നിപ സംശയം; പനി ബാധിച്ച രണ്ടുപേരെ ആശുപത്രിയിലേക്ക് മാറ്റി; തിരുവാലി പഞ്ചായത്തിൽ മാസ്ക് നിർബന്ധം
text_fieldsമലപ്പുറം: നിപ സംശയത്തെ തുടർന്ന് പനി ബാധിതരായ രണ്ട് പേരെ ആശുപത്രിയിലേക്ക് മാറ്റി. തിരുവാലി പഞ്ചായത്തിലെ രണ്ടു പേരെയാണ് ആശുപത്രിയിലേക്ക് മാറ്റിയത്. ഇവരെ പ്രത്യേകം നിരീക്ഷിക്കും. നിപ സംശയത്തെ തുടര്ന്ന് പ്രതിരോധ പ്രവര്ത്തനങ്ങളും തിരുവാലി പഞ്ചായത്തിൽ ഊര്ജിതമാക്കി.
തിരുവാലി പഞ്ചായത്തിൽ മാസ്ക് ധരിക്കുന്നത് നിര്ബന്ധമാക്കി ജില്ലാ ആരോഗ്യ വകുപ്പ് നിര്ദേശമിറക്കി. വണ്ടൂർ പഞ്ചായത്തിലെ നടുവത്ത് സ്വദേശിയും ബംഗളൂരുവിൽ വിദ്യാർഥിയുമായ 23കാരൻ കഴിഞ്ഞ തിങ്കളാഴ്ചയായിരുന്നു പെരിന്തൽമണ്ണ സ്വകാര്യ ആശുപത്രിയിൽ മരിച്ചത്. യുവാവിന്റെ സമ്പര്ക്ക പട്ടികയിലുള്ളവരുടെ എണ്ണം 151 ആയി ഉയര്ന്നു. നേരത്തെ 26 പേരായിരുന്നു സമ്പര്ക്ക പട്ടികയിലുണ്ടായിരുന്നത്.
രാവിലെ തിരുവാലി പഞ്ചായത്തിൽ ജനപ്രതിനിധികളും ആരോഗ്യ വകപ്പ് ഉദ്യോഗസ്ഥരും യോഗം ചേര്ന്നിരുന്നു. പ്രതിരോധ പ്രവർത്തനങ്ങളും നിയന്ത്രണങ്ങളുമാണ് യോഗത്തിൽ ചർച്ച ചെയ്തത്. അതേസമയം, നിപ ഔദ്യോഗികമായി സ്ഥിരീകരിച്ചാൽ തുടർനടപടികളിലേക്ക് ജില്ലാ ഭരണകൂടം കടക്കും. കഴിഞ്ഞ തിങ്കളാഴ്ചയാണ് ബംഗളൂരുവിൽ നിന്ന് എത്തിയ വിദ്യാർഥിയായ 23 കാരൻ മരിച്ചത്. യുവാവിന് നിപയെന്നാണ് പ്രാഥമിക പരിശോധന ഫലം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.