നെടുമ്പാശ്ശേരിയിൽ ഒരു കോടി രൂപയുടെ സ്വർണം പിടികൂടി

കൊച്ചി: നെടുമ്പാശ്ശേരി വിമാനത്താവളത്തിൽ ഒരു കോടി രൂപയുടെ സ്വർണം പിടികൂടി. എയർ കസ്റ്റംസ് ഇൻറലിജൻസാണ് സ്വർണം പിടികൂടിയത്.

അബുദാബിയിൽ നിന്ന് ഇത്തിഹാദ് വിമാനത്തിലെത്തിയ പാലക്കാട് സ്വദേശിയിൽ നിന്ന് ഒന്നര കിലോ സ്വർണമാണ് പാസ്ത മേക്കറിൽ ഒളിപ്പിച്ച നിലയിൽ കണ്ടെടുത്തത്. കാൽ കിലോ സ്വർണ്ണം തൊടുപുഴ സ്വദേശി നിന്നും പിടിച്ചു. ഇത് കൂടാതെ രണ്ടരകിലോ സ്വർണം ബാത്ത്റൂമിൽ ഉപേക്ഷിക്കപ്പെട്ട നിലയിലും കണ്ടെത്തി. ആകെ മൂന്നേമുക്കാൽ കിലോ സ്വർണമാണ് കസ്റ്റംസ് പിടികൂടിയത്.