മതരഹിതർക്ക്​ സംവരണ പദ്ധതി വേണം -ഹൈകോടതി

കൊ​ച്ചി: മ​ത​മി​ല്ലെ​ന്ന്​ സ്വ​യം പ്ര​ഖ്യാ​പി​ച്ച​വ​ർ​ക്ക്​ സാ​മ്പ​ത്തി​ക സം​വ​ര​ണ ആ​നു​കൂ​ല്യം ല​ഭ്യ​മാ​ക്കാ​നു​ള്ള പ​ദ്ധ​തി​ക്ക്​ സ​ർ​ക്കാ​ർ ഉ​ട​ൻ രൂ​പം​ന​ൽ​ക​ണ​മെ​ന്ന്​ ഹൈ​കോ​ട​തി. മ​ത​മി​ല്ലെ​ന്ന്​ അ​വ​കാ​ശ​പ്പെ​ട്ട​തി​ന്‍റെ പേ​രി​ൽ ആ​നു​കൂ​ല്യം നി​ഷേ​ധി​ക്കു​ന്ന​തി​നെ​തി​രെ ഒ​രു​കൂ​ട്ടം വി​ദ്യാ​ർ​ഥി​ക​ൾ ന​ൽ​കി​യ ഹ​ര​ജി​യി​ലാ​ണ്​ ജ​സ്റ്റി​സ്​ വി.​ജി. അ​രു​ണി​ന്‍റെ നി​ർ​ദേ​ശം.

മു​ന്നാ​ക്ക വി​ഭാ​ഗ​ത്തി​ലെ സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്കാ​ണ് സാ​മ്പ​ത്തി​ക സം​വ​ര​ണം ല​ഭി​ക്കു​ന്ന​ത്​ എ​ന്ന​തി​നാ​ലാ​ണ്​ ഇ​വ​ർ​ക്ക്​ ആ​നു​കൂ​ല്യം നി​ഷേ​ധി​ക്ക​പ്പെ​ടു​ന്ന​ത്. സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന പൗ​ര​ന്മാ​ർ​ക്കു​ള്ള ആ​നു​കൂ​ല്യ​ങ്ങ​ൾ ഒ​രു ജാ​തി​യി​ലോ വി​ഭാ​ഗ​ത്തി​ലോ ഉ​ൾ​പ്പെ​ടു​ന്നി​ല്ലെ​ന്ന കാ​ര​ണ​ത്താ​ൽ പു​രോ​ഗ​മ​ന ചി​ന്താ​ഗ​തി​ക്കാ​രെ​ന്ന് അ​വ​കാ​ശ​പ്പെ​ടു​ന്ന സ​ർ​ക്കാ​റി​ന്​ നി​ഷേ​ധി​ക്കാ​നാ​വി​ല്ലെ​ന്ന്​ കോ​ട​തി നി​രീ​ക്ഷി​ച്ചു.

ത​ങ്ങ​ളും മ​ക്ക​ളും മ​ത​ര​ഹി​ത​രാ​ണെ​ന്ന്​ ചി​ല​ർ പ്ര​ഖ്യാ​പി​ച്ച​ത്​ ഭ​ര​ണ​ഘ​ട​നാ​പ​ര​മാ​യ ല​ക്ഷ്യ​ത്തി​ലേ​ക്കു​ള്ള ധീ​ര​മാ​യ ചു​വ​ടു​വെ​പ്പാ​ണ്. പി​ന്നാ​ക്ക, ന്യൂ​ന​പ​ക്ഷ വി​ഭാ​ഗ​ക്കാ​ർ​ക്കു​ള്ള ആ​നു​കൂ​ല്യം ഇ​വ​ർ ആ​വ​ശ്യ​പ്പെ​ടു​ന്നി​ല്ല. സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്ക്​ ഭ​ര​ണ​ഘ​ട​നാ​നു​സൃ​ത​മാ​യി ല​ഭി​ക്കേ​ണ്ട ആ​നു​കൂ​ല്യ​ങ്ങ​ൾ മാ​ത്ര​മാ​ണ്​ അ​വ​ർ​ക്ക്​ വേ​ണ്ട​ത്.

