​'എൻ.​​​െഎ.എയു​ം ഇ.ഡിയും വിളിപ്പിച്ചത്​​ വിവരങ്ങൾ അറിയാൻ; ജലീൽ രാജിവെക്കേണ്ട സാഹചര്യമില്ല'

തിരുവനന്തപുരം: ചില വിവരങ്ങൾ അറിയാൻ മാത്രമാണ്​ എൻ.​െഎ.എ മന്ത്രി കെ.ടി. ജലീലിനെ വിളിപ്പിച്ചതെന്ന് മുഖ്യമന്ത്രി​ പിണറായി വിജയൻ. വാർത്തസമ്മേളനത്തിൽ മാധ്യമപ്രവർത്തകരുടെ ചോദ്യത്തിന്​ മറുപടി പറയുകയായിരുന്നു മുഖ്യമന്ത്രി. കൂടുതൽ വിവരങ്ങൾ ഇപ്പോൾ എനിക്കറിയില്ല. അദ്ദേഹവുമായി സംസാരിച്ചാൽ മാത്രമേ മനസ്സിലാകാൻ കഴിയൂ. ജലീലിനെത​ിരെ കേസോ മറ്റു ആരോപണങ്ങളോ ഇല്ല എന്നത്​ നേരത്തെ തന്നെ വ്യക്​തമാണ്​.

കേന്ദ്ര ഏജൻസികൾ വിളിപ്പിച്ചു എന്നുകരുതി അദ്ദേഹം മന്ത്രിസ്​ഥാനത്തുനിന്ന്​ മാറിനിൽക്കേണ്ട സാഹചര്യമില്ല. ഇവിടെ രാഷ്​ട്രീയ ധാർമികതയുടെ യാ​തൊരു പ്രശ്​നവും വരുന്നില്ല. അദ്ദേഹം ഖുർആനോ സകാത്തോ വേണമെന്ന്​ ആവശ്യപ്പെട്ടിട്ടില്ല.

ഖുർആൻ ഒളിച്ചുകടത്തിയല്ല വന്നത്​. സാധാരണ മാർഗത്തിലൂടെ എയർപോർട്ട്​ വഴിയാണ്​ വന്നത്​. ഇവിടെ അത്​ സ്വീകരിച്ചവരുമുണ്ട്​്​. ന്യൂനപക്ഷ ക്ഷേമവകുപ്പ്​ മന്ത്രിയായത്​ കൊണ്ടാണ്​ ജലീലി​െൻ അവർ ഖുർആൻ വിതരണ​ത്തിന്​ സമീപിച്ചത്​. മറ്റു പ്രശ്​നങ്ങൾ ഇൗ വിഷയത്തിലില്ല.

കോൺഗ്രസും ബി.ജെ.പിയും ഇതിനെതിരെ പരാതി കൊടുക്കുന്നത്​ മനസ്സിലാക്കാം. പക്ഷെ, എന്തടിസ്​ഥാനത്തിലാണ്​ മുസ്​ലിം ലീഗ്​ നേതാക്കൾ ഇതിനെതിരെ തിരിഞ്ഞിരിക്കുന്നത്​. എല്ലാവരും കൂടി ഒത്തുചേർന്ന്​ ജലീലി​െന ആക്രമിക്കുകയാണ്​. അദ്ദേഹം തെറ്റ്​ ചെയ്​തു എന്ന്​ കരുതുന്നില്ല. പരാതികൾ ലഭിച്ചാൽ ഏതൊരു അന്വേഷണ ഏജൻസിക്കും വ്യക്​തത വരുത്തേണ്ടി വരും. ആ വ്യക്​തത വരുത്താനുള്ള ​ശ്രമമാണ്​ നട​ന്നതെന്നും മുഖ്യമന്ത്രി പറഞ്ഞു.

കെ.ടി. ജലീലി​െൻറ മടിയിൽ കനമില്ല എന്നതുകൊണ്ട്​ തന്നെയാണ്​ അദ്ദേഹം നേരെചൊ​വ്വെ പോയി കാര്യങ്ങൾ അന്വേഷണ ഏജൻസിക്ക്​ മുമ്പാകെ നൽകിയത്​​. അദ്ദേഹം ഒന്നും മറച്ചുവെക്കാൻ തയാറല്ല. എല്ലാം തുറന്നുപറഞ്ഞിട്ടുണ്ട്​. അന്വേഷണ ഏജൻസികൾക്കും അത്​ ബോധ്യമായിട്ടുണ്ടാകും. ബാക്കി കാര്യങ്ങൾ അവർ പറയ​െട്ട. സ്വാഭാവികമായും അന്വേഷണത്തിന്​ ഒരു അവസാനം ഉണ്ടാകുമല്ലോ. അതുവരെ കാത്തിരിക്കാം.

അദ്ദേഹം ആരോടും പറയാതെയും പുലർ​ച്ചെയുമെല്ലാം ​അന്വേഷണ ഏജൻസിക്ക്​ മുന്നിൽ ഹാജരാകാനുള്ള കാരണം നമ്മുടെ നാട്ടിലെ ഇന്നത്തെ സാഹര്യമാണ്​. അനാവശ്യമായി സംഘർഷങ്ങളും പ്രശ്​നങ്ങളും സൃഷ്​ടിക്കാൻ ശരിയല്ലാത്ത മനസ്സുകൾ ധാരാളം പ്രവർത്തിക്കുന്നു​. ജലീൽ തിരുവനന്തപുരത്തേക്ക്​ വന്നപ്പോൾ വൻ ​അക്രമമാണ്​ ഉണ്ടായത്​. അദ്ദേഹത്തി​െൻറ ജീവൻ തന്നെ അപായപ്പെടുത്താനുള്ള ശ്രമം നടന്നു​. അദ്ദേഹത്തി​െൻറ ജീവൻ രക്ഷിക്കാനുള്ള ബാധ്യത പൊലീസിനുണ്ട്​. ത​െൻറ പേരിൽ മറ്റൊരു പ്രശ്​നമുണ്ടാകരു​ത്​ എന്ന ചിന്തായാണ്​ ഇങ്ങനെയൊരു യാത്രക്ക്​ ചിലപ്പോൾ വഴിവെച്ചിട്ടുണ്ടാകുകയെന്നും മുഖ്യമന്ത്രി പറഞ്ഞു.

സമരക്കാർ കോവിഡ്​ മാനദണ്ഡ പാലിക്കണമെന്നും മുഖ്യമന്ത്രി ആവശ്യപ്പെട്ടു. സമരക്കാർ വടിയെടുത്ത്​ ആക്രമിക്കുകയാണ്​. സമരവും പ്ര​േക്ഷാഭവുമെല്ലാം വേണ്ടതായി വരും. പക്ഷെ, ഇത്​ കോവിഡ​ി​െൻറ വ്യാപന കാലമാണ്​. അതുകൊണ്ട്​ തന്നെ കോവിഡ്​ മാനദണ്ഡങ്ങൾ പാലിക്കേണ്ടതുണ്ട്​. പ്രതി​േഷധക്കാരുടെ ഇരച്ചുകയറൽ സാമൂഹിക വ്യാപനത്തിന്​ വഴിയൊരുക്കും. അതുകൊണ്ട്​ തന്നെ സാമൂഹിക ​പ്രതിബദ്ധതയോടുള്ള ഇടപെടലിനായി നേതൃത്വം ​ശ്രമിക്കേണ്ടതുണ്ടെന്നും മുഖ്യമ​ന്ത്രി പറഞ്ഞു.