നെ​യ്യാ​ർ ഡാം; കൈ​ത്താ​ങ്ങ് തേ​ടു​ന്ന വി​നോ​ദ സ​ഞ്ചാ​ര കേ​ന്ദ്രം

പാ​ഠ​പു​സ്ത​ക​ങ്ങ​ളി​ലും വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളു​ടെ പ​ട്ടി​ക​യി​ലും എ​ന്നും പ്ര​ഥ​മ​സ്ഥാ​ന​ത്താ​ണ് നെ​യ്യാ​ർ ഡാം. അ​ധി​കൃ​ത​രു​ടെ അ​നാ​സ്ഥ​യി​ലും വ​കു​പ്പു​ക​ളു​ടെ നി​സ്സഹ​ക​ര​ണ​ത്താ​ലും നെ​യ്യാ​ർ ഡാ​മി​ന്‍റെ അ​വ​സ്ഥ ഇ​ന്ന് പ​രി​താ​പ​കരമാ​ണ്. വി​ക​സ​ന​ത്തി​നു​വേ​ണ്ടി ആ​വി​ഷ്ക​രി​ച്ച പ​ദ്ധ​തി​ക​ള്‍ പ​ല​തും പാ​തി​വ​ഴി​യി​ലാ​യി. കോ​ടി​ക​ള്‍ ചെ​ല​വി​ട്ട​താ​യി രേ​ഖ​ക​ള്‍ കാ​ണാ​മെ​ങ്കി​ലും നേ​ർ​ക്കാ​ഴ്ച​യി​ൽ എ​ല്ലാം ശൂ​ന്യം. ആ ​കാ​ണ​പ്പു​റ​ങ്ങ​ൾ തേ​ടു​ക​യാ​ണ് ഈ ​പ​ര​മ്പ​ര​യി​ലൂ​ടെ..

