കുപ്രസിദ്ധ മോഷ്ടാവ് മരിയാർ പൂതം അറസ്റ്റിൽ

കൊച്ചി: കുപ്രസിദ്ധ മോഷ്ടാവ് മരിയാർ പൂതം എന്ന ജോൺസൺ കൊച്ചിയിൽ പിടിയിലായി. മോഷണ ശ്രമത്തിനിടെ നാട്ടുകാർ പിടികൂടി പൊലീസിലേൽപ്പിക്കുകയായിരുന്നു. തുടർന്ന് കൊച്ചി നോർത്ത് പൊലീസെത്തി അറസ്റ്റ് ചെയ്തു.

വിവിധ കേസുകളിലായി നിരവധി തവണ ഇയാളെ പൊലീസ് പിടികൂടിയിട്ടുണ്ട്. ജയിലിൽനിന്ന് പുറത്തിറങ്ങി വീണ്ടും മോഷണം നടത്തുകയാണ് ചെയ്യുന്നത്.

ഇരുനൂറിലധികം മോഷണക്കേസുകളിൽ പ്രതിയായ മരിയാർ പൂതം തമിഴ്നാട് കുളച്ചൽ സ്വദേശിയാണ്.