കൂട്ടുപുഴയിൽ ‘സുരക്ഷയില്ലാ’ ചെക്​പോസ്റ്റ്

ഇ​രി​ട്ടി: ല​ഹ​രി മ​രു​ന്നു​ക​ട​ത്തി​ന്റെ കേ​ര​ള​ത്തി​ന്‍റെ ക​വാ​ട​മാ​യി മാ​റി​യ കൂ​ട്ടു​പു​ഴ ചെ​ക്പോ​സ്റ്റി​ൽ ജീ​വ​ൻ പ​ണ​യം​വെ​ച്ച് എ​ക്സൈ​സ്-​പൊ​ലീ​സ് ഉ​ദ്യോ​ഗ​സ്ഥ​ർ. അ​ന്ത​ർ സം​സ്ഥാ​ന പാ​ത​യി​ൽ വാ​ഹ​ന പ​രി​ശോ​ധ​ന​ക്ക്​ ശാ​സ്ത്രീ​യ സം​വി​ധാ​നം ഇ​ല്ലാ​ത്ത​താ​ണ് പ്ര​ശ്നം സൃ​ഷ്ടി​ക്കു​ന്ന​ത്. ല​ഹ​രി​മ​രു​ന്ന് ഒ​ളി​പ്പി​ച്ചു വ​രു​ന്ന വാ​ഹ​ന​ങ്ങ​ൾ പ​രി​ശോ​ധി​ക്കു​ന്ന​തി​ന് ഉ​ദ്യോ​ഗ​സ്ഥ​ർ​ക്ക് മ​നോ​ധൈ​ര്യം മാ​ത്ര​മാ​ണ് കൈ​മു​ത​ൽ.

എ​ക്സൈ​സ് ചെ​ക്​​പോ​സ്റ്റി​ൽ ഒ​രു എ​ക്സൈ​സ് ഇ​ൻ​സ്പെ​ക്ട​റും അ​ഞ്ച്​ പ്രി​വന്റിവ് ഓ​ഫി​സ​ർ​മാ​രു​മാ​ണ് ഓ​രോ ഷി​ഫ്റ്റി​ലും ജോ​ലി ചെ​യ്യു​ന്ന​ത്. ദി​നം​പ്ര​തി ശ​രാ​ശ​രി 300 വാ​ഹ​ന​ങ്ങ​ൾ വ​രെ​യാ​ണ് ഇ​വ​ർ പ​രി​ശോ​ധി​ക്കു​ന്ന​ത്. ക​ഴി​ഞ്ഞ ര​ണ്ടു​മാ​സ​ത്തി​നി​ട​യി​ൽ 20 മ​യ​ക്കു​മ​രു​ന്ന് കേ​സു​ക​ളാ​ണ് ചെ​ക്പോ​സ്റ്റി​ൽ പി​ടി​കൂ​ടി​യ​ത്.

സാ​ധാ​ര​ണ​ക്കാ​ർ പ​രി​ശോ​ധ​ന​ക്ക്​ വാ​ഹ​നം നി​ർ​ത്തി സ​ഹ​ക​രി​ക്കു​മെ​ങ്കി​ലും മ​യ​ക്കു​മ​രു​ന്ന് ക​ട​ത്തു സം​ഘ​ങ്ങ​ളും മ​ദ്യ​പി​ച്ചു എ​ത്തു​ന്ന​വ​രും ഉ​ണ്ടാ​ക്കു​ന്ന പൊ​ല്ലാ​പ്പു​ക​ൾ ചെ​ക്പോ​സ്റ്റി​ലെ എ​ക്സൈ​സ് ജീ​വ​ന​ക്കാ​ർ​ക്കു​ണ്ടാ​ക്കു​ന്ന ത​ല​വേ​ദ​ന ചെ​റു​ത​ല്ല. ചെ​റു​ത്തു​നി​ൽ​പ്പി​ന് ആ​കെ​യു​ള്ള ആ​യു​ധം ലാ​ത്തി മാ​ത്ര​മാ​ണ്.

