പ​ത്ര വി​ത​ര​ണ​ത്തി​നി​ടെ കാറിടിച്ച്​ മരിച്ചു; നാ​ടി​നെ ക​ണ്ണീ​രി​ലാ​ഴ്ത്തി മു​ത്തു​വി​െൻറ വി​യോ​ഗം

ചെ​റു​തു​രു​ത്തി: പ​ത്ര വി​ത​ര​ണ​ത്തി​നി​ടെ കാ​റി​ടി​ച്ച് മ​രി​ച്ച മു​ബ​ശി​ർ എ​ന്ന മു​ത്തു​വി​െൻറ വി​യോ​ഗം നാ​ടി​നെ ക​ണ്ണീ​രി​ലാ​ഴ്ത്തി.

വെ​ള്ളി​യാ​ഴ്ച പു​ല​ർ​ച്ച​യാ​ണ് പാ​ഞ്ഞാ​ൾ ശ്രീ ​പു​ഷ്ക​രം പ​ടി​ഞ്ഞാ​റെ പീ​ടി​ക​യി​ൽ മു​സ്ത​ഫ​യു​ടെ മ​ക​ൻ മു​ബ​ശി​ർ എ​ന്ന മു​ത്തു​വി​നെ ചെ​റു​തു​രു​ത്തി ക​ലാ​മ​ണ്ഡ​ല​ത്തി​ന് സ​മീ​പം കാ​ർ ഇ​ടി​ച്ച് തെ​റി​പ്പി​ച്ച​ത്. തു​ട​ർ​ന്ന് ഓ​ട്ടു​പാ​റ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

വീ​ട്ടി​ലെ ബു​ദ്ധി​മു​ട്ട് കാ​ര​ണ​മാ​ണ് മു​ബ​ശി​ർ പ​ത്ര വി​ത​ര​ണ​ത്തി​നാ​യി പോ​യി​രു​ന്ന​ത്. അ​ടു​ത്ത​മാ​സം മു​ത​ലാ​ണ് ഡി​ഗ്രി​ക്ക് ചേ​രാ​നി​രു​ന്ന​ത്. വെ​ള്ളി​യാ​ഴ്ച രാ​വി​ലെ പ​ത്ര വി​ത​ര​ണ​ത്തി​നാ​യി സു​ഹൃ​ത്ത് സി​നാ​സും മ​രി​ച്ച മു​ബ​ശി​റും ര​ണ്ട് സൈ​ക്കി​ളി​ൽ ആ​യി​ട്ടാ​ണ് ചെ​റു​തു​രു​ത്തി​യി​ലേ​ക്ക് പു​റ​പ്പെ​ട്ട​ത്.

മു​ബ​ശി​റി‍െൻറ സ​ഹോ​ദ​ര​ൻ മു​ഹ്സി​നും ഇ​വ​രോ​ടൊ​പ്പം കൂ​ടി. സൈ​ക്കി​ളി​ൽ കാ​റ്റ് ഇ​ല്ലാ​ത്ത​തി​നെ തു​ട​ർ​ന്ന് സ​ഹോ​ദ​ര​നെ കൂ​ട്ടു​കാ​ര‍െൻറ സൈ​ക്കി​ളി‍െൻറ പി​ന്നി​ൽ ഇ​രു​ത്തി​യാ​ണ് പോ​യി​രു​ന്ന​ത്. ക​ലാ​മ​ണ്ഡ​ല​ത്തി​ന് സ​മീ​പം കാ​ർ മു​ബ​ശി​റി​നെ ഇ​ടി​ച്ച് തെ​റി​പ്പി​ക്കു​ക​യാ​യി​രു​ന്നു.

ഓ​ടി ചെ​ന്ന് മു​ബ​ശി​റി​നെ താ​ങ്ങി എ​ടു​ക്കു​മ്പോ​ൾ ത​ല​യി​ൽ​നി​ന്ന്‌ ര​ക്തം ന​ല്ല രീ​തി​യി​ൽ വ​രു​ന്നു​ണ്ടാ​യി​രു​ന്നു​വെ​ന്ന് സി​നാ​സ് പ​റ​ഞ്ഞു.

നാ​ട്ടു​കാ​രു​ടെ പ്രി​യ​പ്പെ​ട്ട മു​ത്തു​വി​നെ കാ​ണാ​ൻ നൂ​റു​ക​ണ​ക്കി​ന് ആ​ളു​ക​ളാ​ണ് വെ​ള്ളി​യാ​ഴ്ച വൈ​കീ​ട്ട് ശ്രീ ​പു​ഷ്ക​ര​ത്തി​ലേ​ക്ക് ഒ​ഴു​കി എ​ത്തി​യ​ത്. തു​ട​ർ​ന്ന് ശ്രീ ​പു​ഷ്ക​രം ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.