കാ​ട്ടാ​ക്ക​ട: നെ​യ്യാ​ർ ഡാ​മി​ലെ​ത്തു​ന്ന​വ​ർ​ക്ക് അ​റി​യാ​നാ​കും ജ​ന​ത്തി​ന്‍റെ നി​കു​തി പ​ണം എ​ങ്ങ​നെ ആ​വി​യാ​യെ​ന്ന്. അ​നാ​സ്ഥ​യി​ലും കെ​ടു​കാ​ര്യ​സ്ഥ​ത​യി​ലും മ​നോ​ഹ​ര​മാ​യ ഒ​രു​വി​നോ​ദ സ​ഞ്ചാ​ര​കേ​ന്ദ്ര​ത്തെ എ​ങ്ങ​നെ ന​ശി​പ്പി​ക്കാ​മെ​ന്ന​തി​ന്‍റെ ഉ​ദാ​ഹ​ര​ണം കൂ​ടി​യാ​ണ് നെ​യ്യാ​ർ ഡാം. അ​ണ​ക്കെ​ട്ടി​നോ​ട് ചേ​ര്‍ന്ന ഉ​ദ്യാ​നം ഒ​രു​കാ​ല​ത്ത് സം​സ്ഥാ​ന​ത്തെ ഏ​റ്റ​വും മി​ക​ച്ച​താ​യി​രു​ന്നു. ശി​ൽ​പി രാ​ജാ​റാം രൂ​പ​ക​ല്‍പ​ന ചെ​യ്ത ജീ​വ​ന്‍ തു​ടി​ക്കു​ന്ന പ്ര​തി​മ​ക​ള്‍, സം​ഗീ​ത ജ​ല​ധാ​ര, പൂ​ന്തോ​ട്ടം, അ​ത്യ​പൂ​ര്‍വ​മാ​യ റോ​സ, ഓ​ര്‍ക്കി​ഡു​ക​ള്‍ ഉ​ള്‍പ്പെ​ടെ​യു​ള്ള ചെ​ടി​ക​ള്‍, വി​ശ്ര​മ കൂ​ടാ​ര​ങ്ങ​ള്‍ ഇ​വ​യൊ​ക്കെ സ​ഞ്ചാ​രി​ക​ളു​ടെ മ​നം ക​വ​ര്‍ന്നി​രു​ന്നു. ഒ​രി​ക്ക​ലെ​ത്തു​ന്ന സ​ഞ്ചാ​രി​ക​ള്‍ വീ​ണ്ടും വീ​ണ്ടും എ​ത്തി​യി​രു​ന്ന ഒ​രു​കാ​ല​മു​ണ്ടാ​യി​രു​ന്നു. ഉ​ദ്യാ​ന സം​ര​ക്ഷ​ണ​ത്തി​നും പ​രി​പാ​ല​ന​ത്തി​നു​മാ​യി നൂ​റോ​ളം ജീ​വ​ന​ക്കാ​രു​ണ്ടാ​യി​രു​ന്നി​ട​ത്ത് ഇ​പ്പോ​ള്‍ ശു​ചീ​ക​ര​ണ​ത്തി​നോ കാ​ട് വെ​ട്ട​ലി​നോ​പോ​ലും ആ​ളി​ല്ല. ആ​റ് മാ​സ​ത്തി​ലേ​റെ​യാ​യി ഉ​ദ്യാ​ന​ത്തി​ന്‍റെ പ​രി​പാ​ല​ന​ത്തി​നാ​ളെ​ത്തി​യി​ട്ട്. സ​ര്‍വി​സി​ല്‍നി​ന്ന് വി​ര​മി​ച്ച തൊ​ഴി​ലാ​ളി​ക​ള്‍ക്ക് പ​ക​രം അ​ടു​ത്ത കാ​ലം​വ​രെ ക​രാ​ര്‍ അ​ടി​സ്ഥാ​ന​ത്തി​ൽ തൊ​ഴി​ലാ​ളി​ക​ളെ നി​യ​മി​ച്ചി​രു​ന്നു. എ​ന്നാ​ല്‍, ആ​റ് മാ​സ​ത്തി​ലേ​റെ​യാ​യി ക​രാ​റ​ടി​സ്ഥാ​ന​ത്തി​ലെ തൊ​ഴി​ലാ​ളി​ക​ളും ഇ​ല്ലാ​താ​യി. ഇ​റി​ഗേ​ഷ​ന്‍ എ​ൻ​ജി​നീ​യ​ര്‍ ഉ​ള്‍പ്പെ​ടെ​യു​ള്ള അ​ഞ്ച് ഓ​ഫി​സ് ജീ​വ​ന​ക്കാ​രും ക​രാ​റ​ടി​സ്ഥാ​ന​ത്തി​ലു​ള്ള ഒ​മ്പ​ത് സു​ര​ക്ഷ ജീ​വ​ന​ക്കാ​രും താ​ല്‍ക്കാ​ലി​ക നി​യ​മ​ന​ത്തി​ലെ നാ​ല് ല​സ്ക​ര്‍ തൊ​ഴി​ലാ​ളി​ക​ളും മാ​ത്ര​മാ​ണു​ള്ള​ത്. എം​പ്ലോ​യ്മെ​ന്‍റ് മു​ഖേ​ന​യോ, ടെ​ണ്ട​ര്‍ വി​ളി​ച്ചോ ഉ​ദ്യാ​നം​സം​ര​ക്ഷി​ക്കാ​ന്‍ ജീ​വ​ന​ക്കാ​രെ നി​മ​യി​ക്കാ​ന്‍ പോ​ലും അ​ധി​കൃ​ത​ര്‍ ത​യാ​റാ​കു​ന്നി​ല്ല.

വെ​ളി​ച്ച​മി​ല്ല, എ​ങ്ങും ഇ​ഴ​ജ​ന്തു​ക്ക​ളു​ടെ താ​വ​ളം

ഉ​ദ്യാ​നം കാ​ട് ക​യ​റി ഇ​ഴ​ജ​ന്തു​ക്ക​ളു​ടെ താ​വ​ള​മാ​യി മാ​റി. പൂ​ന്തോ​ട്ട​ത്തി​ന് പ​ഴ​യ പ​കി​ട്ടി​ല്ല. അ​ണ​ക്കെ​ട്ടി​ലെ സു​ര​ക്ഷാ വി​ള​ക്കു​ക​ള്‍ പ്ര​കാ​ശി​ക്കാ​റി​ല്ലെ​ന്നും പ്ര​ദേ​ശ​വാ​സി​ക​ൾ പ​റ​യു​ന്നു. നെ​യ്യാ​ര്‍ഡാം ഇ​റി​ഗേ​ഷ​ന്‍ പ്രോ​ജ​ക്ടി​നു വ​ര്‍ഷ​വും സ​ര്‍ക്കാ​ര്‍ കോ​ടി​ക​ള്‍ ന​ല്‍കു​ന്നു​ണ്ട്. എ​ന്നാ​ല്‍, കാ​ട് വെ​ട്ടാ​നോ, വെ​ളി​ച്ചം ന​ല്‍കാ​നോ ഈ​പ​ണം ചെ​ല​വ​ഴി​ക്കു​ന്നി​ല്ല.

