കെട്ടിടത്തിൽ നിന്ന് വീണയാളെ രക്ഷിച്ച രഞ്ജിനിക്ക് നിയമസഭയുടെ അഭിനന്ദനം

തിരുവനന്തപുരം: കൊച്ചിയിൽ കെട്ടിടത്തിൽനിന്ന് വീണയാളെ ആശുപത്രിയിലെത്തിക്കുന്നതിനുള്ള ഏർപ്പാടുകൾ ചെയ്ത അഭിഭാഷക രഞ്ജിനിക്ക് നിയമസഭയുടെ അഭിനന്ദനം. രഞ്ജിനിയുടെ ഇടപെടൽ അഭിനന്ദനാർഹമാണെന്ന് മുഖ്യമന്ത്രി പിണറായി വിജയൻ പറഞ്ഞു. അപകട സ്ഥലത്ത് ജനക്കൂട്ടം നോക്കി നിന്നത് നടുക്കം ഉണ്ടാക്കുന്നുവെന്നും മുഖ്യമന്ത്രി കൂട്ടിച്ചേർത്തു.

കൊച്ചി പത്മ ജംഗ്ഷനിൽ കെട്ടിടത്തിൽ നിന്ന് വീണ് പരിക്കേറ്റ് ചോര വാർന്നു കിടന്ന സജിയെ സഹായിക്കാൻ ആരും മുന്നോട്ടു വരാതിരുന്ന സാഹചര്യത്തിലാണ് വഴിയാത്രക്കാരിയായ രഞ്ജിനി വാഹനം തടഞ്ഞു നിറുത്തി ആശുപത്രിയിലെത്തിച്ചത്. ഈ വിഡിയോ ഇന്നലെ സാമൂഹ്യ മാധ്യമങ്ങളിൽ പ്രചരിച്ചിരുന്നു. ഗുരുതരമായ പിക്കേറ്റ സജി ആശുപത്രിയിൽ ചികിത്സയിലാണ്.