ന​ഴ്​​സു​മാ​ർക്ക്​  മി​നി​മം വേ​ത​നം  ന​ൽ​കാ​നാ​വി​ല്ലെ​ന്ന്​ മാ​നേ​ജ്​​മെൻറു​ക​ൾ 

തി​രു​വ​ന​ന്ത​പു​രം: സ്വ​കാ​ര്യ ആ​ശു​പ​ത്രി ന​ഴ്സു​മാ​ർ​ക്കും ജീ​വ​ന​ക്കാ​ർ​ക്കും നി​ശ്ച​യി​ച്ച മി​നി​മം വേ​ത​നം ന​ൽ​കാ​ൻ സാ​ധി​ക്കി​ല്ലെ​ന്ന് സ്വ​കാ​ര്യ ആ​ശു​പ​ത്രി അ​ധി​കൃ​ത​ർ സ​ർ​ക്കാ​റി​നെ അ​റി​യി​ച്ചു. 
തൊ​ഴി​ൽ​മ​ന്ത്രി ടി.​പി. രാ​മ​കൃ​ഷ്ണ​നെ സ​ന്ദ​ർ​ശി​ച്ചാ​ണ് കേ​ര​ള ൈപ്ര​വ​റ്റ് ഹോ​സ്​​പി​റ്റ​ൽ അ​സോ. ഭാ​ര​വാ​ഹി​ക​ൾ നി​ല​പാ​ട് വ്യ​ക്ത​മാ​ക്കി​യ​ത്. സ​ർ​ക്കാ​ർ നി​ശ്ച​യി​ച്ച പ്ര​കാ​ര​മു​ള്ള കു​റ​ഞ്ഞ വേ​ത​നം മേ​യ്​ മു​ത​ൽ ല​ഭി​ച്ചി​ല്ലെ​ങ്കി​ൽ വീ​ണ്ടും സ​മ​ര​ത്തെ​ക്കു​റി​ച്ച് ചി​ന്തി​ക്കേ​ണ്ടി​വ​രു​മെ​ന്ന് ന​ഴ്സ​സ്​ അ​സോ. ഭാ​ര​വാ​ഹി​ക​ളും വ്യ​ക്ത​മാ​ക്കി​യ​തോ​ടെ കേ​ര​ള​ത്തി‍​​െൻറ ആ​രോ​ഗ്യ​മേ​ഖ​ല വീ​ണ്ടും ക​ലു​ഷി​ത​മാ​കു​മെ​ന്നാ​ണ് സൂ​ച​ന.

സ​ർ​ക്കാ​ർ ഉ​ത്ത​ര​വ് ഇ​റ​ങ്ങി​യ സ്ഥി​തി​ക്ക് കോ​ട​തി​യി​ൽ അ​പ്പീ​ൽ ന​ൽ​കാ​നും തീ​രു​മാ​നി​ച്ചി​ട്ടു​ണ്ട്. ആ​ശു​പ​ത്രി​ക​ളി​ലെ ന​ഴ്സു​മാ​ർ എ​ല്ലാ​വ​രും യു​നൈ​റ്റ​ഡ് ന​ഴ്സ​സ്​ അ​സോ. അം​ഗ​ങ്ങ​ള​ല്ല. സ​മ​ര​ത്തി​നി​ല്ലാ​ത്ത ന​ഴ്സു​മാ​രെ ഉ​പ​യോ​ഗി​ച്ച് ആ​ശു​​പ​ത്രി ന​ട​ത്താ​ൻ ശ്ര​മി​ക്ക​ണ​മെ​ന്നും സാ​ധി​ച്ചി​ല്ലെ​ങ്കി​ൽ പൂ​ട്ടി​യി​ട​ണ​മെ​ന്നു​മാ​ണ് അ​സോ​സി​യേ​ഷ​ൻ തീ​രു​മാ​നം. സ​ർ​ക്കാ​ർ ഉ​ത്ത​ര​വു​പ്ര​കാ​ര​മു​ള്ള ശ​മ്പ​ളം ന​ൽ​കേ​ണ്ടി​വ​ന്നാ​ൽ കേ​ര​ള​ത്തി​ലെ 60 ശ​ത​മാ​നം ആ​ശു​പ​ത്രി​ക​ളും അ​ട​ച്ചു​പൂ​ട്ടു​മെ​ന്ന് ഭാ​ര​വാ​ഹി​ക​ൾ പ​റ​ഞ്ഞു. 

ഉ​ത്ത​ര​വ് ന​ട​പ്പാ​ക്കി​യാ​ൽ ചി​കി​ത്സാ​ചെ​ല​വ് 120 ശ​ത​മാ​നം കൂ​ട്ടു​മെ​ന്നാ​ണ് മാ​നേ​ജ്​​മ​​െൻറു​ക​ളു​ടെ നി​ല​പാ​ട്. സ​ർ​ക്കാ​റി​ൽ​നി​ന്ന്​ ഇ​ട​പെ​ട​ലു​ണ്ടാ​യി​ല്ലെ​ങ്കി​ൽ നി​യ​മ​ന​ട​പ​ടി​യു​മാ​യി മു​ന്നോ​ട്ടു​പോ​കു​മെ​ന്നും ആ​ശു​പ​ത്രി മാ​നേ​ജ്മ​​െൻറു​ക​ൾ വ്യ​ക്ത​മാ​ക്കി. 
കി​ട​ക്ക​ക​ളു​ടെ എ​ണ്ണ​ത്തി​​െൻറ അ​ടി​സ്ഥാ​ന​ത്തി​ൽ മി​നി​മം 20,000 രൂ​പ​യി​ൽ തു​ട​ങ്ങി 30,000 രൂ​പ വ​രെ​യാ​ണ്​ പു​തു​ക്കി​യ അ​ടി​സ്ഥാ​ന ശ​മ്പ​ളം.