അക്രമാസക്തരായ രോഗികളെ ചികിത്സിക്കാൻ പ്രോട്ടോകോൾ വേണം -കെ.കെ. ശൈലജ

കൊച്ചി: മാനസിക പ്രശ്നങ്ങൾ നേരിടുന്നതും അക്രമാസക്തരുമായ രോഗികളെ ചികിത്സിക്കേണ്ടിവരുന്ന സാഹചര്യങ്ങളിൽ എങ്ങനെ പ്രവർത്തിക്കണമെന്നതിന് ആരോഗ്യപ്രവർത്തകർക്കായി പ്രത്യേക പ്രോട്ടോകോൾ നിർമിക്കണമെന്ന്​ സർക്കാറിനോട്​ ആവശ്യപ്പെട്ടതായി മുൻ ആരോഗ്യമന്ത്രി കെ.കെ. ശൈലജ എം.എൽ.എ.

അന്താരാഷ്ട്ര നഴ്സസ് ഡേയുടെ ഭാഗമായി എറണാകുളം ജനറൽ ആ​ശുപത്രിയിൽ സംഘടിപ്പിച്ച പരിപാടി ഓൺലൈനിൽ ഉദ്ഘാടനം ചെയ്യു​കയായിരുന്നു അവർ.

ദേശീയാരോഗ്യദൗത്യം ജില്ല പ്രോഗ്രാം മാനേജർ ഡോ.നിഖിലേഷ് മേനോൻ അധ്യക്ഷത വഹിച്ചു. നടി ശ്രിയ ശ്രീ വിശിഷ്ടാതിഥിയായിരുന്നു. ജനറൽ ഹോസ്പിറ്റൽ സൂപ്രണ്ട്​ ഡോ. ഷഹിർ ഷാ, ഈസ്റ്റേൺ കോണ്ടിമെന്‍റ്​സ്​ ചീഫ് ഹ്യൂമൻ റിസോഴ്സസ്​ ഓഫിസർ റോയ് കുളമാക്കൽ എന്നിവർ സംസാരിച്ചു.