തുഷാര്‍ വെള്ളാപ്പള്ളിക്ക് രാജ്യസഭ സീറ്റ്  നൽകുമെന്ന്​ പറഞ്ഞിട്ടില്ല- ശ്രീധരൻ പിള്ള

കോട്ടയം: ബി.ഡി.ജെ.എസ്​  സംസ്ഥാന വൈസ്​ പ്രസിഡൻറ്​ തുഷാര്‍ വെള്ളാപ്പള്ളിക്ക് രാജ്യസഭ സീറ്റ് വാഗ്​ദാനം ചെയ്​തിട്ടില്ലെന്ന്​ ബി.ജെ.പി നേതാവ്​ പി.എസ് ശ്രീധരന്‍ പിള്ള. തുഷാറിന്​ രാജ്യസഭാ സീറ്റ്​ നല്‍കുന്നുവെന്ന മാധ്യമവാര്‍ത്തകള്‍ അടിസ്ഥാനരഹിതമാണ്​. വാര്‍ത്തകള്‍ക്ക് പിന്നില്‍ പി.കെ കൃഷ്ണദാസാണെന്ന് കരുതുന്നില്ല. ബി.ഡി.ജെ.എസുമായുള്ള തര്‍ക്കങ്ങള്‍ ഉടന്‍ പരിഹരിക്കുമെന്നും ശ്രീധരൻ പിള്ള ചെങ്ങന്നൂരിൽ പറഞ്ഞു. 

ബി.ഡി.ജെ.എസിന് നല്‍കിയ ഉറപ്പ് പാലിക്കും. അതിന് ചില സാങ്കേതിക തടസ്സങ്ങള്‍ മാത്രമേയുള്ളൂയെന്നും ചെങ്ങന്നൂരിലെ ബി.ജെ.പി സ്ഥാനാര്‍ഥികൂടിയായ ശ്രീധരന്‍പിള്ള പറഞ്ഞു.