നിപ: മരിച്ച സിന്ധുവിന്‍റെ ഭർത്താവും ആശുപതിയിൽ

തിരൂരങ്ങാടി: നിപ വൈറസ്​ ബാധിച്ച് മരിച്ച മൂന്നിയൂർ സ്വദേശി സിന്ധുവി​​​െൻറ ഭർത്താവിനെ പനിയെ തുടർന്ന് കോഴിക്കോട്​ മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു. ആലിൻചുവട് പാലക്കത്തൊടു മേച്ചേരി സുബ്രഹ്​മണ്യനെയാണ് ബുധനാഴ്​ച ഉച്ചയോടെ കോഴിക്കോട് മെഡിക്കൽ കോളജിൽ പ്രവേശിപ്പിച്ചത്. 

പനിയും തലവേദനയും അനുഭവപ്പെട്ടതോടെ മൂന്നിയൂർ പി.എച്ച്.സിയിൽ ചികിത്സ തേടിയെങ്കിലും മെഡിക്കൽ കോളജ്​ ആശുപത്രിയി​ലേക്ക് റഫർ ചെയ്യുകയായിരുന്നു. നിപ വൈറസ്​ ബാധിച്ച്​ മരിച്ച ഷിജിതയുടെ ഭർത്താവ് ഉബീഷും രണ്ടുദിവസമായി പനി ബാധിച്ച് മെഡിക്കൽ കോളജിൽ ചികിത്സയിലാണ്. ഇതോടെ പ്രദേശത്ത് ആരോഗ്യവകുപ്പ് അധികൃതര്‍ നിരീക്ഷണം ശക്തമാക്കി.