നിപ ബാധിച്ച് മരിച്ച 14 കാരന്റെ പുതിയ റൂട്ട് മാപ്പ് പുറത്തിറക്കി; കേന്ദ്ര സംഘം ഇന്ന് മലപ്പുറത്ത് എത്തും

മലപ്പുറം: നിപ ബാധിച്ച് മരിച്ച 14 കാരന്റെ പുതിയ റൂട്ട് മാപ്പ് ആരോഗ്യവകുപ്പ് പുറത്തിറക്കി. നേരത്തെ പ്രാഥമിക റൂട്ട് മാപ്പ് തയാറാക്കിയിരുന്നെങ്കിലും രോഗിയുടെ മരണത്തെ തുടർന്ന് വിശദമായ റൂട്ട് മാപ്പ് പുറത്തിറക്കുകയായിരുന്നു.

റൂട്ട് മാപ്പിൽ പ്രതിപാദിച്ച സ്ഥലങ്ങളിൽ സന്ദർശിച്ചിട്ടുള്ളവർ എത്രയും വേഗം കൺട്രോൾ റൂമിൽ വിളിച്ച് അറിയിക്കണമെന്ന് ആരോഗ്യ വകുപ്പ് നിർദേശിച്ചു. മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഞായറാഴ്ച രാവിലെ 11.30ഓടെയാണ് മലപ്പുറം പാണ്ടിക്കാട് സ്വദേശിയായ അ​ഷ്മി​ൽ ഡാ​നി​ഷ് മരിച്ചത്. ആസ്ട്രേലിയയിൽ നിന്ന് മോണോ ക്ലോണൽ ആന്‍റിബോഡി എത്തിക്കാനിരിക്കെയാണ് മരണം.

പുതിയ റൂട്ട് മാപ്പ്:

• ജൂലൈ 11 രാവിലെ 6.50 ന് ചെമ്പ്രശ്ശേരി ബസ് സ്റ്റോപ്പിൽ നിന്നും സി.പി.ബി എന്ന സ്വകാര്യ ബസിൽ കയറി. 7.18 നും 8.30 നും ഇടയിൽ പാണ്ടിക്കാട് ബ്രൈറ്റ് ട്യൂഷൻ സെന്റർ
• ജൂലൈ 12 രാവിലം 7.50 ന് വീട്ടിൽ നിന്നും ഓട്ടോയിൽ ഡോ.വിജയൻ ക്ലിനിക് (8 മുതൽ 8.30 വരെ), തിരിച്ച് ഒട്ടോയിൽ വീട്ടിലേക്ക്
• ജൂലൈ 13 രാവിലെ പി.കെ.എം ഹോസ്പ്പിറ്റൽ: കുട്ടികളുടെ ഒ.പി (7.50 am-8.30), കാഷ്വാലിറ്റി (8.30-8.45), നിരീക്ഷണ മുറി (8.45-9.50), കുട്ടികളുടെ ഒ.പി (9.50-10.15), കാന്റീൻ (10.15-10.30)
• ജൂലൈ 14 വീട്ടിൽ
• ജൂലൈ 15 രാവിലെ ഓട്ടോയിൽ പി.കെ.എം ഹോസ്പിറ്റിലേക്ക്. കാഷ്വാലിറ്റി (7.15 -7.50), ആശുപത്രി മുറി (7.50 - 6.20), ആംബുലൻസ് (6.20 pm), മൗലാന ഹോസ്പിറ്റൽ കാഷ്വാലിറ്റി (6.50 pm -8.10 pm), എം.ആർ.ഐ മുറി (8.10 pm -8.50 pm), എമർജൻസി വിഭാഗം (8.50 pm- 9.15 pm), പീഡിയാട്രിക് ഐ.സി.യു ( 9.15 pm മുതൽ ജൂലൈ 17 വൈകുന്നേരം 7.30 വരെ), ജൂലൈ 17 എം.ആർ.ഐ മുറി (7.37 pm -8.20 pm), പീഡിയാട്രിക് ഐ.സിയു (8.20 pm മുതൽ- ജൂലൈ 19 വൈകുന്നേരം 5.30 വരെ)
• ജൂലൈ 19 വൈകുന്നേരം 5.30 ആംബുലൻസിൽ മിംസ് ഹോസ്പിറ്റൽ , കോഴിക്കോട്.

