സ്വരാജി​െൻറ തെരഞ്ഞെടുപ്പ്​ ഹരജിയിൽ കെ. ബാബുവിന്​ നോട്ടീസ്​

കൊച്ചി: തൃപ്പൂണിത്തുറ നിയമസഭ മണ്ഡലത്തിൽനിന്ന്​ കോൺഗ്രസിലെ കെ. ബാബു തെരഞ്ഞെടുക്കപ്പെട്ടത്​ ചോദ്യം ചെയ്ത് എതിർസ്ഥാനാർഥിയായിരുന്ന സി.പി.എം നേതാവ് എം. സ്വരാജ്​ നൽകിയ ഹരജിയിൽ ഹൈകോടതി എതിർകക്ഷികളുടെ വിശദീകരണം തേടി. വിജയിച്ച കെ. ബാബു എം.എൽ.എ, സ്​ഥാനാർഥികളായിരുന്ന ഡോ. കെ.എസ്. രാധാകൃഷ്‌ണൻ, കെ. പി. അയ്യപ്പൻ, പി. സി. അരുൺ ബാബു, രാജേഷ് പൈറോഡ്, സി. ബി. അശോകൻ തുടങ്ങിയവർക്കാണ്​ ജസ്​റ്റിസ് വി. ഷെർസി നോട്ടീസ്​ ഉത്തരവായത്​.

സ്വാമി അയ്യപ്പ​െൻറ പേരു പറഞ്ഞ് കെ. ബാബു വോട്ട് തേടിയത് തെരഞ്ഞെടുപ്പ് ക്രമക്കേടാണെന്നാരോപിച്ചാണ് സ്വരാജിെൻറ ഹരജി. ബാബുവിന്‍റെ തെരഞ്ഞെടുപ്പ് റദ്ദാക്കി തന്നെ വിജയിയായി പ്രഖ്യാപിക്കണമെന്നാണ് ഹരജിയിലെ ആവശ്യം