കുട്ടനാട്ടിലേക്കില്ല.. നീന്തൽ വശമില്ലെന്ന് മാണി സി. കാപ്പൻ

കോ​ട്ട​യം: പാ​ലാ സീ​റ്റ് വി​ട്ടു​ന​ൽ​കി​ല്ലെ​ന്ന് ആ​വ​ർ​ത്തി​ച്ച് മാ​ണി സി. ​കാ​പ്പ​ൻ എം​.എ​ൽ.​എ. കുട്ടനാട്ടിൽ നീന്താൻ അറിയില്ലെന്നും അതുകൊണ്ടു പാലാ വിടില്ലെന്നും മാണി സി.കാപ്പന്‍ പറഞ്ഞു. എന്തു വന്നാലും പാലാ സീറ്റ് വിട്ടുകൊടുക്കില്ലെന്ന് കാപ്പന്‍ നേരത്തെയും വ്യക്തമാക്കിയിരുന്നു. പാലാ, കാഞ്ഞിരപ്പള്ളി സീറ്റുകൾ ജോസ് കെ. മാണിക്ക് നൽകാൻ എല്‍.ഡി.എഫില്‍ ധാരണയായതുമായി ബന്ധപ്പെട്ടായിരുന്നു കാപ്പന്‍റെ പ്രതികരണം.

കുട്ടനാടും ഇല്ല, മുട്ടനാടും ഇല്ല. പാലയില്‍ മത്സരിച്ചാണ് വിജയിച്ചത്. തനിക്ക് നീന്താനറിയില്ല താന്‍ കുട്ടനാട്ടിലേക്കില്ല. ഇനിയും പാലായില്‍ത്തന്നെ മത്സരിക്കും തോ​റ്റ പാ​ർ​ട്ടി​ക്ക് സീ​റ്റ് വി​ട്ടു ന​ൽ​കേ​ണ്ട ഗ​തി​കേ​ട് എ​ൻ​.സി.​പി​ക്കി​ല്ല. എൻ.സി.പിയിലെ വിമത യോഗം അസാധാരണമാണ്. താൻ ശശീന്ദ്രനെതിരെ പരാതി നൽകിയിട്ടില്ല. സീറ്റ് നൽകില്ലെന്ന് മുഖ്യമന്ത്രി പറഞ്ഞിട്ടില്ലെന്നും മാണി സി. കാപ്പൻ പറഞ്ഞു.

അ​തേ​സ​മ​യം സി​റ്റിങ് സീ​റ്റാ​യ പാ​ലാ ഉ​റ​പ്പി​ക്കാ​നാ​യി കാ​പ്പ​ൻ മും​ബൈ​യി​ലേ​ക്ക് പോ​കു​മെ​ന്ന് റിപ്പോർട്ടുണ്ട്. എ​ൻ.​സി​.പി ദേ​ശീ​യ അ​ധ്യ​ക്ഷ​ൻ ശ​ര​ത് പ​വാ​റു​മാ​യി കൂ​ടി​ക്കാ​ഴ്ച ന​ട​ത്തു​ന്ന​തി​നാ​ണ് കാ​പ്പ​ൻ മും​ബൈ​ക്ക് പോകുന്നത്. സീറ്റ് ലഭിച്ചില്ലെങ്കില്‍ മുന്നണി മാറണമെന്ന് നിര്‍ദ്ദേശം മുന്നോട്ട് വെക്കും.