നവകേരള സദസ്സ്​​: നൂലാമാലകളിൽ കുരുങ്ങി ദുരിതാശ്വാസ അപേക്ഷകൾ

തി​രു​വ​ന​ന്ത​പു​രം: ന​വ​കേ​ര​ള സ​ദ​സ്സ്​ പൂ​ര്‍ത്തി​യാ​യ​പ്പോ​ൾ റ​വ​ന്യൂ വ​കു​പ്പി​ൽ തീ​ര്‍പ്പാ​ക്കാ​ൻ ബാ​ക്കി​യു​ള്ള​ത് 1,06,177 അ​പേ​ക്ഷ. ഭൂ​രി​പ​ക്ഷ​ത്തി​നും വേ​ണ്ട​ത് സാ​മ്പ​ത്തി​ക സ​ഹാ​യ​മാ​ണ്. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ൽ​നി​ന്ന് സ​ഹാ​യം ആ​വ​ശ്യ​പ്പെ​ട്ട് വി​വി​ധ ജി​ല്ല​ക​ളി​ൽ​നി​ന്നാ​യി 48,553 പേ​രാ​ണ് ന​വ​കേ​ര​ള സ​ദ​സ്സി​നെ​ത്തി​യ​ത്. വി​വി​ധ​ത​രം സ​ഹാ​യ​ങ്ങ​ൾ അ​ട​ക്കം പ​ല​വി​ധ പ​രാ​തി​ക​ളെ​ന്ന ശീ​ര്‍ഷ​ക​ത്തി​ൽ 36,358 എ​ണ്ണം പ​രി​ഗ​ണ​ന കാ​ത്തു​കി​ട​ക്കു​ന്നു.

ദു​രി​താ​ശ്വാ​സ​നി​ധി സ​ഹാ​യം ആ​വ​ശ്യ​പ്പെ​ട്ടു​ള്ള അ​പേ​ക്ഷ​ക​ൾ റ​വ​ന്യൂ വ​കു​പ്പി​നെ വ​ല്ലാ​തെ കു​ഴ​ക്കു​ക​യാ​ണ്. മാ​ന​ദ​ണ്ഡ​ങ്ങ​ൾ ക​ര്‍ശ​ന​മാ​യ​തി​നാ​ൽ തീ​ര്‍പ്പും പ​രാ​തി പ​രി​ഹാ​ര​വും വ​ലി​യ വെ​ല്ലു​വി​ളി​യാ​ണ്. മാ​ന​ദ​ണ്ഡ​ങ്ങ​ൾ അ​പൂ​ര്‍ണ​മാ​യ​ത​ട​ക്കം പ​രാ​തി​ക​ളി​ൽ വീ​ണ്ടും അ​പേ​ക്ഷ എ​ഴു​തി​വാ​ങ്ങു​ന്ന​ത് പോ​ലു​ള്ള സ​ങ്കീ​ര്‍ണ​ത ഒ​ഴി​വാ​ക്കാ​ൻ പ്ര​ത്യേ​ക പോ​ര്‍ട്ട​ൽ സ​ജ്ജീ​ക​ര​ണ​മാ​ണ് സ​ര്‍ക്കാ​ര്‍ ആ​ലോ​ചി​ക്കു​ന്ന​ത്.

ദു​രി​താ​ശ്വാ​സ​നി​ധി സ​ഹാ​യം ആ​വ​ശ്യ​പ്പെ​ട്ട്​ ല​ഭി​ച്ച 48,553 അ​പേ​ക്ഷ​ക​ളി​ൽ കൂ​ടു​ത​ലും ആ​ല​പ്പു​ഴ​യി​ൽ​നി​ന്നാ​ണ് -6732. ​കാ​സ​ര്‍കോ​ടാ​ണ്​ കു​റ​വ് -920. മു​ൻ​ഗ​ണ​ന അ​ടി​സ്ഥാ​ന​ത്തി​ൽ ​തീ​ർ​പ്പാ​ക്കേ​ണ്ട വി​ഭാ​ഗ​ത്തി​ൽ ച​തു​പ്പു​നി​ലം ത​രം​മാ​റ്റു​ന്ന​തു​മാ​യി ബ​ന്ധ​പ്പെ​ട്ട്​ 10,950ഉം ​പ​ട്ട​യ പ്ര​ശ്ന​ത്തി​ൽ 17,437ഉം ​അ​പേ​ക്ഷ റ​വ​ന്യൂ വ​കു​പ്പി​ലു​ണ്ട്. അ​പേ​ക്ഷ കു​ന്നു​കൂ​ടി​യി​ട്ടും പ​രി​ഹാ​രം വൈ​കു​ന്ന​തി​ൽ പ്ര​തി​പ​ക്ഷം പ്ര​തി​ഷേ​ധ​വു​മാ​യി രം​ഗ​ത്തു​വ​ന്നി​ട്ടു​ണ്ട്. കോ​ടി​ക​ൾ മു​ട​ക്കി ജ​ന​സ​ദ​സ്സ് ന​ട​ത്തി​യ​ത് ദു​രി​താ​ശ്വാ​സ അ​പേ​ക്ഷ സ്വീ​ക​രി​ക്കാ​നാ​യി​രു​ന്നോ എ​ന്ന​വ​ർ ചോ​ദി​ക്കു​ന്നു.