പ​ദ​വി​യി​ലും സൗ​ക​ര്യ​ങ്ങ​ളി​ലും അ​വ​സ​ര​ങ്ങ​ളി​ലും വ​രു​മാ​ന​ത്തി​ലും വ്യ​ക്തി​ക​ൾ ത​മ്മി​ലു​ള്ള അ​സ​മ​ത്വം ഇ​ല്ലാ​താ​ക്കാ​നു​ള്ള ശ്ര​മ​മാ​ണ്​ സ​ർ​ക്കാ​ർ ന​ട​ത്തേ​ണ്ട​ത്. സ​മു​ദാ​യം, ജാ​തി എ​ന്നി​വ​ക്ക്​ പ​രി​ഗ​ണ​ന ന​ൽ​കി​ക്കൊ​ണ്ടാ​ക​രു​ത്​ ഈ ​ന​ട​പ​ടി​ക​ൾ. വി​വി​ധ മേ​ഖ​ല​ക​ളി​ലെ അ​സ​മ​ത്വം ഏ​റ്റ​വും ന​ന്നാ​യി വി​ല​യി​രു​ത്താ​നാ​വു​ന്ന​ത്​ സം​സ്ഥാ​ന സ​ർ​ക്കാ​റാ​യ​തി​നാ​ൽ സം​വ​ര​ണം ന​ൽ​കു​ന്ന​തി​ലെ തു​ല്യ​ത​ക്കു​ള്ള രീ​തി​ക​ൾ വി​ല​യി​രു​ത്തേ​ണ്ട​തും അ​വ​രാ​ണെ​ന്നും കോ​ട​തി അ​ഭി​പ്രാ​യ​പ്പെ​ട്ടു.

സാ​മ്പ​ത്തി​ക സം​വ​ര​ണ​ത്തി​ന്റെ ആ​നു​കൂ​ല്യം ല​ഭി​ക്കു​ന്ന സ​മു​ദാ​യ​ങ്ങ​ളു​ടെ പ​ട്ടി​ക മു​ന്നാ​ക്ക സ​മു​ദാ​യ ക​മീ​ഷ​ൻ പു​റ​പ്പെ​ടു​വി​ച്ചി​ട്ടു​ള്ള​തി​നാ​ൽ ഈ ​ആ​നു​കൂ​ല്യം മ​ത​മി​ല്ലാ​ത്ത​വ​ർ​ക്ക്​ അ​നു​വ​ദി​ക്കാ​ത്ത​ത്​ ഭ​ര​ണ​ഘ​ട​ന ലം​ഘ​ന​മാ​ണെ​ന്നാ​ണ്​ ഹ​ര​ജി​ക്കാ​രു​ടെ വാ​ദം.

മ​ത​മി​ല്ലെ​ന്ന്​ പ്ര​ഖ്യാ​പി​ച്ച സാ​മ്പ​ത്തി​ക പി​ന്നാ​ക്കാ​വ​സ്ഥ​യി​ലു​ള്ള​വ​ർ​ക്ക്​ ക​മ്യൂ​ണി​റ്റി സ​ർ​ട്ടി​ഫി​ക്ക​റ്റ് ന​ൽ​കാ​ൻ എ​ത്ര​യും വേ​ഗം ന​യ​വും മാ​ർ​ഗ​നി​ർ​ദേ​ശ​ങ്ങ​ളും രൂ​പ​വ​ത്​​ക​രി​ക്ക​ണ​മെ​ന്നാ​ണ്​ കോ​ട​തി​യു​ടെ നി​ർ​ദേ​ശം. ഹ​ര​ജി​ക്കാ​ർ​ക്ക്​ മ​ത​മി​ല്ലെ​ന്ന സ​ർ​ട്ടി​ഫി​ക്ക​റ്റ്​ ന​ൽ​കാ​ൻ നി​ർ​ദേ​ശി​ച്ച കോ​ട​തി, ഹ​ര​ജി ഓ​ണാ​വ​ധി​ക്ക്​ ശേ​ഷം പ​രി​ഗ​ണി​ക്കാ​ൻ മാ​റ്റി.