രണ്ടില: ഇനി വരുന്നത്​ നിയമപോരാട്ടം

കോ​ട്ട​യം: രണ്ടില ചിഹ്നം നഷ്​ടമായതോടെ ഉണ്ടാകുന്ന കനത്ത തിരിച്ചടി അതിജീവിക്കാൻ കേരള കോൺഗ്രസ്​ ജോസഫ്​ വിഭാഗം വീണ്ടും നിയമപോരാട്ടത്തിന്​. ഹൈകോടതി സിംഗിൾ ബെഞ്ചി​െൻറ ഉത്തരവോടെ രണ്ടില ചിഹ്നവും പാർട്ടിയും നഷ്​ടപ്പെട്ട്​ രജിസ്​ട്രേർഡ്​ രാഷ്​ട്രീയ പാർട്ടി അല്ലാതാകുന്ന സാഹചര്യം ഒഴിവാക്കാൻ ജോസഫ്​ വിഭാഗം തിങ്കളാഴ്​ച ഡിവിഷൻ ബെഞ്ചിൽ അപ്പീൽ നൽകും. സിംഗിൾ ബെഞ്ച്​ വിധി​ സ്​റ്റേ ചെയ്യാനുള്ള അപേക്ഷയും സമർപ്പിക്കും. നിയമപോരാട്ടവുമായി ഏതറ്റംവരെയും പോകാനാണ്​ തീരുമാനം. ഹൈകോടതി ഉത്തരവി​െൻറ അടിസ്ഥാനത്തിൽ ജോസ്​ പക്ഷത്തിനു​ തദ്ദേശ തെരഞ്ഞെടുപ്പിൽ രണ്ടില ചിഹ്നം ഉപയോഗിക്കാൻ തെരഞ്ഞെടുപ്പ്​ കമീഷൻ അനുമതി നൽകിയതും ​േജാസഫ്​ വിഭാഗത്തെ വെട്ടിലാക്കി. എന്നാൽ, തെരഞ്ഞെടുപ്പ്​ ചിഹ്നം അനുവദിച്ചു കഴിഞ്ഞാൽ സ്​റ്റേക്ക്​ സാധ്യത കുറവാണെന്നും നിയമവിദഗ്​ധർ പറയുന്നു.

വിധിക്ക്​ സ്​റ്റേ ലഭിക്കുന്നില്ലെങ്കിൽ തദ്ദേശ തെരഞ്ഞെടുപ്പിൽ ജോസഫ്​ വിഭാഗം സ്വതന്ത്രരായി മത്സരി​േക്കണ്ടിവരും. ബാലറ്റിൽ സ്ഥാനം താഴെയുമാകും. കമീഷൻ അനുവദിച്ച ചെണ്ടതന്നെ ചിഹ്നമായി ലഭിച്ചാലും മറുഭാഗം രണ്ടിലയിൽ മത്സരിക്കു​േമ്പാൾ പാർട്ടിയുടെ നിലനിൽപ്​​ പ്രതിസന്ധിയിലാകുമെന്ന ആശങ്കയിലാണ്​ ജോസഫ്​ വിഭാഗം. യു.ഡി.എഫിനെയും ഇത്​ പ്രതികൂലമായി ബാധിച്ചേക്കാം. അതിനാൽ എന്തുവിലകൊടുത്തും മുന്നണി സ്ഥാനാർഥികളായി മത്സരിക്കാനുള്ള നിയമപോരാട്ടവുമായി മുന്നോട്ടുപോകുമെന്നും​​ പ്രമുഖ നേതാവ്​ അറിയിച്ചു. കേരള കോൺഗ്രസ്​ മാണി എന്ന പേരുപോ​െലതന്നെ അഭിമാനപ്രശ്​നമായിരുന്നു രണ്ടില ചിഹ്നവും. അതില്ലാതെ മത്സരിച്ചതി​െൻറ തിരിച്ചടി പാലാ ഉപതെരഞ്ഞെടുപ്പിൽ ഉണ്ടായെന്നും ജോസ്​ വിഭാഗം ചൂണ്ടിക്കാട്ടുന്നു. അതേസമയം, രണ്ടിലചിഹ്നം മധ്യകേരളത്തിൽ തങ്ങൾക്കും ഏറെ ഗുണം ചെയ്യുമെന്ന വിശ്വാസത്തിലാണ്​ ഇടതുമുന്നണി.

ജോസഫ്​ പക്ഷം കോടതിയെ സമീപിക്കുന്നതോടെ കേരള കോൺഗ്രസ്​ രാഷ്​ട്രീയം വീണ്ടും നിയമപോരാട്ടത്തിലേക്ക്​ നീങ്ങിയേക്കാം. കേന്ദ്ര തെരഞ്ഞെടുപ്പ്​ കമീഷ​െൻറ അനുകൂല വിധിയാണ്​ ജോസ്​ പക്ഷത്തി​െൻറ ശക്തി. ജോസ് കെ. മാണിയെ ചെയർമാനായി തെരഞ്ഞെടുത്ത നടപടി സ്​റ്റേ ചെയ്​ത കട്ടപ്പന, തൊടുപുഴ സബ്​കോടതി ഉത്തരവുകളിലാണ്​ ജോസഫി​െൻറ പ്രതീക്ഷ.

ജോ​സ​ഫ്​ പ​ക്ഷം കോ​ട​തി​യെ സ​മീ​പി​ക്കു​ന്ന​തോ​ടെ കേ​ര​ള കോ​ൺ​ഗ്ര​സ്​ രാ​ഷ്​​ട്രീ​യം വീ​ണ്ടും നി​യ​മ​പോ​രാ​ട്ട​ത്തി​ലേ​ക്ക്​ നീ​ങ്ങി​യേ​ക്കാം. കേ​ന്ദ്ര തെ​ര​ഞ്ഞെ​ടു​പ്പ്​ ക​മീ​ഷ​െൻറ അ​നു​കൂ​ല വി​ധി​യാ​ണ്​ ജോ​സ്​ പ​ക്ഷ​ത്തി​െൻറ ശ​ക്തി.