തെരഞ്ഞെടുപ്പ്​ മാനിഫെസ്​റ്റോകളിൽ പരിസ്ഥിതിയും പൈതൃകവും തകരുകയാണെന്ന്​​ എൻ.എസ്​ മാധവൻ

കോഴിക്കോട്​: തെരഞ്ഞെടുപ്പിന്​ മുന്നോടിയായി കേരളത്തിൽ അവതരിപ്പിക്കപ്പെടുന്ന മാനിഫെസ്​റ്റോകളിൽ​ വികസനത്തിന്‍റെ മറവിൽ പൈതൃകവും പരിസ്ഥിതിയും തകരുന്ന നിലപാടുകളാണുള്ളതെന്ന്​ എഴുത്തുകാരനും സാഹിത്യകാരനുമായ എൻ.എസ്​ മാധവൻ. കേരള വികസനത്തിന്​ നൂതനവും ബൃഹത്തുമായ പല പദ്ധതികളും മാനിഫെസ്​റ്റോകളിലുണ്ടാകും. എന്നാൽ ചില സ്​മാരകങ്ങൾ നിർമ്മിക്കുക എന്നതിൽ കൂടുതലായൊന്നും പൈതൃക​​ത്തെക്കുറിച്ചു മാനിഫെസ്​റ്റോകളിൽ പറയാറില്ല. അതിന്​ കാരണം, രാഷ്​ട്രീയ പാർട്ടികളുടെ മുൻഗണനാക്രമത്തിൽ അവ ഉൾപ്പെടാത്തതാണ്. രാഷ്​ട്രീയ പാർട്ടികൾ പരിസ്​ഥിതിയെ മന:പൂർവം ഒഴിവാക്കുന്നതിന്​ കാരണം വിവാദങ്ങൾ സൃഷ്​ടിച്ചേക്കുമെന്ന ഭയമായിരിക്കുമെന്നും അദ്ദേഹം ഒരു ദിനപത്രത്തിൽ എഴുതിയ ലേഖനത്തിൽ പറയുന്നു.

പരിസ്ഥിതിസംരക്ഷണം സംബന്ധിച്ച നിയമച്ചട്ടക്കൂട്​ നമുക്കുണ്ടായിട്ടും, തെരഞ്ഞെടുപ്പ്​ ഫല​ത്തെബാധിക്കുമെന്നത്​ കൊണ്ടാണ് പശ്ചിമഘട്ടം, പരിസ്ഥിതിലോല പ്രദേശങ്ങൾ, മാധവ്​ ഗാഡ്​ഗിൽ റിപ്പോർട്ട്​ എന്നിവയെക്കുറിച്ച്​ സംസാരിക്കാൻ പാർട്ടികൾ വിമുഖരാകുന്നത്​. ഇത്​ രണ്ടർത്ഥത്തിൽ ഇടുങ്ങിയ ചിന്താഗതിയാണ്​​. ആദ്യത്തേത്​ പ്രകൃതിയെ സംരക്ഷിച്ചില്ലെങ്കിൽ അതുവിനാശത്തിലേക്ക്​ വഴിവെയ്​ക്കും. രണ്ടാമത്തേത്​ ജനങ്ങൾക്കിടയിൽ പരിസ്ഥിതി രാഷ്​ട്രീയത്തിനും സ​​ീകാര്യത കൂടിക്കൊണ്ടിരിക്കുന്നു- പ്രത്യേകിച്ചു നവവോട്ടർമാരുടെ ഇടയിൽ. പല യൂ​േുറാപ്യൻ രാജ്യങ്ങളിലും പരിസ്ഥിതി പാർട്ടികൾ പ്രബലമാണ്​. കേരളത്തിലെ രാഷ്​ട്രീയ പാർട്ടികളും 'ഗ്രീൻ' രാഷ്​ട്രിയ പറയേണ്ട സമയം കഴിഞ്ഞിരിക്കുന്നുവെന്നും അദ്ദേഹം പറയുന്നു.

പൈതൃക​െത്ത തകർക്കുന്ന പല ദു:ഖകരമായ സംഗതികൾ നമ്മുടെ ചുറ്റുപാടും നടക്കുന്നുവെന്നും അദ്ദേഹം ചൂണ്ടിക്കാട്ടുന്നു​. ആവിക്കപ്പലുകളുടെ കാലത്തു കൽക്കരി സൂക്ഷിച്ചിരുന്ന നാല്​ നുറ്റാണ്ടിലേറെ പഴക്കമുണ്ടെന്ന്​ പറയുന്ന ഫോർട്ട്​ കൊച്ചിയിലെ കരിപ്പുര എന്ന കെട്ടിടം ഈയിടെയാണ്​ വാട്ടർ മെട്രോയ്​ക്ക്​ വേണ്ടി തകർക്കപ്പെട്ടത്​. പ്രതിമയെപ്പോലെ തന്നെ അതിനു ച​ുറ്റുമുള്ള ലാൻഡ്​സ്​​േകപ്പും പ്രധാനമാണെന്നത്​ മറന്ന്​ തിരുവനന്തപുരത്ത്​ കാനായി കുഞ്ഞിരാമന്‍റെ മത്സ്യകന്യക എന്ന ശിൽപത്തിനു ചുറ്റും ഹെലിക്കോപ്പ്​റ്റർ സ്ഥാപിച്ച്​ ആ ചുറ്റുപാടിനെ വികൃതമാക്കി. ഇതിനൊക്കെ കാരണം വികസിക്കുന്ന നഗരങ്ങളെ സംബന്ധിച്ച്​ കൃത്യമായ പൈതൃക നയം നമ്മുക്കില്ലാത്തത്​ കൊണ്ടാണ്​ എന്നും അദ്ദേഹം എഴുതുന്നു. വികസനത്തെ ​സൗന്ദര്യവും ചരിത്രവുമായി കൂട്ടിയിണക്കുന്ന പൈതൃകനയം രാഷ്​ട്രീയ പാർട്ടികൾ ഇത്തവണ വാഗ്​ദാനം ചെയ്യുമെന്ന്​ കരുതുന്ന​ുവെന്നും അദ്ദേഹം പ്രത്യാശ പ്രകടിപ്പിക്കുന്നു.