എട്ടു പേർക്ക്​ രോഗലക്ഷണം; നിപ സമ്പർക്ക പട്ടികയിലുള്ളവർ 251 ആയി

കോഴിക്കോട്​: നിപ മരണം സ്​ഥിരീകരിച്ചതിനെ തുടർന്ന്​ തയാറാക്കിയ സമ്പർക്കപട്ടികയിലുള്ളവരുടെ എണ്ണം വർധിക്കുന്നു. നേരത്തെ 188 പേരാണ്​ സമ്പർക്ക പട്ടികയിൽഉണ്ടായിരുന്നത്​. 63 പേരെ കൂടി ചേർത്ത്​ മൊത്ത സമ്പർക്ക പട്ടിക 251 ആക്കി. നിപ ബാധിച്ചു മരിച്ച കുട്ടിയുമായി ബന്ധപ്പെട്ടവരാണിവർ.

അതേസമയം, രോലക്ഷണങ്ങൾ പ്രകടമായവരുടെ എണ്ണവും വർധിച്ചിട്ടുണ്ട്​. കുട്ടിയുടെ മാതാവിനും രണ്ട്​ ആരോഗ്യ പ്രവർത്തകർക്കുമാണ്​ നേരത്തെ രോഗലക്ഷണങ്ങൾ ഉണ്ടായിരുന്നത്​. അഞ്ചു പേർക്കു കൂടി പുതുതായി രോഗലക്ഷണങ്ങൾ ഉണ്ട്​. ആകെ എട്ടു പേരുടെ സാമ്പിളുകൾ പുനെയിലെ വൈറോളജി ലാബിലേക്ക്​ പരിശോധനക്ക്​ അയച്ചിട്ടുണ്ട്​. ഇതിന്‍റെ ഫലം ഇന്ന് വൈകീട്ടോടെ എത്തുമെന്നാണ്​ പ്രതീക്ഷിക്കുന്നത്​.

251 പേരുടെ സമ്പർക്ക പട്ടികയിൽ നിന്ന്​ കൂടുതൽ രോഗ സാധ്യതയുള്ളവരുടെ പട്ടികയും പ്രത്യേകം തയാറാക്കിയിട്ടുണ്ട്​. ഇതിൽ 32 പേരാണുള്ളത്​. ഇവരെല്ലാം നിരീക്ഷണത്തിലാണുള്ളത്​.

അതേസമയം, നിപ വ്യാപനം തീവ്രമാകാൻ ഇടയില്ലെന്നാണ് കേന്ദ്ര വിദഗ്ധ സംഘത്തിന്‍റെ പ്രാഥമിക വിലയിരുത്തൽ. കേന്ദ്ര ആരോഗ്യ മന്ത്രാലയത്തിന് കൈമാറിയ പ്രാഥമിക റിപ്പോർട്ടിലാണ് കേന്ദ്ര സംഘം ഇക്കാര്യം വ്യക്തമാക്കുന്നത്.

നിലവിലെ സ്ഥിതിഗതികൾ കേന്ദ്ര ആരോഗ്യ മന്ത്രാലയം വിലയിരുത്തുകയാണ്. കോവിഡ് പ്രോട്ടോകോൾ പാലിക്കുന്നതിനാൽ നിപ വ്യാപനത്തിന് സാധ്യതയില്ല. ആവശ്യമെങ്കിൽ കൂടുതൽ വിദഗ്ധരെ കേരളത്തിലേക്ക് അയക്കും. പൂണെ വൈറോളജിയിൽ നിന്നുള്ള സംഘം സംസ്ഥാനത്ത് എത്തുന്നുണ്ട്. പ്രാദേശികമായി വവ്വാലുകളെ പിടികൂടി പഠനം നടത്തണമെന്നും കേന്ദ്ര സംഘം റിപ്പോർട്ടിൽ ചൂണ്ടിക്കാട്ടുന്നു.

നി​പ ബാ​ധി​ച്ച് വി​ദ്യാ​ർ​ഥി മ​രി​ച്ച പാ​ഴൂ​ർ മു​ന്നൂ​ർ പ്ര​ദേ​ശം ഡോ. ​പി. ര​വീ​ന്ദ്ര​ന്‍റെ നേതൃത്വത്തിൽ കേ​ന്ദ്ര വി​ദ​ഗ്ധ സം​ഘം കഴിഞ്ഞ ദിവസം സ​ന്ദ​ർ​ശി​ച്ചിരുന്നു. കേ​ന്ദ്ര​സം​ഘ​വും ആ​രോ​ഗ്യ​വ​കു​പ്പ് അ​ധി​കൃ​ത​രും റ​മ്പു​ട്ടാ​ൻ മ​ര​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ പ​ല പ​ഴ​ങ്ങ​ളും പ​ക്ഷി​ക​ൾ കൊ​ത്തി​യ നി​ല​യി​ലാ​ണ്.

12കാ​ര​ന് രോ​ഗം പ​ക​ർ​ന്ന​ത് റ​മ്പുട്ടാ​ൻ പ​ഴ​ത്തി​ൽ ​നി​ന്നാണെന്ന്​ കേ​ന്ദ്ര സം​ഘം ന​ട​ത്തി​യ പ​രി​ശോ​ധ​ന​യി​ൽ സംശയിക്കുന്നു. മു​ഹ​മ്മ​ദ് ഹാ​ഷി​മിന്‍റെ പി​താ​വ് അ​ബൂ​ബ​ക്ക​റിന്‍റെ ഉ​ട​മ​സ്ഥ​ത​യി​ൽ പു​ൽ​പ​റ​മ്പ് ച​ക്കാ​ല​ൻ​കു​ന്നി​നു സ​മീ​പ​ത്തെ പ​റ​മ്പി​ൽ റ​മ്പു​ട്ടാ​ൻ മ​ര​മു​ണ്ട്.

ക​ഴി​ഞ്ഞ ദി​വ​സ​ങ്ങ​ളി​ൽ അ​ബൂ​ബ​ക്ക​ർ ഇ​തി​ലെ പ​ഴ​ങ്ങ​ൾ പ​റി​ച്ച് വീ​ട്ടി​ൽ​ കൊ​ണ്ടു​വ​ന്നി​രു​ന്നു. രോഗം ബാധിച്ച് മരിച്ച ഹാ​ഷിം ഇ​ത് ക​ഴി​ച്ചി​രു​ന്നു​വെ​ന്നാ​ണ് വി​വ​രം. വീ​ട്ടി​ലു​ള്ള​വ​ർ​ക്കു​ പു​റ​മെ പ​രി​സ​ര​ വീ​ട്ടി​ലു​ള്ള കു​ട്ടി​ക​ളും ഇ​ത് ക​ഴി​ച്ചി​രു​ന്നു​വ​ത്രെ. ഇ​വ​രെ​ല്ലാ​വ​രും നി​ല​വി​ൽ ഐ​സൊ​ലേ​ഷ​നി​ലാ​ണ്.