​പ്രവാസിയുടെ ആത്​മഹത്യ: ഭാര്യ മുഖ്യമന്ത്രിക്ക്​ പരാതി നൽകി

കണ്ണൂർ: ആന്തൂരിൽ പ്രവാസി വ്യവസായി സാജൻ ആത്​മഹത്യ ചെയ്​ത സംഭവത്തിൽ ഭാര്യ ബീന മുഖ്യമന്ത്രിക്ക്​ പരാതി നൽകി. നഗര സഭാ ചെയർപേഴ്​സനെതിരെയും ഉദ്യോഗസ്ഥർക്കെതിരെയും കേസെടുക്കണമെന്ന്​ ആവശ്യപ്പെട്ടാണ്​ പരാതി. ആത്​മഹത്യാപ്രേര ണക്കുറ്റം ഇവർക്കെതിരെ ചുമത്തണമെന്നും ബീന ആവശ്യപ്പെടുന്നു​.

താൻ ഇ​വി​ടെ​യു​ള്ളി​ട​ത്തോ​ളം കൺവെൻഷൻ സ​​െൻററിന്​ അനുമതി ലഭിക്കില്ലെന്ന്​​ ആ​ന്തൂ‌​ർ ന​ഗ​ര​സ​ഭ ചെ​യ​ർ​പേ​ഴ്സ​ൻ പി.​കെ. ശ്യാ​മ​ള ത​റ​പ്പി​ച്ചു പ​റ​ഞ്ഞതായി ബീന കഴിഞ്ഞ ദിവസം വ്യക്​തമാക്കിയിരുന്നു. ക​ൺ​വെ​ൻ​ഷ​ൻ സ​​​െൻറ​റി​​​​െൻറ ലൈ​സ​ൻ​സി​ന് വേ​ണ്ടി പാ​ർ​ട്ടി​യി​ലെ ഉ​യ​ർ​ന്ന നേ​താ​ക്ക​ളെ സ​മീ​പി​ച്ച​തി​നെ​ തു​ട​ർ​ന്ന്​ അ​വ​ർ ഇ​ട​പെ​ട്ടി​രു​ന്നു. ഇ​നി​യു​ള്ള കാ​ര്യ​ങ്ങ​ളും ഉ​ന്ന​ത​നേ​താ​ക്ക​ളോ​ട് പ​റ​ഞ്ഞ് ന​ട​ത്തി​ക്കോ​ളൂ എ​ന്ന വാ​ശി​യി​ലാ​യി​രു​ന്നു ചെ​യ​ർ​പേ​ഴ്സ​നെന്നും ബീന പറഞ്ഞിരുന്നു.

അതേസമയം, ആന്തൂർ നഗരസഭ ചെയർപേഴ്​സൺ ശ്യാമളക്കെതിരെ സി.പി.എം നടപടിക്കൊരുങ്ങുമെന്ന റിപ്പോർട്ടുകളും പുറത്ത്​ വരുന്നുണ്ട്​. ജനവികാരം കണക്കിലെടുക്കാതെ മുന്നോട്ട്​ പോകാനാവില്ലെന്നാണ്​ സി.പി.എം വിലയിരുത്തൽ.