'ന​വ​ഫാ​ഷി​സം ജ​നാ​ധി​പ​ത്യ രീ​തി​യി​ൽ അ​ധി​കാ​ര​ത്തി​ലേ​റും, ഭ​ര​ണം കി​ട്ടി​ക്ക​ഴി​ഞ്ഞാ​ൽ പ​ടി​പ​ടി​യാ​യി ഫാ​ഷി​സ​ത്തി​ലേ​ക്ക്​ നീ​ങ്ങും'

തിരുവനന്തപുരം: ന​വ​ഫാ​ഷി​സം ജ​നാ​ധി​പ​ത്യ രീ​തി​യി​ൽ അ​ധി​കാ​ര​ത്തി​ലേ​റുകയും ഭ​ര​ണം കി​ട്ടി​ക്ക​ഴി​ഞ്ഞാ​ൽ പ​ടി​പ​ടി​യാ​യി ഫാ​ഷി​സ​ത്തി​ലേ​ക്ക്​ നീ​ങ്ങുകയുമാണ് ചെയ്യുകയെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ. ഭ​ര​ണ​കൂ​ട സം​വി​ധാ​ന​ങ്ങ​ളെ​യാ​കെ കൈ​പ്പി​ടി​യി​ലൊ​തു​ക്കി, ഒ​രു പ്ര​തി​പ​ക്ഷ​ത്തെ​യും അം​ഗീ​ക​രി​ക്കാ​തെയുള്ള ക്ലാ​സി​ക്ക​ൽ ഫാ​ഷി​സമാണ് ര​ണ്ടാം​ലോ​ക യു​ദ്ധ​കാ​ല​ത്ത്​ കണ്ട​ത്. അ​ങ്ങ​നെ​യൊ​രു ഫാ​ഷി​സം ഇ​പ്പോ​ൾ ഇ​ന്ത്യ​യി​ലില്ലെന്നും 'മാധ്യമം' ലേഖകന് നൽകിയ പ്രത്യേക അഭിമുഖത്തിൽ എം.വി. ഗോവിന്ദൻ പറഞ്ഞു.

Also Read:ഇല്ല, ഇന്ത്യയിൽ ഫാഷിസമില്ല

ഇ​ന്ത്യ​യി​ലി​പ്പോ​ൾ ഫാ​ഷി​സം ആ​ണെ​ന്ന്​ പ​റ​ഞ്ഞാ​ൽ ആ​രെ​ങ്കി​ലും വി​ശ്വ​സി​ക്കു​മോ..? ഫാ​ഷി​സം നി​ല​വി​ലു​ണ്ടെ​ങ്കി​ൽ ന​മു​ക്ക്​ ഇ​ങ്ങ​നെ​യൊ​രു അ​ഭി​മു​ഖം പോ​ലും ന​ട​ത്താ​ൻ സാ​ധി​ക്കു​മോ​​? പൊ​ലീ​സും കോ​ട​തി​യു​മ​ട​ക്കം ഭ​ര​ണ​കൂ​ട സം​വി​ധാ​ന​ങ്ങ​ളെ​യാ​കെ കൈ​പ്പി​ടി​യി​ലൊ​തു​ക്കി, ഒ​രു പ്ര​തി​പ​ക്ഷ​ത്തെ​യും അം​ഗീ​ക​രി​ക്കാ​തെ ന​ട​ക്കു​ന്ന ക്ലാ​സി​ക്ക​ൽ ഫാ​ഷി​സ​ത്തി​നാ​ണ്​ ര​ണ്ടാം​ലോ​ക യു​ദ്ധ​കാ​ല​ത്ത്​ ലോ​കം സാ​ക്ഷ്യം വ​ഹി​ച്ച​ത്. അ​ങ്ങ​നെ​യൊ​രു ഫാ​ഷി​സം ഇ​പ്പോ​ൾ ഇ​ന്ത്യ​യി​ലു​ണ്ടോ..? ഇ​ല്ല. എ​ന്നാ​ൽ, ആ​ർ.​എ​സ്.​എ​സി​ന്​ ഫാ​ഷി​സ്​​റ്റ്​ നി​ല​പാ​ടു​ണ്ട്. അ​വ​രാ​ൽ ന​യി​ക്ക​പ്പെ​ടു​ന്ന ബി.​ജെ.​പി മ​റ്റു പാ​ർ​ട്ടി​ക​ളെ പോ​ലെ​യ​ല്ല.

