തിരുവിതാകൂര്‍ ദേവസ്വം ക്ഷേത്രങ്ങളില്‍ കര്‍ക്കടകവാവ്​ ബലിതര്‍പ്പണമില്ല

തിരുവനന്തപുരം: കോവിഡ്​ 19 വ്യാപനം കാരണം ഈ വര്‍ഷം കര്‍ക്കടകവാവിന് തിരുവിതാകൂര്‍ ദേവസ്വം ബോര്‍ഡി‍െൻറ കീ‍ഴിലുള്ള ക്ഷേത്രങ്ങളില്‍ ബലിതര്‍പ്പണം അനുവദിക്കില്ല. ദേവസ്വംബോര്‍ഡ് യോഗമാണ്​ ഇതുസംബന്ധിച്ച തീരുമാനം കൈക്കൊണ്ടത്​. നിലവിൽ ക്ഷേത്രദർശനത്തിനുള്ള ആളുകളുടെ എണ്ണം വിശേഷദിവസത്തിൽ 40 ഉം മറ്റ്​ ദിവസങ്ങളിൽ 15 ഉം ആണ്​.

ഹരിവരാസനം പാടുന്നില്ലെന്ന ആക്ഷേപം അടിസ്ഥാനരഹിതം -ദേവസ്വം ബോർഡ്​

തിരുവനന്തപുരം: 'ഹരിവരാസനം' ഒ‍ഴിവാക്കി മറ്റേതോ പാട്ട് ശബരിമല ശ്രീകോവില്‍ നട അടക്കുന്ന സമയത്ത് പാടുകയും അത് ഉച്ചഭാഷിണിയിലൂടെ കേള്‍പ്പിക്കുകയും ചെയ്യു​െന്നന്ന്​ കാണിച്ച് സമൂഹമാധ്യമങ്ങളിലൂടെയുള്ള പ്രചാരണം അടിസ്ഥാനരഹിതമാണെന്ന്​ തിരുവിതാംകൂർ ദേവസ്വം ബോര്‍ഡ് പ്രസിഡൻറ്​ അഡ്വ. എന്‍.വാസു പറഞ്ഞു. ശബരിമലയെയും തിരുവിതാംകൂര്‍ ദേവസ്വം ബോര്‍ഡിനെയും ബോധപൂര്‍വം അപകീര്‍ത്തിപ്പെടുത്തുന്നതാണ് ഇത്തരം വാര്‍ത്തകളെന്ന്​ ദേവസ്വം ബോര്‍ഡ് വ്യക്തമാക്കി.