പിണറായിക്ക്​ ധാർഷ്​ട്യം; വനിതാ മതിലിനെ എതിർത്ത്​ എൻ.എസ്​.എസ്

തിരുവനന്തപുരം: വനിതാമതിൽ വിഭാഗീയത സൃഷ്​ടിക്കുമെന്നും മുഖ്യമന്ത്രിയുടെ ധാർഷ്​ട്യമാണ് ഇതിന് പിന്നിലെന്നും എൻ.എസ്.എസ് ജനറൽ സെക്രട്ടറി ജി. സുകുമാരൻ നായർ. ആരെയും അംഗീകരിക്കാൻ മുഖ്യമന്ത്രി തയാറല്ല. ‘ഞങ്ങളൊന്ന് തീരുമാനിച ്ചു, അത് നടപ്പാക്കും’ എന്നതാണ് സർക്കാർ നയം, ഇതി​​െൻറ ഫലം അവർ അനുഭവിക്കേണ്ടിവരുമെന്നും അദ്ദേഹം വാർത്തസമ്മേളനത ്തിൽ പറഞ്ഞു. വനിതാമതിലിൽ ആർ. ബാലകൃഷ്ണപിള്ള സഹകരിച്ചാൽ അവരെപ്പിന്നെ എൻ.എസ്.എസിൽ സഹകരിപ്പിക്കില്ലെന്നും അദ്ദേഹം പറഞ്ഞു.

നവോത്ഥാനപാരമ്പര്യമുള്ള സമുദായനേതാക്കളെ ആക്ഷേപിക്കാനുള്ള ശ്രമമായിരുന്നു സർക്കാറി​േൻറത്. അത് തിരിച്ചറിഞ്ഞതുകൊണ്ടാണ് മുഖ്യമന്ത്രി വിളിച്ച യോഗത്തിൽ നിന്ന്​ വിട്ടുനിന്നത്. സർക്കാർ സമ്മർദം ചെലുത്തിയാണ് പരിപാടി സംഘടിപ്പിക്കുന്നത്. ഇതിനുള്ള തെളിവ്​ എൻ.എസ്.എസി​​െൻറ പക്കലുണ്ട്.

രാഷ്​ട്രീയ പാർട്ടികളോടുള്ള സമദൂര നിലപാടിൽ മാറ്റമില്ല. എന്നാൽ, അടുത്ത പാർലമ​​െൻറ് തെരഞ്ഞെടുപ്പിൽ സന്ദർഭോചിത തീരുമാനമെടുക്കും. ഞങ്ങളുടെ വിശ്വാസം സംരക്ഷിക്കാൻ ആരാണോ ക്രിയാത്മകമായി, ആത്മാർഥമായി നിലപാട്​ എടുക്കുന്നത്, അത് യു.ഡി.എഫ് ആയാലും ബി.ജെ.പിയായാലും അവരെ സംഘടനാപരമായി പിന്തുണക്കില്ല, എന്നാൽ ഞങ്ങളുടെ ആളുകൾ അവരെ തുണക്കും.
വിശ്വാസികൾക്കൊപ്പം കേന്ദ്രത്തെ സമീപിക്കും. എൻ.എസ്.എസി​​െൻറ പരമോന്നത ലക്ഷ്യമാണ് ഈശ്വരവിശ്വാസവും ആചാരാനുഷ്ഠാനങ്ങളും. അത് സംരക്ഷിക്കാൻ ഏതറ്റം വരെയും പോകും. ശബരിമല വിഷയത്തിൽ മാത്രമാണ് സർക്കാറിനോട് വിയോജിപ്പ്​. ഒരു പാർലമ​​െൻറ് മോഹവും തങ്ങൾക്കില്ല.

കഴിഞ്ഞ യു.ഡി.എഫ് സർക്കാർ ചെയ്തതി​​െൻറ ബാക്കിയാണ് ഈ സർക്കാർ ചെയ്യുന്നത്. അതിനപ്പുറമൊന്നും എൻ.എസ്.എസിനായി സർക്കാർ ചെയ്തിട്ടില്ല. വനിതാമതിലിൽ പങ്കെടുക്കരുതെന്നാവശ്യപ്പെട്ട് അംഗങ്ങൾക്കോ സ്ഥാപനങ്ങൾക്കോ നോട്ടീസ്​ നൽകിയിട്ടില്ല. പകരം വിശ്വാസികൾക്ക് ഈ മാസം 26ന് നടക്കുന്ന അയ്യപ്പജ്യോതിയിൽ പങ്കെടുക്കാമെന്നും സുകുമാരൻ നായർ പറഞ്ഞു.