നിപ വൈറസ്​: ട്യൂഷൻ ക്ലാസുകൾക്ക്​ നിരോധനം

കോഴിക്കോട്​: നിപ വൈറസിനെതിരെ പ്രതിരോധം ശക്​തമാകുന്നതി​​​​െൻറ ഭാഗമായി ജില്ലയിലെ വിദ്യാഭ്യാസ സ്​ഥാപനങ്ങളിലും ജാ​ഗ്രത ശക്​തമാകുന്നു. പേരാ​മ്പ്ര മേഖലയിൽ ട്യൂഷൻ സ​​​െൻററുകൾ കഴിഞ്ഞ ദിവസം മുതൽ പ്രവർത്തനം നിർത്തിയിരുന്നു. ഇവിടെ അംഗൻവാടികളും പ്രവർത്തിച്ചിരുന്നില്ല. ഇൗ മാസം 31 വരെ ജില്ലയിൽ ട്യൂഷൻ ക്ലാസുകൾ, പരിശീലന പരിപാടികൾ, ക്യാമ്പുകൾ എന്നിവ നി​േരാധിച്ച്​ കലക്​ടർ ഉത്തരവിട്ടിട്ടുണ്ട്​. കോഴിക്കോ​െട്ട ചില പ്രഫഷനൽ കോളജുകളിൽ ക്ലാസുകൾ ഇൗ മാസം 31 വരെ നിർത്തിവെച്ചിട്ടുണ്ട്​. വിദ്യാർഥികളുടെ ആശങ്കയാണ് കാരണം.

​ ഗവ. മെഡിക്കൽ കോളജിൽ എല്ലാ മെഡിക്കൽ പി.ജി പരീക്ഷകളും മാറ്റിവെച്ചിട്ടുണ്ട്​. മറ്റു​ സംസ്​ഥാനങ്ങളിൽനിന്ന്​ എക്​സാമിനർമാരായി എത്തുന്നവരു​െട അഭ്യർഥന മാനിച്ചാണ്​ നടപടി. എം.ബി.ബി.എസ്​ ക്ലാസുകൾക്ക്​ ഒരാഴ്​ച അവധി നൽകിയതിനാൽ വിദ്യാർഥികളെല്ലാം ഹോസ്​റ്റൽ വിട്ടു. പേരാ​മ്പ്രയിലെയും പരസിരത്തെയും വിദ്യാർഥികളുടെ അഭ്യർഥന പരിഗണിച്ച്​ കാലിക്കറ്റ്​ സർവകലാശാല നാലാം ​െസമസ്​റ്റർ ബിരുദ പരീക്ഷ നീട്ടിവെച്ചിരിക്കുകയാണ്​.

ഇതര സംസ്​ഥാനങ്ങളിലെ കുട്ടികൾ പഠിക്കുന്ന എൻ.​െഎ.ടി, ​െഎ.​െഎ.എം എന്നീ വിദ്യാഭ്യാസ സ്​ഥാപനങ്ങളിൽ വെക്കേഷനാ​െണങ്കിലും ജില്ലയിലെ സ്​ഥിതിഗതികൾ അന്വേഷിച്ച്​ മലയാളി വിദ്യാർഥികൾക്ക്​ ഫോൺ വിളികളുടെ പ്രവാഹമാണ്​. പുതിയ അധ്യയന വർഷമാരംഭിക്കാൻ ഒരാഴ്​ച മാത്രം ബാക്കി നിൽക്കുന്നതിനാൽ സ്​കൂൾ തുറക്കുന്നത്​ നീട്ടിവെക്കാനും സാധ്യതയുണ്ട്​