![manjeri industrial road manjeri industrial road](https://www.madhyamam.com/h-upload/2022/01/14/1372936-manjeri-industrial-road.webp)
ആവശ്യമില്ലാത്തിടത്ത് പ്രവൃത്തി വേണ്ട; പി.ഡബ്ല്യു.ഡി റോഡ് അറ്റകുറ്റപ്പണി പരിശോധിക്കാന് പ്രത്യേക സംഘം
text_fieldsതിരുവനന്തപുരം: റോഡുകളുടെ അറ്റകുറ്റപ്പണി സംബന്ധിച്ച് സമഗ്രമായി പരിശോധിക്കുവാന് പൊതുമരാമത്ത് വകുപ്പിൽ പ്രത്യേക ടീമിനെ ചുമതലപ്പെടുത്താന് തീരുമാനിച്ചതായി മന്ത്രി പി.എ. മുഹമ്മദ് റിയാസ് അറിയിച്ചു. കേരളത്തിലെ റോഡ് അറ്റകുറ്റപ്പണികള് ഇനി മുതല് ഈ ടീമിന്റെ നിരീക്ഷണത്തിലായിരിക്കും.
കോവിഡും കാലവസ്ഥാ വ്യതിയാനവും സൃഷ്ടിച്ച പ്രതിസന്ധികള്ക്കിടയില് കഴിഞ്ഞ ഡിസംബറിലാണ് സംസ്ഥാനത്തെ പൊതുമരാമത്ത് പ്രവൃത്തികള് പൂർണതോതില് പുനരാരംഭിച്ചത്. ഇതിന്റെ ഭാഗമായി റോഡുകളിലെ അറ്റകുറ്റപ്പണികള് കാര്യമായി പുരോഗമിക്കുകയാണ്.
എന്നാല്, ചില റോഡുകളില് അറ്റകുറ്റപ്പണികളുടെ ഭാഗമായി ആവശ്യമില്ലാത്തിടത്ത് പ്രവൃത്തി നടക്കുന്നു എന്ന വിവരം ശ്രദ്ധയില്പ്പെട്ടിട്ടുണ്ട്. അത്തരം പ്രശ്നങ്ങളില് ഇടപെട്ട് പരിശോധന നടത്തുകയും ആവശ്യമായ നടപടികള് സ്വീകരിക്കുകയും ചെയ്തിരുന്നു. ഇത്തരം സംഭവങ്ങള് ആവര്ത്തിക്കാതിരിക്കാനുള്ള നടപടി സ്വീകരിക്കുന്നതിന്റെ ഭാഗമായാണ് പുതിയ ടീമിനെ ചുമതലപ്പെടുത്തുന്നതെന്ന് മന്ത്രി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.