കേന്ദ്ര സംഘം ഇന്ന് മലപ്പുറത്ത്

കോഴിക്കോട്: നിപ സ്ഥിരീകരിച്ച പശ്ചാത്തലത്തിൽ കേന്ദ്ര സംഘം ഇന്ന് മലപ്പുറത്ത് എത്തും. നാല് ഐ.സി.എം.ആർ ശാസ്ത്രജ്ഞരും രണ്ട് സാങ്കേതിക വിദഗ്ധരുമാണ് സംഘത്തിലുള്ളത്. നിപ ബാധിച്ച് മരിച്ച 14കാരന് രോഗം ബാധിച്ചതിന്‍റെ ഉറവിടം കണ്ടെത്തുന്നതിനുള്ള നടപടികൾ തുടരും. പുണെ വൈറോളജി ഇൻസ്റ്റിറ്റ്യൂട്ടിന്‍റെ മെഡിക്കൽ ലാബ് ഇന്ന് കോഴിക്കോട് മെഡിക്കൽ കോളജിൽ എത്തിക്കും.

വൈ​റ​സി​ന്‍റെ ഉ​റ​വി​ടം തേ​ടിയുള്ള പരിശോധനകൾ ആ​രോ​ഗ്യ വ​കു​പ്പ് ഇന്നും തുടരും. ​​ഞാ​യ​റാ​ഴ്ച പ്ര​​​ത്യേ​ക സം​ഘം കു​ട്ടി പോ​യ ഇ​ട​ങ്ങ​ളെ​ല്ലാം പ​രി​​ശോ​ധി​ച്ചിരുന്നു. കൂ​ട്ടു​കാ​രി​ൽ​നി​ന്നും വീ​ട്ടു​കാ​രി​ൽ​നി​ന്നും ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ്​ ആ​രോ​ഗ്യ വ​കു​പ്പ്​ ഉ​റ​വി​ടം ക​​ണ്ടെ​ത്താ​നാ​യി ശ്ര​മി​ക്കു​ന്ന​ത്. നി​പ സ്ഥി​രീ​ക​രി​ച്ച​ സ​മ​യ​ത്ത്​ കു​ട്ടി അ​ബോ​ധാ​വ​സ്ഥ​യി​ലാ​യ​തി​നാ​ൽ എ​ന്തെ​ല്ലാം പ​ഴ​ങ്ങ​ളാ​ണ്​ പു​റ​ത്തു​നി​ന്ന്​ ക​ഴി​ച്ച​തെ​ന്ന കാ​ര്യ​ത്തി​ൽ വ്യ​ക്ത​ത​യി​ല്ല. നാ​ട്ടി​ലെ മ​ര​ത്തി​ൽ​നി​ന്ന്​ കു​ട്ടി അ​മ്പ​ഴ​ങ്ങ ക​ഴി​ച്ച​താ​യി മ​ന്ത്രി സ്ഥി​രീ​ക​രി​ച്ചി​ട്ടു​ണ്ട്. ഈ പ്ര​ദേ​ശ​ത്തി​ന്‍റെ ര​ണ്ട്​ കി​ലോ​മീ​റ്റ​ർ പ​രി​ധി​യി​ൽ​ വ​വ്വാ​ലു​ക​ൾ വ​രാ​റു​ണ്ടെ​ന്നാ​ണ്​ സൂ​ച​ന.

അതേസമയം, നിപ ബാധിച്ച് മരിച്ച 14 വയസുകാരന്‍റെ മൃതദേഹം ആരോഗ്യവകുപ്പിന്റെ പ്രോട്ടോകോൾ പാലിച്ച് ഞായറാഴ്ച വൈ​കീ​ട്ട് 7.30ഓ​ടെ ഒ​ടോ​മ്പ​റ്റ പ​ഴ​യ ജു​മാ​മ​സ്ജി​ദ് ഖ​ബ​ർ​സ്ഥാ​നിൽ ഖബറടക്കി.