നിലമ്പൂർ നഗരസഭ എൽ.ഡി.എഫ്​ പിടിച്ചെടുത്തു; അക്കൗണ്ട്​ തുറന്ന്​ ബി.ജെ.പി

നിലമ്പൂർ (മലപ്പുറം): നിലമ്പൂർ നഗരസഭയിൽ യു.ഡി.എഫിൽനിന്ന്​ എൽ.ഡി.എഫ്​ ഭരണം പിടിച്ചെടുത്തു. ആകെയുള്ള 33 ഡിവിഷനുകളിൽ 22 സീറ്റുകൾ നേടിയാണ്​ എൽ.ഡി.എഫിൻെറ മിന്നുംജയം. യു.ഡി.എഫ്​ ഒമ്പത്​ ഡിവിഷനുകളിൽ വിജയിച്ചു. ബി.ജെ.പിയും സ്വതന്ത്രനും ​ഓരോ സീറ്റ്​ നേടി.

2010ൽ നഗരസഭയായ ശേഷം രണ്ട്​ തവണയും യു.ഡി.എഫിനായിരുന്നു ഭരണം. നഗരസഭയിൽ ആദ്യമായാണ്​ ബി.ജെ.പി അക്കൗണ്ട്​ തുറക്കുന്നത്​. മുൻമന്ത്രി ആര്യാടൻ മുഹമ്മദിൻെറ തട്ടകത്തിലെ പരാജയം യു.ഡി.എഫിന്​ ഏറെ ക്ഷീണം ചെയ്യും. കഴിഞ്ഞതവണത്തെ സീറ്റ്​ നില: യു.ഡി.എഫ്‌ - 21, എല്‍.ഡി.എഫ്‌- 4, ബി.ജെ.പി- 0, മറ്റുള്ളവര്‍ - 8.