ചീഫ്​ സെക്രട്ടറിയുടെ ലേഖനം വായിച്ചില്ലെന്ന്​ മുഖ്യമന്ത്രി

തിരുവനന്തപുരം: ചീഫ് സെക്രട്ടറി ടോം ജോസ്​ ഇംഗ്ലീഷ്​ പത്രത്തില്‍ എഴുതിയ ലേഖനം വായിച്ചിട്ടി​െല്ലന്നും വായിച ്ചശേഷം പ്രതികരിക്കാമെന്നും മുഖ്യമന്ത്രി പിണറായി വിജയൻ. ശൂന്യവേളയിൽ പ്രതിപക്ഷനേതാവ്​ രമേശ്​ ചെന്നിത്തലയാണ്​ മാവോവാദിവേട്ടയുമായി ബന്ധപ്പെട്ട ചീഫ് സെക്രട്ടറിയുടെ ലേഖനം ഉന്നയിച്ചത്​.

സര്‍ക്കാർ നയങ്ങള്‍ വ്യക്തമാക്കേണ്ട വ്യക്തിയാണ് ചീഫ് സെക്രട്ടറിയെന്ന് ചൂണ്ടിക്കാട്ടിയ ചെന്നിത്തല, കേരളത്തില്‍ അടിയന്തരാവസ്ഥയാണോ എന്നും ചോദിച്ചു. ആയുധധാരികളായ മാവോവാദികൾക്ക്​ ഭരണഘടനാ അനുച്ഛേദം 21 ബാധകമല്ലെന്നാണ് ചീഫ്​ സെക്രട്ടറി പറഞ്ഞത്. ഈ അനുച്ഛേദം ജീവിതവും സ്വാതന്ത്ര്യവും സംരക്ഷിക്കുന്നതിനുള്ള മൗലികാവകാശമാണ്. സാധാരണ അടിയന്തരാവസ്ഥ സമയത്താണ് ഇത് റദ്ദാക്കാറുള്ളത്. ഇക്കാര്യത്തില്‍ മുഖ്യമന്ത്രി നിലപാട് വ്യക്തമാക്കണം. പ്രതിപക്ഷനേതാവ് ആവശ്യപ്പെട്ടു.

തുടർന്നാണ്​ ലേഖനം വായിച്ചിട്ട്​ മറുപടി നൽകാമെന്ന നിലപാട്​ മുഖ്യമന്ത്രി എടുത്തത്​. മാവോവാദികൾ തന്നെയാണ് ആദ്യം വെടിയുതിര്‍ത്തതെന്ന്​ മുഖ്യമന്ത്രി ആവർത്തിച്ചു. മാവോവാദികൾ ഭക്ഷണം കഴിച്ചുകൊണ്ടിരുന്നപ്പോള്‍ പൊലീസ് വെടി​െവ​െച്ചന്നൊക്കെയാണല്ലോ ഇപ്പോഴത്തെ പ്രചാരണം. പൊലീസ് റോന്തുചുറ്റുമ്പോള്‍ അവരാണ് വെടി​െവച്ചത്. പൊലീസും തിരിച്ചുവെടി​െവച്ചിട്ടുണ്ട്. അത് സ്വയരക്ഷക്കായായിരു​െന്നന്നും മുഖ്യമന്ത്രി പറഞ്ഞു.