2000ത്തി​ൽ പാ​ർ​ട്ടി പ​രി​പാ​ടി കാ​ലോ​ചി​ത​മാ​ക്കി​യ​പ്പോ​ൾ ത​ന്നെ സി.​പി.​എം പ​റ​ഞ്ഞി​ട്ടു​ണ്ട്. ഇ​ന്ന്​ പ​ഴ​യ ക്ലാ​സി​ക്ക​ൽ ഫാ​ഷി​സം ലോ​ക​ത്ത്​ എ​വി​ടെ​യു​മി​ല്ല. ഉ​ള്ള​ത്​ പു​ത്ത​ൻ ഫാ​ഷി​സ്റ്റ്​ സ​മീ​പ​ന​ങ്ങ​ളാ​ണ്. ആ​ദ്യം ത​ന്നെ ഭ​ര​ണ​കൂ​ട അ​ധി​കാ​രം പി​ടി​ച്ചെ​ടു​ക്കു​ക​യ​ല്ല ന​വ​ഫാ​ഷി​സം ചെ​യ്യു​ക. അ​വ​ർ ജ​നാ​ധി​പ​ത്യ രീ​തി​യി​ൽ അ​ധി​കാ​ര​ത്തി​ലേ​റും. ഭ​ര​ണം കി​ട്ടി​ക്ക​ഴി​ഞ്ഞാ​ൽ പ​ടി​പ​ടി​യാ​യി ഫാ​ഷി​സ​ത്തി​ലേ​ക്ക്​ നീ​ങ്ങും. അ​താ​ണ്​ ഇ​ന്ത്യ​യി​ൽ ന​ട​ക്കു​ന്ന​ത്. മ​താ​ടി​സ്ഥാ​ന​ത്തി​ൽ പൗ​ര​ത്വം, ഏ​ക സി​വി​ൽ കോ​ഡ്, ഏ​തു പ​ള്ളി​ക്ക​ടി​യി​ലും അ​മ്പ​ലം തി​ര​യു​ന്ന സാ​ഹ​ച​ര്യം, അ​തി​ന്​ കോ​ട​തി​യു​ടെ പി​ൻ​ബ​ലം എ​ന്നി​ങ്ങ​നെ​യു​ള്ള കാ​ര്യ​ങ്ങ​ൾ തു​ട​രാ​ൻ അ​നു​വ​ദി​ച്ചാ​ൽ രാ​ജ്യം ഫാ​ഷി​സ​ത്തി​ലേ​ക്ക്​ പോ​കും. അ​താ​ണ്​ രാ​ഷ്ട്രീ​യ പ്ര​മേ​യ​ത്തി​ൽ പ​റ​യു​ന്ന​ത് -എം.വി. ഗോവിന്ദൻ പറഞ്ഞു.

മോ​ദി സ​ർ​ക്കാ​ർ ഫാ​ഷി​സ്റ്റ്​ ആ​ണെ​ന്ന് ഇ​ട​തു​പാ​ർ​ട്ടി​ക​ളാ​യ സി.​പി.​ഐ​യും സി.​പി.​ഐ (എം.​എ​ൽ)ഉം പറയുന്നത് ചൂണ്ടിക്കാട്ടിയപ്പോൾ, അ​ത്​ ആ ​പാ​ർ​ട്ടി​ക​ളു​ടെ നി​ല​പാ​ടാ​ണെന്നായിരുന്നു സി.പി.എം സംസ്ഥാന സെക്രട്ടറിയുടെ മറുപടി. 'അ​ത്​ ആ പാർട്ടികൾ വി​ശ​ദീ​ക​രി​ക്ക​ട്ടെ. അ​ടി​യ​ന്ത​രാ​വ​സ്ഥ കാ​ല​ത്തു​പോ​ലും ഞ​ങ്ങ​ൾ അ​ർ​ധ ഫാ​ഷി​സം എ​ന്നേ പ​റ​ഞ്ഞി​ട്ടു​ള്ളൂ. പാ​ർ​ല​മെ​ന്‍റ​റി ജ​നാ​ധി​പ​ത്യം പൂ​ർ​ണ​മാ​യും ഇ​ല്ലാ​യ്മ ചെ​യ്ത കാ​ല​മാ​ണ​ത്. പ്ര​തി​പ​ക്ഷ നേ​താ​ക്ക​ളെ​യെ​ല്ലാം ജ​യി​ലി​ലാ​ക്കി​യ കാ​ല​മാ​ണ​ത്. ച​ർ​ച്ച തെ​റ്റി​ദ്ധ​രി​പ്പി​ക്കു​ന്ന​ത്​ മാ​ധ്യ​മ​ങ്ങ​ളാ​ണ്. ​കേ​ര​ള​ത്തി​ലേ​തു​പോ​ലെ ക​മ്യൂ​ണി​സ്റ്റ്​ വി​രു​ദ്ധ​ത പ്ര​ച​രി​പ്പി​ക്കു​ന്ന മാ​ധ്യ​മ ശൃം​ഖ​ല ലോ​ക​ത്ത്​ ഒ​രി​ട​ത്തു​മി​ല്ല' -എം.വി. ഗോവിന്ദൻ പറഞ്ഞു.