ഇളവുകളില്ല, ഫ്ലക്​സി നിരക്കും റെയിൽവേക്ക്​ കൊയ്​ത്ത്​; ടിക്കറ്റ്​ വരുമാനത്തിൽ 73 ശതമാനം വർധന

തി​രു​വ​ന​ന്ത​പു​രം: ഇ​ള​വു​ക​ള്‍ വെ​ട്ടി​ക്കു​റ​ച്ചും പാ​സ​ഞ്ച​റു​ക​ൾ അ​വ​സാ​നി​പ്പി​ച്ചും ഫ്ലെ​ക്സി നി​ര​ക്കി​ൽ ട്രെ​യി​നു​ക​ളോ​ടി​ച്ചു​മു​ള്ള ക​ച്ച​വ​ട​ക്ക​ളി​യി​ൽ റെ​യി​ൽ​വേ​ക്ക്​ ലാ​ഭ​ക്കൊ​യ്​​ത്ത്. 2022 ഏ​പ്രി​ൽ മു​ത​ൽ 2023 ജ​നു​വ​രി വ​രെ​യു​ള്ള റെ​യി​ൽ​വേ​യു​ടെ ടി​ക്ക​റ്റ്​ വ​രു​മാ​നം 54,733 ​കോ​ടി രൂ​പ​യാ​ണ്. ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ 73 ശ​ത​മാ​നം വ​ർ​ധ​ന​യാ​ണ്​ ടി​ക്ക​റ്റ്​ വ​രു​മാ​ന​ത്തി​ലു​ണ്ടാ​യ​ത്. തൊ​ട്ട്​ മു​ൻ​വ​ർ​ഷം ഇ​തേ കാ​ല​യ​ള​വി​ൽ 31,634 കോ​ടി​യാ​യി​രു​ന്നു വ​രു​മാ​നം.

യാ​ത്ര​ക്കാ​രു​ടെ എ​ണ്ണ​ത്തി​ൽ കാ​ര്യ​മാ​യ വ​ർ​ധ​ന കാ​ണു​ന്നി​ല്ലെ​ങ്കി​ലും വ​രു​മാ​ന​ത്തി​ൽ വ​ർ​ധ​ന​വു​ണ്ടാ​യി എ​ന്ന​താ​ണ്​ കൗ​തു​കം. യാ​ത്രാ​ചെ​ല​വ്​ കൂ​ടി എ​ന്ന​തി​നെ​യാ​ണ്​ ഈ ​ക​ണ​ക്കു​ക​ൾ അ​ടി​വ​ര​യി​ടു​ന്ന​ത്. 2022 ഏ​പ്രി​ൽ മു​ത​ൽ 2023 ജ​നു​വ​രി വ​രെ​യു​ള്ള ക​ണ​ക്ക​നു​സ​രി​ച്ച്​ റി​സ​ർ​വ്​ ചെ​യ്ത യാ​ത്ര​ക്കാ​രി​ൽ​നി​ന്ന്​ കി​ട്ടി​യ വ​രു​മാ​നം 42,945 കോ​ടി​യാ​ണ്. തൊ​ട്ട്​ മു​ൻ വ​ർ​ഷം ഇ​തേ കാ​ല​യ​ള​വി​ൽ കി​ട്ടി​യ​ത്​ 29,945 കോ​ടി​യും. അ​തേ​സ​മ​യം റി​സ​ർ​വ്​ യാ​ത്ര​ക്കാ​രു​ടെ എ​ണ്ണം തൊ​ട്ട്​ മു​ൻ​വ​ർ​ഷ​ത്തെ 6181 ല​ക്ഷ​ത്തി​ൽ​നി​ന്ന്​ ഈ ​വ​ർ​ഷം 6,590 ല​ക്ഷ​മാ​യാ​ണ്​ ഉ​യ​ർ​ന്ന​ത്.