മ​യ​ക്കു​മ​രു​ന്നു സം​ഘ​ങ്ങ​ൾ അ​ക്ര​മാ​സ​ക്ത​രാ​യാ​ൽ ഇ​ത്ത​ര​ക്കാ​രെ പ്ര​തി​രോ​ധി​ക്കു​ന്ന​തി​നോ ഉ​ദ്യോ​ഗ​സ്ഥ​രു​ടെ സ്വ​യ​ര​ക്ഷ​ക്കോ ഇ​വി​ടെ സു​ര​ക്ഷ​സം​വി​ധാ​ന​മി​ല്ല. ഒ​രു മാ​സ​ത്തി​നി​ടെ ര​ണ്ടു​ത​വ​ണ​യാ​ണ് എ​ക്സൈ​സ് പ​രി​ശോ​ധ​ന​ക്കി​ടെ വാ​ഹ​ന​വു​മാ​യി മ​യ​ക്കു​മ​രു​ന്ന് സം​ഘം ക​ട​ന്നു​ക​ള​ഞ്ഞ​ത്. ക​ഴി​ഞ്ഞ​ദി​വ​സം എ​ക്സൈ​സ് ഉ​ദ്യോ​ഗ​സ്ഥ​നെ ത​ന്നെ ത​ട്ടി​ക്കൊ​ണ്ടു​പോ​കു​ന്ന ഗൗ​ര​വ​ത​ര​മാ​യ സം​ഭ​വ​വു​മു​ണ്ടാ​യി.

വാ​ഹ​ന​ത്തി​ന്‍റെ പ്ര​ത്യേ​ക അ​റ​ക​ളി​ലോ ശ​രീ​ര​ത്തി​ന്‍റെ ഏ​തെ​ങ്കി​ലും ഭാ​ഗ​ത്തോ ഒ​ളി​പ്പി​ച്ചു ക​ട​ത്തി കൊ​ണ്ടു​വ​രു​ന്ന മ​യ​ക്കു​മ​രു​ന്ന്​ ക​ണ്ടെ​ത്തു​ന്ന​തി​ന് ഈ ​കേ​ന്ദ്ര​ത്തി​ൽ ശാ​സ്ത്രീ​യ മാ​ർ​ഗ​ങ്ങ​ളും സം​വി​ധാ​ന​വു​മി​ല്ല. സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള​വ​ർ എ​ത്തു​ന്ന വാ​ഹ​ന​ത്തി​ൽ ക​യ​റി പ​രി​ശോ​ധി​ക്കു​ക​യെ​ന്ന​തും അ​സാ​ധ്യ​മാ​ണ്.

ക​ർ​ണാ​ട​ക ഭാ​ഗ​ത്തു​നി​ന്ന്​ അ​മി​ത വേ​ഗ​ത​യി​ൽ എ​ത്തു​ന്ന വാ​ഹ​ന​ങ്ങ​ളെ കൈ​നീ​ട്ടി നി​ർ​ത്തി പ​രി​ശോ​ധി​ക്കു​ക എ​ന്ന സാ​ധാ​ര​ണ ദൗ​ത്യം മാ​ത്ര​മേ ഇ​വ​ർ​ക്ക് ഈ ​ചെ​ക്പോ​സ്റ്റി​ൽ ചെ​യ്യാ​നാ​കൂ​വെ​ന്നാ​ണ് അ​വ​സ്ഥ.

ചെ​ക്പോ​സ്റ്റ് ബോ​ർ​ഡ് ക​ണ്ടാ​ൽ വാ​ഹ​ന​ത്തി​ന്‍റെ വേ​ഗ​ത കൂ​ട്ടു​ന്ന​വ​രെ പ്ര​തി​രോ​ധി​ക്കു​ക സാ​ധ്യ​മ​ല്ല​താ​നും. ഒ​രു കി.​മീ​റ്റ​ർ അ​ക​ലെ​യു​ള്ള മാ​ക്കൂ​ട്ടം ചെ​ക്പോ​സ്റ്റി​ൽ ഇ​രു​ഭാ​ഗ​ത്തേ​ക്കും പോ​കേ​ണ്ട വാ​ഹ​ന​ങ്ങ​ൾ പ​രി​ശോ​ധി​ക്കു​ന്ന​തി​നും വേ​ഗം കു​റ​ച്ച് ക​ട​ന്നു​പോ​കു​ന്ന​തി​നും ബാ​രി​ക്കേ​ഡ് അ​ട​ക്ക​മു​ള്ള സം​വി​ധാ​നം ഒ​രു​ക്കി​യി​ട്ടു​ണ്ട്.

സ​മാ​ന​മാ​യ രീ​തി​യി​ൽ കൂ​ട്ടു​പു​ഴ അ​തി​ർ​ത്തി ചെ​ക്പോ​സ്റ്റി​ലും സു​ര​ക്ഷ​സം​വി​ധാ​നം ഒ​രു​ക്ക​ണ​മെ​ന്നാ​ണ് പൊ​ലീസും എ​ക്സൈ​സും നാ​ട്ടു​കാ​രും ഒ​രു​പോ​ലെ ആ​വ​ശ്യ​പ്പെ​ടു​ന്ന​ത്.