സർക്കാർ വിഹിതം ലഭിച്ചില്ല; ഖാ​ദി തൊ​ഴി​ലാ​ളി​ മി​നി​മം വേ​ത​നം മു​ട​ങ്ങി

ക​ണ്ണൂ​ർ: സ​ർ​ക്കാ​ർ വി​ഹി​തം ല​ഭി​ക്കാ​ത്ത​തി​നാ​ൽ സം​സ്ഥാ​ന​ത്തെ 12,000ലേ​റെ ഖാ​ദി തൊ​ഴി​ലാ​ളി​ക​ളു​ടെ മി​നി​മം വേ​ത​നം മു​ട​ങ്ങി. രാ​ജ്യ​ത്ത് ഖാ​ദി തൊ​ഴി​ലാ​ളി​ക​ൾ​ക്ക് മി​നി​മം കൂ​ലി ന​ട​പ്പാ​ക്കി​യ ഏ​ക സം​സ്ഥാ​ന​ത്താ​ണ് ഈ സ്ഥി​തി. ക​ഴി​ഞ്ഞ ബ​ജ​റ്റി​ൽ ഖാ​ദി മേ​ഖ​ല​ക്ക് പ്ര​ഖ്യാ​പി​ച്ച 16 കോ​ടി​യി​ൽ എ​ട്ടു​കോ​ടി​യാ​ണ് ആ​കെ ല​ഭി​ച്ച​ത്. സാ​മ്പ​ത്തി​ക ഞെ​രു​ക്ക​ത്തി​ന്റെ പേ​രി​ലാ​ണ് ബാക്കി പി​ടി​ച്ചു​വെ​ച്ച​ത്. തു​ച്ഛ​ വേ​ത​ന​മാ​ണ് ഖാ​ദി തൊ​ഴി​ലാ​ളി​ക​ളു​ടേ​ത്. രാ​വി​ലെ മു​ത​ൽ വൈ​കീ​ട്ടു​വ​രെ തൊ​ഴി​ലെ​ടു​ത്താ​ൽ നൂ​റോ ഇ​രു​നൂ​റോ രൂ​പ​യാ​ണ് ല​ഭി​ക്കു​ക.

മാ​സം പ​ര​മാ​വ​ധി 15 ദി​വ​സ​മാ​ണ് തൊ​ഴി​ൽ​ത​ന്നെ ഉ​ണ്ടാ​വു​ക. ഈ ​ദ​യ​നീ​യ സ്ഥി​തി അ​ൽ​പ​മെ​ങ്കി​ലും മാ​റ്റാ​നാ​ണ് സ​ർ​ക്കാ​ർ വി​ഹി​ത​വും ചേ​ർ​ത്ത് മി​നി​മം കൂ​ലി ന​ട​പ്പാ​ക്കി​യ​ത്. ഒ​രു​കൈ നൂ​ല് (ആ​യി​രം മീ​റ്റ​ർ) ഉ​ൽ​പാ​ദി​പ്പി​ക്കു​ന്ന​തി​ന് 14.90 രൂ​പ​യാ​ണ് തൊ​ഴി​ലാ​ളി​ക്ക് ല​ഭി​ക്കു​ക. ഇ​തി​ൽ 10 രൂ​പ അ​ത​ത് ഖാ​ദി സ്ഥാ​പ​ന​വും ശേ​ഷി​ക്കു​ന്ന 4.90 രൂ​പ സ​ർ​ക്കാ​രും ന​ൽ​ക​ണ​മെ​ന്നാ​ണ് വ്യ​വ​സ്ഥ. സ​ർ​ക്കാ​ർ വി​ഹി​തം​കൂ​ടി ല​ഭി​ച്ചാ​ൽ മി​നി​മം കൂ​ലി​യാ​യി 400 രൂ​പ തൊ​ഴി​ലാ​ളി​ക​ൾ​ക്ക് കി​ട്ടും. സ​ർ​ക്കാ​ർ ന​ൽ​കേ​ണ്ട ഈ ​വി​ഹി​തം മു​ട​ങ്ങി​യ​തി​നാ​ൽ 200 രൂ​പ​യി​ലും താ​ഴെ​യാ​ണ് മി​ക്ക തൊ​ഴി​ലാ​ളി​ക​ൾ​ക്കും ല​ഭി​ക്കു​ന്ന​ത്. റി​ബേ​റ്റ് ഇ​ന​ത്തി​ൽ 50 കോ​ടി​യോ​ളം രൂ​പ ഖാ​ദി​മേ​ഖ​ല​ക്ക് ല​ഭി​ക്കാ​നു​ണ്ട്.