വൈദ്യുതിയില്ല, സൂക്ഷിക്കാൻ പറ്റിയ വീടുമില്ല; ലാപ്ടോപ്പുകൾ തിരിച്ചുനൽകി ആദിവാസി വിദ്യാർഥികൾ

വെ​ള്ള​മു​ണ്ട: 'വൈ​ദ്യു​തി​യി​ല്ലാ​തെ ലാ​പ്ടോ​പ് കി​ട്ടി​യി​ട്ടെ​ന്താ, സൂ​ക്ഷി​ച്ചു​വെ​ക്കാ​ൻ വീ​ടു​മി​ല്ല. അ​തോ​ണ്ട് ഞ​ങ്ങ​ളാ​രും ലാ​പ്ടോ​പ് വാ​ങ്ങി​യി​ട്ടി​ല്ല....'' വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്ത്​ ആ​റാം വാ​ർ​ഡി​ലെ ഉ​ണ്ടാ​ടി പ​ണി​യ കോ​ള​നി​യി​ലെ ആ​റാം​ത​രം വി​ദ്യാ​ർ​ഥി അ​ഞ്ജ​ലി​യു​ടെ നി​രാ​ശ​യൂ​റു​ന്ന വാ​ക്കു​ക​ളാ​ണി​ത്.

അ​ഞ്ജ​ലി​ക്കൊ​പ്പം ഇ​തേ കോ​ള​നി​യി​ലെ അ​മൃ​ത, മ​നു ബാ​ബു, ശ്രീ​ഹ​രി എ​ന്നി​വ​രും പ​ത്താം ത​ര​ത്തി​ൽ പ​ഠി​ക്കു​ന്ന അ​മൃ​ത​യും ഒ​മ്പ​താം ക്ലാ​സി​ൽ പ​ഠി​ക്കു​ന്ന അ​രു​ൺ​ജി​തും ലാ​പ്ടോ​പ്​ വാ​ങ്ങാ​തെ തി​രി​ച്ചേ​ൽ​പി​ക്കു​ക​യാ​യി​രു​ന്നു.

സ​മീ​പ കോ​ള​നി​യി​ലു​ള്ള കു​ട്ടി​ക​ളെ​ല്ലാം ലാ​പ്ടോ​പ്​ ഉ​പ​യോ​ഗി​ക്കു​ന്ന​ത് കാ​ണു​മ്പോ​ൾ ത​ങ്ങ​ൾ​ക്കും ആ​ഗ്ര​ഹ​മു​ണ്ടെ​ങ്കി​ലും വൈ​ദ്യു​തി​യി​ല്ലാ​തെ എ​ങ്ങ​നെ എ​ന്ന ചോ​ദ്യം ബാ​ക്കി​യാ​വു​ന്നു. പ്ലാ​സ്റ്റി​ക് ഷീ​റ്റു​കൊ​ണ്ട് മ​റ​ച്ച കൂ​ര​ക​ളി​ലാ​ണ് ഇ​വ​രെ​ല്ലാം താ​മ​സി​ക്കു​ന്ന​ത്. കാ​റ്റ​ടി​ച്ചാ​ൽ പ​റ​ന്നു​പോ​കു​ന്ന കൂ​ര​ക​ളി​ൽ ലാ​പ്ടോ​പ് സൂ​ക്ഷി​ക്കാ​നു​ള്ള ഭ​യ​വും ഇ​വ​രെ പി​ന്നോ​ട്ട​ടി​പ്പി​ക്കു​ന്നു.

വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി‍െൻറ മൂ​ക്കി​ന് താ​ഴെ​യു​ള്ള കോ​ള​നി​യാ​ണി​തെ​ങ്കി​ലും വി​ക​സ​നം ഇ​വി​ടേ​ക്ക് എ​ത്തി​നോ​ക്കി​യി​ട്ടി​ല്ല. കോ​ള​നി​മു​റ്റ​ത്ത് വൈ​ദ്യു​തി​ത്തൂ​ണു​ണ്ടെ​ങ്കി​ലും ഷെ​ഡു​ക​ളി​ൽ വൈ​ദ്യു​തി ന​ൽ​കാ​നാ​വി​ല്ലെ​ന്ന ച​ട്ട​മാ​ണ് തി​രി​ച്ച​ടി​യാ​യ​ത്.

ലാ​പ്ടോ​പ് കി​ട്ടി​യി​ട്ടും ഉ​പ​യോ​ഗി​ക്കാ​നാ​വാ​തെ നി​രാ​ശ​രാ​യ ആ​ദി​വാ​സി വി​ദ്യാ​ർ​ഥി​ക​ൾ നി​ര​വ​ധി​യാ​ണ്. സ​മീ​പ​ത്തെ പ​ല സ്ഥ​ല​ങ്ങ​ളി​ലും സ​മാ​ന അ​നു​ഭ​വ​ങ്ങ​ൾ ഏ​റെ​യാ​ണ്.

പൊ​തു വി​ദ്യാ​ഭ്യാ​സ വ​കു​പ്പി‍െൻറ വി​ദ്യാ​കി​ര​ണം പ​ദ്ധ​തി പ്ര​കാ​രം വി​ത​ര​ണം തു​ട​ങ്ങി​യ ലാ​പ്ടോ​പ്പു​ക​ളാ​ണ് കൃ​ത്യ​മാ​യി ഉ​പ​യോ​ഗി​ക്കാ​ൻ ക​ഴി​യാ​തെ ആ​ദി​വാ​സി വി​ദ്യാ​ർ​ഥി​ക​ൾ പ്ര​യാ​സ​പ്പെ​ടു​ന്ന​ത്.

ഓ​ൺ​ലൈ​ൻ ക്ലാ​സു​ക​ൾ കേ​ൾ​ക്കു​ന്ന​തി​നാ​ണ് പ്ര​ധാ​ന​മാ​യും ലാ​പ്ടോ​പ്പു​ക​ൾ ന​ൽ​കാ​ൻ സ​ർ​ക്കാ​ർ തീ​രു​മാ​നി​ച്ച​ത്. ജി​ല്ല​യി​ൽ 17,000ത്തി​ല​ധി​കം ലാ​പ്ടോ​പ്പു​ക​ളാ​ണ് വി​ത​ര​ണം ചെ​യ്യു​ന്ന​ത്. ആ​ദി​വാ​സി വി​ഭാ​ഗ​ത്തി​ലെ ഏ​റ്റ​വും പി​ന്നാ​ക്കം നി​ൽ​ക്കു​ന്ന പ​ണി​യ വി​ഭാ​ഗ​ത്തി​ലെ വി​ദ്യാ​ർ​ഥി​ക​ളാ​ണ് ലാ​പ്ടോ​പ് ഉ​പ​യോ​ഗി​ക്കാ​നാ​വാ​തെ വ​ട്ടം​ക​റ​ങ്ങു​ന്ന​ത്.