എ​റ​ണാ​കു​ളം ക​ല​ക്ട​റായി എൻ.എസ്.കെ. ഉമേഷ് ചുമതലയേറ്റു

കൊച്ചി: എ​റ​ണാ​കു​ളം ജില്ല ക​ല​ക്ട​റായി എൻ.എസ്.കെ. ഉമേഷ് ചുമതലയേറ്റു. ക​ല​ക്ട​റായിരുന്ന ​ഡോ. ​രേ​ണു​രാ​ജി​നെ വ​യ​നാ​ട്​ ക​ല​ക്ട​റാ​യി മാറ്റിയതോടെയാണ് എൻ.എസ്.കെ. ഉമേഷിനെ എറണാകുളം കലക്ടറായി നിയമിച്ചത്. ചീ​ഫ്​ സെ​ക്ര​ട്ട​റി​യു​ടെ സ്റ്റാ​ഫ്​ ഓ​ഫി​സറായി പ്രവർത്തിക്കുകയായിരുന്നു. തമിഴ്നാട് മധുര സ്വദേശിയാണ്.

ബ്ര​ഹ്​​മ​പു​രം തീ​പി​ടി​ത്തം പൂ​ർ​ണ​മാ​യി അ​ണ​യും​മു​മ്പാ​ണ്​ ​എ​റ​ണാ​കു​ളം ക​ല​ക്ട​റെ മാറ്റിയത്. സം​സ്ഥാ​ന​ത്തെ അ​ഞ്ച് ജി​ല്ല​ക​ളി​ലെ ക​ല​ക്ട​ർ​മാ​ർ​ക്ക്​ സ്ഥ​ലം മാ​റ്റമുണ്ടായി. തൃ​ശൂ​ർ ക​ല​ക്ട​ർ ഹ​രി​ത വി. ​കു​മാ​റി​നെ ആ​ല​പ്പു​ഴ​യി​ലേ​ക്കും ആ​ല​പ്പു​ഴ ക​ല​ക്ട​ർ വി.​ആ​ർ. കൃ​ഷ്ണ​തേ​ജ​​​യെ തൃ​ശൂ​രി​ലേ​ക്കും മാ​റ്റി. വ​യ​നാ​ട്​ ക​ല​ക്ട​ർ എ. ​ഗീ​ത​യാ​ണ്​ പു​തി​യ കോ​ഴി​ക്കോ​ട്​ ക​ല​ക്ട​ർ.

പ്രളയകാലത്ത് ദുരിതാശ്വാസ ക്യാമ്പുകളിൽ അടക്കം പ്രവർത്തിച്ച് ജനശ്രദ്ധ നേടിയ ഉദ്യോഗസ്ഥനാണ് എൻ.എസ്.കെ. ഉമേഷ്. മഴക്കെടുതി ദുരിതാശ്വാസ ക്യാമ്പുകളിൽ അരിച്ചാക്കുകൾ ചുമന്ന് നടന്നു നീങ്ങുന്ന എം.ജി. രാജമാണിക്യത്തിന്റെയും വയനാട് സബ് കലക്ടറായിരുന്ന എൻ.എസ്.കെ. ഉമേഷിന്റേയും ചിത്രം വൈറലായിരുന്നു.