നെടുമുടി വേണുവിന് വിട; സംസ്കാരം ഉച്ചക്ക് രണ്ടിന്
text_fieldsനെടുമുടി വേണുവിന്റെ മൃതദേഹം വട്ടിയൂർക്കാവിലെ വസതിയിൽ പൊതുദർശനത്തിന് വെച്ചപ്പോൾ
തിരുവനന്തപുരം: അന്തരിച്ച നടൻ നെടുമുടി വേണുവിന്റെ സംസ്കാരം ഇന്ന് ഒൗദ്യോഗിക ബഹുമതികളോടെ തിരുവനന്തപുരം ശാന്തികവാടത്തിൽ നടക്കും. രാവിലെ പത്ത് മണിയോടെ വസതിയായ വട്ടിയൂർക്കാവ് തിട്ടമംഗലം 'തമ്പി'ൽ നിന്ന് മൃതദേഹം അയ്യൻകാളി ഹാളിലെത്തിക്കും.
12 മണി വരെ പൊതുദർശനം. പൊതുദർശനം പൂർത്തിയാക്കിയതിന് പിന്നാലെ മൃതദേഹം ശാന്തികവാടത്തിൽ എത്തിക്കും. ചടങ്ങുകൾ പൂർത്തിയാക്കി ഉച്ചക്ക് രണ്ടിന് സംസ്കരിക്കും.
മമ്മൂട്ടി, മോഹൻലാൽ അടക്കം ചലച്ചിത്ര രംഗത്തെ പ്രമുഖരും സിനിമ, സാംസ്കാരിക വകുപ്പ് മന്ത്രി സജി ചെറിയാൻ അടക്കം മന്ത്രിമാരും രാഷ്ട്രീയ, സാംസ്കാരിക മേഖലയിലെ പ്രമുഖരും വസതിയിലെത്തി ആദരാഞ്ജലി അർപ്പിച്ചു.
തിങ്കളാഴ്ച ഉച്ചയോെട തിരുവനന്തപുരത്തെ സ്വകാര്യ ആശുപത്രിയിലായിരുന്നു നെടുമുടി വേണുവിന്റെ അന്ത്യം. ഏറെ നാളായി ഉദരസംബന്ധമായ അസുഖങ്ങളെ തുടർന്ന് ചികിത്സയിലായിരുന്ന അദ്ദേഹത്തെ രോഗം മൂർച്ഛിച്ചതിനെ തുടർന്ന് രണ്ട് ദിവസം മുമ്പാണ് ആശുപത്രിയിൽ പ്രവേശിപ്പിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.