ഹജ്ജ്: സംഘടനകളുടെ ക്ലാസുകളിലെ​ തെറ്റായ വിവരങ്ങൾക്ക് ഉത്തരവാദിത്തമില്ല -ഹജ്ജ് കമ്മിറ്റി

കൊ​ണ്ടോ​ട്ടി: ഹ​ജ്ജ് തീ​ര്‍ഥാ​ട​ക​ര്‍ക്ക് വി​വി​ധ സം​ഘ​ട​ന​ക​ള്‍ ന​ട​ത്തു​ന്ന ക്ലാ​സു​ക​ളി​ല്‍നി​ന്ന് തെ​റ്റാ​യ വി​വ​രം ല​ഭി​ക്കു​ന്ന​തി​ല്‍ ഉ​ത്ത​ര​വാ​ദി​ത്ത​മി​ല്ലെ​ന്ന് സം​സ്ഥാ​ന ഹ​ജ്ജ് ക​മ്മി​റ്റി. ഹ​ജ്ജ് സാ​ങ്കേ​തി​ക പ​ഠ​ന ക്ലാ​സു​ക​ള്‍ എ​ന്ന പേ​രി​ല്‍ പ​ല സം​ഘ​ട​ന​ക​ളും ക്ലാ​സ് ന​ട​ത്തു​ന്ന​ത് ശ്ര​ദ്ധ​യി​ൽ​പെ​ട്ടി​ട്ടു​ണ്ട്.

ന്യൂ​ന​പ​ക്ഷ​കാ​ര്യ മ​ന്ത്രാ​ല​യ​വും കേ​ന്ദ്ര ഹ​ജ്ജ് ക​മ്മി​റ്റി​യും ന​ല്‍കു​ന്ന ആ​ധി​കാ​രി​ക വി​വ​ര​ങ്ങ​ൾ​പോ​ലെ കൃ​ത്യ​മാ​യി​രി​ക്കി​ല്ല സം​ഘ​ട​ന​ക​ള്‍ ന​ട​ത്തു​ന്ന ക്ലാ​സു​ക​ളി​ല്‍ ന​ൽ​കു​ന്ന​തെ​ന്ന കാ​ര്യം തീ​ര്‍ഥാ​ട​ക​ര്‍ ശ്ര​ദ്ധി​ക്ക​ണ​മെ​ന്ന് സം​സ്ഥാ​ന ഹ​ജ്ജ് ക​മ്മി​റ്റി അ​റി​യി​ച്ചു.

കേ​ന്ദ്ര ഹ​ജ്ജ് ക​മ്മി​റ്റി മു​ഖേ​ന ഹ​ജ്ജി​ന് പോ​കു​ന്ന​വ​ര്‍ക്ക് തീ​ര്‍ഥാ​ട​ന​ത്തി​ന്റെ ന​ട​പ​ടി​ക്ര​മം വി​ശ​ദീ​ക​രി​ക്കു​ന്ന​തി​നാ​ണ് സം​സ്ഥാ​ന ഹ​ജ്ജ് ക​മ്മി​റ്റി​ക​ള്‍ വ​ഴി ഹ​ജ്ജ് സാ​ങ്കേ​തി​ക പ​ഠ​ന​ക്ലാ​സു​ക​ള്‍ സം​ഘ​ടി​പ്പി​ക്കു​ന്ന​ത്. 300 മു​ത​ല്‍ 500 പേ​രെ വ​രെ ഉ​ള്‍ക്കൊ​ള്ളാ​വു​ന്ന വി​ധ​ത്തി​ല്‍ നി​യോ​ജ​ക മ​ണ്ഡ​ലം ത​ല​ത്തി​ലും ജി​ല്ല​ത​ല​ത്തി​ലും ഔ​ദ്യോ​ഗി​ക ട്രെ​യി​ന​ര്‍മാ​രെ ഉ​പ​യോ​ഗ​പ്പെ​ടു​ത്തി​യാ​ണ് സം​സ്ഥാ​ന ഹ​ജ്ജ് ക​മ്മി​റ്റി സാ​ങ്കേ​തി​ക പ​ഠ​ന​ക്ലാ​സ് ന​ട​ത്തു​ന്ന​ത്.

മൂ​ന്നു ഘ​ട്ട​ങ്ങ​ളി​ലാ​യി ന​ട​ക്കു​ന്ന ക്ലാ​സു​ക​ളു​ടെ ആ​ദ്യ ഘ​ട്ടം സം​സ്ഥാ​ന​ത്ത് പൂ​ര്‍ത്തി​യാ​യി​ട്ടു​ണ്ട്. ഹ​ജ്ജ് ക​മ്മി​റ്റി മു​ഖേ​ന പോ​കു​ന്ന​വ​ മ​റ്റു സാ​ങ്കേ​തി​ക ക്ലാ​സു​ക​ളി​ല്‍ പ​ങ്കെ​ടു​ക്കേ​ണ്ട ആ​വ​ശ്യ​മി​ല്ല. വി​ശ​ദ​വി​വ​ര​ങ്ങ​ള്‍ക്ക് സം​സ്ഥാ​ന ഹ​ജ്ജ് ക​മ്മി​റ്റി​യു​ടെ ഔ​ദ്യോ​ഗി​ക ട്രെ​യി​ന​ര്‍മാ​രു​മാ​യോ ഓ​ഫി​സു​മാ​യോ ബ​ന്ധ​പ്പെ​ട​ണ​മെ​ന്നും ഹ​ജ്ജ് ക​മ്മി​റ്റി അ​സി. സെ​ക്ര​ട്ട​റി അ​റി​യി​ച്ചു.