ചർച്ചയിൽ സമവായമായില്ല; പ്രതിപക്ഷം സഭ ബഹിഷ്​കരിച്ചു

തിരുവനന്തപുരം: സ്വാ​ശ്രയ വിഷയത്തിൽ ​​പ്രതിപക്ഷ സമരം ഒത്തു തീർക്കുന്നതിൽ സർക്കാറുമായി സമവായമുണ്ടാകാത്തതിനെ തുടർന്ന്​ പ്രതിപക്ഷം നിയമസഭ ബഹിഷ്​കരിച്ചു. യു.ഡി.എഫി​നെ പിന്തുണച്ച്​ കേരളാ കോ​ൺഗ്രസ്​ എം വിഭാഗവും സഭ ബഹിഷ്​കരിച്ചിട്ടുണ്ട്​. നേരത്തെ സഭാനടപടികൾ ആരംഭിച്ചപ്പോൾ തന്നെ പ്രതിപക്ഷം നടുത്തളത്തിൽ കുത്തിയിരുന്ന്​ ​ബഹളം വെച്ചതിനെ തുടർന്ന്​​ ചോദ്യോത്തരവേള ഉപേക്ഷിക്കുകയും സഭാനടപടികൾ അൽപ നേര​ത്തേക്ക്​ നിർത്തിവെക്കുകയും ​ചെയ്​തിരുന്നു.

മെഡിക്കൽ മാ​േനജ്​​െമൻറുകൾ തലവരിപ്പണം വാങ്ങുന്നതിൽ അന്വേഷണം, പരിയാരം മെഡിക്കൽ കോളജിലെ ഫീസിൽ കുറവുവരുത്തൽ എന്നിവയാണ്​ ​​പ്രതിപക്ഷം പ്രധാനമായും മുന്നോട്ട്​ വെക്കുന്ന ആവശ്യങ്ങൾ. സമവായ ചർച്ചയിൽ പ​െങ്കടുത്ത മുഖ്യമന്ത്രി തലവരിപ്പണ വിഷയത്തിൽ അന്വേഷണം നടത്താമെന്ന നിലപാട്​ സ്വീകരിച്ചതായാണ്​ വിവരം. എന്നാൽ ഫീസ്​ കുറക്കുന്ന കാര്യത്തിൽ അനുകൂല നിലപാട്​ സ്വീകരിച്ചിട്ടില്ല. ഇൗ സാഹചര്യത്തിലാണ്​ പ്രതിപക്ഷം സഭ ബഹിഷ്​കരിച്ചത്​.

പ്രശ്​നത്തിൽ സ്​പീക്കർ ഇടപെടണമെന്നാണ്​​ ​പ്രതിപക്ഷ നേതാക്കൾ ആവശ്യപ്പെട്ടത്​​. ഇന്ന്​ രാവിലെ ചേർന്ന യു.ഡി.എഫ്​ പാർലമെൻററി പാർട്ടി യോഗത്തിലും സ്വാശ്രയ വിഷയത്തിൽ നടക്കുന്ന സമരം ശക്​തമായി മുന്നോട്ട്​​ കൊണ്ടുപോകാൻ തീരുമാനിച്ചിരുന്നു​. ചോദ്യോത്തരവേള റദ്ദാക്കിയ​ശേഷം ഇക്കാര്യത്തി​െലാരു തീരുമാനം വേണമെന്ന ആവശ്യമാണ്​ ​​പ്രതിപക്ഷ നേതാവ്​ രമേശ്​ ചെന്നിത്തല മുന്നോട്ട​്​ വെച്ചത്​. സർക്കാർ നടപടി തീർത്തും ​െതറ്റും ജനാധിപത്യ വിരുദ്ധവുമാണെന്ന്​ ചെന്നിത്തല പറഞ്ഞു. ജനകീയ സമരങ്ങളോടുള്ള സർക്കാറി​െൻറ സമീപനം ശരിയല്ല. സ്​പീക്കർ പ്രശ്​നത്തിൽ ഇപെടണമെന്നുമായിരുന്നു അദ്ദേഹ​ത്തി​െൻറ ആവശ്യം.