സ​ഞ്ചാ​രി​ക​ള്‍ക്ക് താ​മ​സി​ക്കാ​ന്‍ റി​സോ​ര്‍ട്ടു​ക​ളു​ണ്ടെ​ങ്കി​ലും ചാ​യ കു​ടി​ക്കാ​ന്‍ പോ​ലും പു​റ​ത്തു​പോ​കേ​ണ്ട സ്ഥി​തി​യാ​ണ്. കാ​ന്‍റീ​ന്‍ കെ​ട്ടി​ടം പൊ​ളി​ച്ച് കോ​ടി​ക​ള്‍ മു​ട​ക്കി പു​തി​യ​കെ​ട്ടി​ടം നി​ർ​മി​ച്ചി​ട്ട് വ​ര്‍ഷ​ങ്ങ​ളാ​യി. റെ​സ്റ്റോ​റ​ന്‍റ്, സ്പോ​ര്‍ട്സ് ഹ​ബ് ഇ​വ​യൊ​ക്കെ തു​ട​ങ്ങാ​നാ​യി​രു​ന്നു ല​ക്ഷ്യം. എ​ന്നാ​ല്‍, കോ​ടി​ക​ള്‍ പൊ​ട്ടി​ച്ച​ത​ല്ലാ​തെ ഒ​ന്നും യാ​ഥാ​ർ​ഥ്യ​മാ​യി​ല്ല.

പി​ക്നി​ക് ഹാ​ൾ ഇ​പ്പോ​ഴും അ​ട​ഞ്ഞു​ത​ന്നെ

ഒ​രു​കാ​ല​ത്ത് നാ​ട്ടു​കാ​രു​ടെ വി​വാ​ഹം പോ​ലു​ള്ള ആ​ഘോ​ഷ​ങ്ങ​ളും വി​വി​ധ രാ​ഷ്ട്രീ​യ പാ​ര്‍ട്ടി​ക​ളു​ടെ സം​സ്ഥാ​ന​ത​ല പ​രി​പാ​ടി​ക​ളു​മൊ​ക്കെ സം​ഘ​ടി​പ്പി​ച്ചി​രു​ന്ന​ത് നെ​യ്യാ​ര്‍ഡാ​മി​ലെ പി​ക്നി​ക് ഹാ​ളി​ലാ​യി​രു​ന്നു. ശോ​ച്യാ​വ​സ്ഥ​യി​ലാ​യ​തി​നെ ഹാ​ൾ ല​ക്ഷ​ങ്ങ​ള്‍ മു​ട​ക്കി ന​വീ​ക​രി​ച്ചെ​ങ്കി​ലും തു​റ​ന്നി​ട്ടി​ല്ല. സ​ഞ്ചാ​രി​ക​ള്‍ക്ക് മി​ക​ച്ച താ​മ​സ​സൗ​ക​ര്യം ഒ​രു​ക്കാ​നാ​യാ​ല്‍ നൂ​റ്റാ​ണ്ട്മു​മ്പ് നി​ർ​മാ​ണം തു​ട​ങ്ങി​യ ലേ​ക്ക് വ്യൂ ​ഹോ​ട്ട​ല്‍ അ​ടി​സ്ഥാ​ന​ത്തി​ല്‍ ഒ​തു​ങ്ങി. ര​ണ്ട് ദ​ശാ​ബ്ദം മു​മ്പ് നെ​യ്യാ​ര്‍ഡാം വി​നോ​ദ സ​ഞ്ചാ​ര കേ​ന്ദ്ര​ത്തി​നു​ള്ളി​ലാ​യി​രു​ന്നു പൊ​ലീ​സ് സ്റ്റേ​ഷ​ന്‍. സ്റ്റേ​ഷ​ന്‍ പു​തി​യ സ്വ​ന്തം കെ​ട്ടി​ട​ത്തി​ലേ​ക്ക് മാ​റി​യ​പ്പോ​ള്‍ പ​ഴ​യ പൊ​ലീ​സ് സ്റ്റേ​ഷ​ന്‍ കെ​ട്ടി​ടം ല​ക്ഷ​ങ്ങ​ള്‍മു​ട​ക്കി ന​വീ​ക​രി​ച്ചു. ക​രി​ങ്ക​ൽ ഭി​ത്തി​ക​ളും മേ​ല്‍ക്കൂ​ര​ക്ക് കീ​ഴെ ത​ടി​യി​ലെ ത​ട്ടു​ക​ളു​മൊ​ക്കെ​യു​ള്ള പ​ഴ​യ കെ​ട്ടി​ടം പ​ഴ​യ​കാ​ല ഓ​ര്‍മ​ക​ള്‍ നി​ല​നി​ര്‍ത്തു​മെ​ന്ന് പ്ര​ഖ്യാ​പി​ച്ചാ​യി​രു​ന്നു സ്റ്റേ​ഷ​ന്‍ കെ​ട്ടി​ടം ന​വീ​ക​രി​ച്ച​ത്. എ​ന്നാ​ല്‍, സ്റ്റേ​ഷ​ന്‍ കെ​ട്ടി​ടം അ​ടു​ത്തി​ടെ അ​ധി​കൃ​ത​ര്‍ ഇ​ടി​ച്ചു നി​ര​ത്തു​ക​യും ചെ​യ്തു. ല​ക്ഷ​ങ്ങ​ൾ ചി​ല​വി​ട്ട​ത് മാ​ത്രം മി​ച്ചം.

