ഓൺലൈൻ വഴി മദ്യം ലഭ്യമാക്കാൻ തീരുമാനിച്ചിട്ടില്ല -ടി.പി. രാമകൃഷ്​ണൻ

തിരുവനന്തപുരം: ഓൺലൈൻ വഴി മദ്യം ലഭ്യമാക്കാൻ തീരുമാനിച്ചിട്ടില്ലെന്ന്​ എക്​സൈസ്​ വകുപ്പ്​ മന്ത്രി ടി.പി. രാമക ൃഷ്​ണൻ. മറിച്ചൊരു ഉത്തരവുണ്ടാവു​ന്നതുവരെ ഈ സാഹചര്യം തുടരും. സാഹചര്യമനുസരിച്ചാണ്​ അതു സംബന്ധിച്ച തീരുമാനം കൈക്കൊള്ളുകയെന്നും മന്ത്രി പറഞ്ഞു.

മദ്യത്തിന്​ ആസക്തിയുള്ളവർ അതിൽ നിന്ന്​ പിൻമാറുകയാണ്​ വേണ്ടത്​. അതിനായി ഡീ അഡിക്ഷൻ സ​​െൻററുകളടക്കം വർധിപ്പിക്കുകയ​ും അതി​​​െൻറ പ്രവർത്തനങ്ങൾ സജീവമാക്കുകയും ചെയ്യും. അനധികൃത, വ്യാജ മദ്യ വിൽപനയും മറ്റ്​ ലഹരി പദാർഥങ്ങളുടെ ഉപയോഗവും തടയുമെന്നും അദ്ദേഹം പറഞ്ഞു.

ബുധനാഴ്​ചയാണ്​ ബീവറേജ്​ ഔട്ട്​ലറ്റുകൾ അടച്ചുപൂട്ടിയത്​. നിലവിൽ എവിടെയും മദ്യം ലഭിക്കാത്ത സ്ഥിതിവിശേഷമാണുള്ളത്​.