നഴ്​സിന്‍റെ​ അപകടമരണം: നഷ്ടപരിഹാരം 2.92 കോടിയിൽനിന്ന് 3.65 കോടിയാക്കി

കൊ​ച്ചി: വാ​ഹ​നാ​പ​ക​ട​ത്തി​ൽ മ​രി​ച്ച ന​ഴ്സി​ന്റെ ആ​ശ്രി​ത​ർ​ക്കു​ള്ള ന​ഷ്ട​പ​രി​ഹാ​ര​ത്തു​ക വ​ർ​ധി​പ്പി​ച്ച് ഹൈ​കോ​ട​തി ഉ​ത്ത​ര​വ്. കു​ള​ത്തൂ​പ്പു​ഴ മോ​ളി വി​ല്ല​യി​ൽ ജോ​ൺ തോ​മ​സി​ന്റെ ഭാ​ര്യ ഷൈ​ബി എ​ബ്ര​ഹാ​മി​ന്‍റെ ആ​ശ്രി​ത​ർ​ക്കാ​ണ് ന​ഷ്ട​പ​രി​ഹാ​രം വ​ർ​ധി​പ്പി​ച്ച​ത്.

പ​ത്ത​നം​തി​ട്ട എം.​എ.​സി.​ടി കോ​ട​തി വി​ധി​ച്ച 2.92 കോ​ടി രൂ​പ​യു​ടെ ന​ഷ്ട​പ​രി​ഹാ​രം 3.65 കോ​ടി രൂ​പ​യാ​യാ​ണ് ജ​സ്റ്റി​സ് ജോ​ൺ​സ​ൺ ജോ​ൺ വ​ർ​ധി​പ്പി​ച്ച​ത്. ശേ​ഷി​ക്കു​ന്ന 73.66 ല​ക്ഷം രൂ​പ ഏ​ഴു​ശ​ത​മാ​നം പ​ലി​ശ​യ​ട​ക്കം ന​ൽ​ക​ണ​മെ​ന്നും നാ​ഷ​ന​ൽ ഇ​ൻ​ഷു​റ​ൻ​സ് ക​മ്പ​നി​യോ​ട് ഹൈ​കോ​ട​തി നി​ർ​ദേ​ശി​ച്ചു. ആ​സ്ട്രേ​ലി​യ​യി​ൽ ന​ഴ്​​സാ​യി​രു​ന്ന മോ​ളി അ​വ​ധി​ക്ക്​ നാ​ട്ടി​ലെ​ത്തി​യ​പ്പോ​ഴാ​യി​രു​ന്നു അ​പ​ക​ടം. 2013 മേ​യ് ഒ​മ്പ​തി​ന്​ ഇ​വ​ർ സ​ഞ്ച​രി​ച്ച ബൈ​ക്കി​ൽ ലോ​റി​യി​ടി​ക്കു​ക​യാ​യി​രു​ന്നു. ലോ​റി ഡ്രൈ​വ​റു​ടെ അ​ശ്ര​ദ്ധ​യാ​ണ്​ അ​പ​ക​ട​കാ​ര​ണ​മെ​ന്ന്​ വി​ചാ​ര​ണ​യി​ൽ വ്യ​ക്ത​മാ​യി​രു​ന്നു. കേ​സി​ൽ എം.​എ.​സി.​ടി കോ​ട​തി അ​നു​വ​ദി​ച്ച ന​ഷ്ട​പ​രി​ഹാ​ര​ത്തു​ക കൂ​ടു​ത​ലാ​ണെ​ന്ന് ചൂ​ണ്ടി​ക്കാ​ട്ടി ഇ​ൻ​ഷു​റ​ൻ​സ് ക​മ്പ​നി​യും അ​പ​ര്യാ​പ്ത​മെ​ന്ന​റി​യി​ച്ച് ഷൈ​ബി​യു​ടെ അ​മ്മ​യും ഭ​ർ​ത്താ​വും മൈ​ന​റാ​യ ര​ണ്ട് മ​ക്ക​ളു​മ​ട​ങ്ങു​ന്ന കു​ടും​ബ​വും ഹൈ​കോ​ട​തി​യി​ൽ അ​പ്പീ​ൽ ന​ൽ​കു​ക​യാ​യി​രു​ന്നു.

ആ​സ്ട്രേ​ലി​യ​യി​ൽ ര​ജി​സ്​​ട്രേ​ഡ്​ ന​ഴ്സാ​യി​രു​ന്ന ഷൈ​ബി​ക്ക് 54,980 ഡോ​ള​ർ വാ​ർ​ഷി​ക വ​രു​മാ​ന​മു​ണ്ടാ​യി​രു​ന്നു​വെ​ന്ന് ഹൈ​കോ​ട​തി നി​ർ​ണ​യി​ച്ചു. 34 വ​യ​സ്സാ​യി​രു​ന്നു മ​രി​ക്കു​മ്പോ​ൾ പ്രാ​യം. ഹ​ര​ജി ഫ​യ​ൽ ചെ​യ്ത ദി​വ​സ​ത്തെ വി​ദേ​ശ​വി​നി​മ​യ നി​ര​ക്ക്​ പ​രി​ഗ​ണി​ച്ചാ​ണ്​ ന​ഷ്ട​പ​രി​ഹാ​രം വ​ർ​ധി​പ്പി​ച്ച​ത്. നേ​ര​ത്തേ, വി​ചാ​ര​ണ​കോ​ട​തി അ​പ​ക​ട​മു​ണ്ടാ​യ ദി​വ​സ​ത്തെ വി​നി​മ​യ നി​ര​ക്ക് ക​ണ​ക്കി​ലെ​ടു​ത്ത​തും ഭാ​വി​യി​ൽ ല​ഭി​ക്കാ​മാ​യി​രു​ന്ന വ​രു​മാ​നം ക​ണ​ക്കാ​ക്കാ​ൻ 10 കൊ​ണ്ട് ഗു​ണി​ച്ച​തും തെ​റ്റാ​യ തീ​രു​മാ​ന​മാ​ണെ​ന്ന്​ ഹൈ​കോ​ട​തി നി​രീ​ക്ഷി​ച്ചു. 31-35 പ്രാ​യ​പ​രി​ധി​യി​ലു​ള്ള​വ​ർ മ​രി​ച്ചാ​ൽ ഭാ​വി​യി​ൽ ല​ഭി​ക്കാ​വു​ന്ന വ​രു​മാ​നം ക​ണ​ക്കാ​ക്കേ​ണ്ട​ത് 16 കൊ​ണ്ട് ഗു​ണി​ച്ചാ​ണെ​ന്നും സു​പ്രീം​കോ​ട​തി വി​ധി ഉ​ദ്ധ​രി​ച്ച് ഹൈ​കോ​ട​തി ചൂ​ണ്ടി​ക്കാ​ട്ടി. വി​ദേ​ശ​ത്ത് ഉ​ണ്ടാ​വാ​നി​ട​യു​ള്ള ജീ​വി​ത​ച്ചെ​ല​വും ന​ൽ​കേ​ണ്ട നി​കു​തി​യും കി​ഴി​ച്ചാ​ണ്​ 3.65 കോ​ടി രൂ​പ ന​ഷ്ട​പ​രി​ഹാ​ര​ത്തു​ക ഹൈ​കോ​ട​തി വി​ധി​ച്ച​ത്.