അ​ടു​ത്തി​ടെ​യാ​യി നെ​യ്യാ​ര്‍ഡാ​മി​ലെ നീ​ന്ത​ൽ​ക്കു​ളം ആ​ധു​നീ​ക രീ​തി​യി​ല്‍ ന​വീ​ക​രി​ച്ചു. ദേ​ശീ​യ നി​ര​വാ​ര​ത്തി​ല്‍ നി​ര്‍മി​ച്ചി​ട്ടു​ള്ള നീ​ന്ത​ൽ​ക്കു​ള​ത്തി​ന് 25 മീ​റ്റ​ര്‍ നീ​ള​വും 12 മീ​റ്റ​ര്‍ വീ​തി​യു​മു​ണ്ട്. ദി​വ​സ​വും ര​ണ്ട് നേ​രം ജ​ല​പ​രി​ശോ​ധ​ന​യും ഫി​ല്‍ട്ട​റി​ങ്ങും ന​ട​ത്താ​റു​ണ്ടാ​യി​രു​ന്നു. ഇ​പ്പോ​ള്‍ ഫി​ല്ല​ട്ട​റി​ങ്ങും ജ​ല പ​രി​ശോ​ധ​ന​യു​മൊ​ക്കെ നി​ല​ച്ചു. ടാ​ങ്കി​ല്‍നി​ന്നും നീ​ന്ത​ല്‍ കു​ള​ത്തി​ലേ​ക്ക് വെ​ള്ളം നി​റ​ച്ച വെ​ള്ള​ത്തി​ലാ​ണ് നീ​ന്തു​ന്ന​ത്. പ​ക​ര്‍ച്ച വ്യാ​ധി​ക​ള്‍ പ​ട​ര്‍ന്നു​പി​ടി​ക്കു​ന്ന ഈ​കാ​ല​ത്ത് ജ​ല പ​രി​ശോ​ധ​ന​യും ഫി​ല്‍ട്ട​റി​ങ്ങും ന​ട​ത്താ​ത്ത​ത് വ​ലി​യ​പ്ര​ശ്ന​ങ്ങ​ള്‍ക്ക് ഇ​ട​യാ​ക്കി​യേ​ക്കും.

നെ​യ്യാ​ര്‍ഡാ​മി​ന്‍റെ പ്ര​വേ​ശ​ന ക​വാ​ട​ത്തി​ല്‍ ഒ​രു ഇ​ന്‍ഫ​ർ​മേ​ഷ​ന്‍ സെ​ന്‍റ​ര്‍ ഉ​ണ്ട്. ഇ​വി​ടെ തു​റ​ന്നി​ട്ട് ത​ന്നെ കാ​ല​മേ​റെ​യാ​യി. നെ​യ്യാ​ര്‍ഡാ​മി​ലെ സ​ഞ്ചാ​ര വി​വ​ര​ങ്ങ​ള​റി​യ​ണ​മെ​ങ്കി​ല്‍ ഇ​വി​ടു​ത്തെ ത​ട്ടു​ക​ട​ക്കാ​രെ സ​മീ​പി​ക്ക​ണം.

(തുടര​ും)