നിപ ഭീതി: ബാലു​േശ്ശരി ആശുപത്രിയിലെ ഡോക്​ടർമാർക്ക്​ അവധി നൽകി

കോഴിക്കോട്​: ബാലുശ്ശേരി താലൂക്ക്​ ആശുപത്രിയിലെ ഡോക്​ടർമാർക്കും ജീവനക്കാർക്കും ആരോഗ്യ വകുപ്പ്​ അവധി നൽകി. നിപ ബാധിച്ച്​ ബാലുശ്ശേരി ആശുപത്രിയിൽ ചികിത്​സ തേടിയ രണ്ടു പേർ മരിച്ച സാഹചര്യത്തിലാണ്​ അവധി നൽകിയത്​. ഒരാഴ്​ച​ത്തേക്കാണ്​ അവധി. എന്നാൽ ഒ.പി പ്രവർത്തിക്കുമെന്ന്​ ആരോഗ്യ വകുപ്പ്​ അറിയിച്ചു. 

ആശുപത്രിയിലെ ആറ് ഡോക്ടര്‍മാരോടും നഴ്‌സിങ്​ ജീവനക്കാരോടുമാണ് ഒരാഴ്ച അവധിയില്‍ പ്രവേശിക്കാന്‍ ആരോഗ്യ വകുപ്പ് ഡയറക്ടര്‍ നിര്‍ദേശിച്ചത്. ഡോക്ടർ പനി ബാധിച്ച് ചികിത്സ തേടിയ സാഹചര്യത്തിലാണ് ജീവനക്കാർക്ക് അവധി നൽകിയതെന്നും അധികൃതര്‍ അറിയിച്ചിട്ടുണ്ട്.

കഴിഞ്ഞ ദിവസം മരിച്ച റസിന്​ ബാലു​ശ്ശേരി ആശുപത്രിയിൽ നിന്നായിരുന്നു നിപ ബാധിച്ചത്​. നിപ ബാധിച്ച്​ മരിച്ച കോട്ടൂർ തിരുവോട്​ മയിപ്പിൽ ഇസ്​മായിലി​െന ബാലുശ്ശേരി ആശുപത്രിയിൽ പ്രവേശിപ്പിച്ചപ്പോൾ റസിൻ ചികിത്​സ തേടിയിരുന്നു. ഇതുവരെ സ്രവ പരിശോധനയിൽ 18 പേർക്ക്​ നിപ സ്​ഥിരീകരിച്ചിട്ടുണ്ട്​. 

ആശുപത്രികളിൽ നിന്ന്​ രോഗം പലരിലേക്കും പകരുന്നുണ്ടെന്ന്​ വ്യക്​തമായതിനാൽ മേയ്​ അഞ്ചിന്​ രാവിലെ 10 മുതൽ വൈകീട്ട്​ അഞ്ചുവ​രെ മെഡിക്കൽ കോളജ്​ ആശുപത്രി കാഷ്യാലിറ്റി, സി.ടി സ്​കാൻ റൂം, വിശ്രമമുറി എന്നിവിടങ്ങളിലും 14ന്​ രാത്രി ഏഴുമുതൽ ഒമ്പതുവരെയും 18, 19 തീയതികളിൽ ഉച്ച​ രണ്ടുവരെയും ബാലുശ്ശേരി ഗവ. ആശുപത്രിയിലും പോയവർ സ്​റ്റേറ്റ്​ നിപ സെല്ലിൽ വിളിച്ചറിയിക്കണം എന്ന്​ ആരോഗ്യവകുപ്പ്​ അറിയിച്ചു.  ​0495 -2381000 എന്ന ഫോൺ നമ്പറിലാണ്​  ബന്ധപ്പെടേണ്ടത്​.

അതേസമയം, നിപക്ക്​ ആസ്​ട്രേലിയയിൽ നിന്ന്​ ഹ്യൂമന്‍ മോണോക്ളോണല്‍ ആൻറിബോഡിയെന്ന പുതിയ മരുന്ന്​ ഇന്ന്​ എത്തിക്കും.