ഫോണ്‍ ശബ്​ദരേഖയും പരാതിക്കാർ അന്വേഷണ സംഘത്തിന്​ കൈമാറിയിരുന്നു.

എന്നാൽ, പിന്നീട്​ അ​േന്വഷണം നിലച്ചു. അടുത്തിടെ, പാർട്ടിയിലെ ഒരുവിഭാഗം ഇടപെട്ടതോടെ അന്വേഷണത്തിന്​ വീണ്ടും ജീവൻവെക്കുകയായിരുന്നു. ഇതി​​​െൻറ തുടർച്ചയായാണ്​ കേസിൽ എഫ്​.​െഎ.ആർ രജിസ്​റ്റർ ചെയ്​ത അ​േന്വഷണസംഘം പരാതിക്കാരി റാണി സാംജിയുടെ മൊഴി രേഖപ്പെടുത്തയത്​. അടുത്തദിവസങ്ങളിലായി എൻ.സി.പി കോട്ടയം ജില്ല പ്രസിഡൻറ്​ ടി.വി. ബേബി, എൻ.സി.പി യുവജനവിഭാഗം മുന്‍ അധ്യക്ഷന്‍ മുജീബ് റഹ്മാന്‍, സതീഷ് കല്ലേക്കുളം തുടങ്ങിയവരുടെ മൊഴിയും രേഖപ്പെടുത്തും. ഇതിനായി ഇവര്‍ക്ക് നോട്ടീസ് നല്‍കിയിട്ടുണ്ട്. അസുഖത്തെ തുടർന്ന്​ 2017 ജൂലൈ 23നാണ്​ ഉഴവൂര്‍ വിജയൻ മരിച്ചത്​.