യാ​ത്ര​ക്കാ​രു​ടെ എ​ണ്ണം ഏ​ഴ്​ ശ​ത​മാ​നം മാ​​ത്ര​മാ​ണ്​ കൂ​ടി​യ​തെ​ന്നി​രി​ക്കെ​യാ​ണ്​ വ​രു​മാ​നം 48 ശ​ത​മാ​ന​മാ​യി കു​തി​ച്ച​ത്. തി​ര​ക്ക​നു​സ​രി​ച്ച്​ നി​ര​ക്കു​യ​ർ​ന്ന ഫ്ല​ക്​​സി നി​ര​ക്കി​ലെ ട്രെ​യി​നു​ക​ളി​ലൂ​ടെ 2019 മു​ത​ൽ 2022 ഒ​ക്​​ടോ​ബ​ർ വ​രെ റെ​യി​ൽ​വേ​യു​ടെ അ​ക്കൗ​ണ്ടി​​ലെ​ത്തി​യ​ത്​ 2442 കോ​ടി​യാ​ണ്.ഇ​ള​വു​ക​ൾ ഓ​രോ​ന്നാ​യി വെ​ട്ടി​ക്കു​റ​ക്കു​ന്ന​തി​ന്​ പി​ന്നാ​ലെ സ്ലീ​പ്പ​ർ കോ​ച്ചു​ക​ളു​ടെ എ​ണ്ണം കു​റ​ച്ച്​ പ​ക​രം എ.​സി ​കോ​ച്ചു​ക​ളു​ടെ എ​ണ്ണം കൂ​ട്ടാ​നാ​ണ്​ റെ​യി​ൽ​വേ​യു​ടെ അ​ടു​ത്ത​നീ​ക്കം. മി​ത​മാ​യ നി​ര​ക്കി​ലെ സ്ലീ​പ്പ​ർ കോ​ച്ചു​ക​ളു​ടെ എ​ണ്ണം കു​റ​യു​ന്ന​തോ​ടെ ചെ​ല​വേ​റി​യ എ.​സി കോ​ച്ചു​ക​ൾ ​തെ​ര​ഞ്ഞെ​ടു​ക്കാ​ൻ യാ​​ത്ര​ക്കാ​ർ നി​ർ​ബ​ന്ധി​ത​രാ​കും.

ഇ​തോ​ടെ ടി​ക്ക​റ്റ്​ വ​രു​മാ​നം വീ​ണ്ടും ഉ​യ​രും. ഓ​രോ ട്രെ​യി​നി​ലും സ്ലീ​പ്പ​ർ കോ​ച്ചു​ക​ളു​ടെ എ​ണ്ണം ര​ണ്ടാ​യി പ​രി​മി​ത​പ്പെ​ടു​ത്തു​മെ​ന്നാ​ണ്​ വി​വ​രം. അ​തേ​സ​മ​യം എ.​സി ത്രീ ​ട​യ​ർ, എ.​സി ടു ​ട​യ​ർ കോ​ച്ചു​ക​ളു​​ടെ എ​ണ്ണം കൂ​ട്ടും. തി​രു​വ​ന​ന്ത​പു​ര​ത്തു​നി​ന്ന്​ എ​റ​ണാ​കു​ള​ത്തേ​ക്കു​ള്ള സ്ലീ​പ്പ​ർ ടി​ക്ക​റ്റ്​ നി​ര​ക്ക്​ 200ൽ ​താ​​ഴെ​യാ​ണെ​ങ്കി​ൽ എ.​സി ത്രീ ​ട​യ​റി​ൽ ഇ​ത്​ 500ന്​ ​മു​ക​ളി​ലാ​ണ്. ടു ​ട​യ​റി​ലേ​ക്കെ​ത്തു​മ്പോ​ൾ ഇ​ത്​ വീ​ണ്ടും ഉ​യ​രും. ഒ​രു സ്ലീ​പ്പ​ർ കോ​ച്ചി​ൽ 72 ബെ​ർ​ത്തു​ക​ളാ​ണു​ള്ള​ത്. പ​രി​ഷ്കാ​രം ന​ട​പ്പാ​യാ​ൽ ട്രെ​യി​നു​ക​ളി​ൽ നി​ല​വി​ലെ 546 മു​ത​ൽ 792 വ​രെ​യു​ള്ള സ്ലീ​പ്പ​ർ ബെ​ർ​ത്തു​ക​ൾ 144 ആ​യി കു​റ​യും.