സ്വ​ാശ്രയ നഴ്​സിങ്​ കോളജ്​ പ്രവേശനം  മാനേജ്​മെൻറുകളുമായി ഭാഗിക ധാരണ

തിരുവനന്തപുരം: സ്വകാര്യ സ്വാശ്രയ നഴ്സിങ് കോളജ് പ്രവേശനത്തിൽ സീറ്റ് പങ്കിടുന്നതിന് സർക്കാറും മാനേജ്മ​​െൻറുകളും ഭാഗിക ധാരണയായി. എന്നാൽ, ഫീസ് നിരക്കിൽ 30 ശതമാനം വർധന വേണമെന്ന മാേനജ്മ​​െൻറുകളുടെ ആവശ്യത്തിൽ മുഖ്യമന്ത്രിയുമായി കൂടിയാലോചിച്ച് ഇൗ മാസം 22നകം തീരുമാനം അറിയിക്കാമെന്ന് ആരോഗ്യ മന്ത്രി കെ.കെ. ശൈലജ ചർച്ചയിൽ അറിയിച്ചു. 50 ശതമാനം സീറ്റിലേക്ക് മെറിറ്റ് അടിസ്ഥാനത്തിൽ സർക്കാർ പ്രവേശനം നടത്തും. 50 ശതമാനം സീറ്റുകളിലേക്ക് മാനേജ്മ​​െൻറ് കൺസോർട്യം അപേക്ഷ ക്ഷണിച്ച് മെറിറ്റ് അടിസ്ഥാനത്തിൽ കേന്ദ്രീകൃത അലോട്ട്മ​​െൻറ് നടത്താനുമാണ് ധാരണ.  സർക്കാർ, മാനേജ്മ​​െൻറ് സീറ്റുകളിൽ 55,000 രൂപ വാർഷിക ഫീസും 15,000 രൂപ സ്പെഷൽ ഫീസുമാണ് കഴിഞ്ഞ വർഷം വരെയുള്ള നിരക്ക്. 

 ഇൗ വർഷം വാർഷിക ഫീസ് 70,000 രൂപയാക്കി ഉയർത്തണമെന്നാണ് മാനേജ്മ​​െൻറുകളുടെ ആവശ്യം. ഏഴു വർഷമായി ഫീസ് വർധനയില്ലാത്തത് കോളജുകളുടെ നടത്തിപ്പിന് തടസ്സമാണെന്നും മാനേജ്മ​​െൻറുകൾ വാദിച്ചു. 50 ശതമാനം സീറ്റുകളിലേക്ക് സർക്കാറിനു വേണ്ടി പ്രവേശന പരീക്ഷ കമീഷണർ അലോട്ട്മ​​െൻറ് നടത്തും. ഹയർ സെക്കൻഡറി പരീക്ഷയിലെ മാർക്ക് പരിഗണിച്ചായിരിക്കും റാങ്ക് പട്ടിക തയാറാക്കുക. മൂന്ന് അലോട്ട്മ​​െൻറായിരിക്കും പ്രവേശന പരീക്ഷ കമീഷണർ നടത്തുക. മെറിറ്റ് സീറ്റിൽ പ്രവേശനം നേടുന്ന താഴ്ന്ന വരുമാനക്കാരായ കുട്ടികൾക്ക് മാനേജ്മ​​െൻറുകൾ സ്കോളർഷിപ് നൽകണം. 

ഫീസ് നിരക്ക് വർധിപ്പിക്കണമെന്ന ആവശ്യത്തിൽ മുഖ്യമന്ത്രിയുമായി ആലോചിച്ച ശേഷം കരാർ ഒപ്പുവെക്കാമെന്ന് ആരോഗ്യമന്ത്രി മാനേജ്മ​​െൻറ് അസോസിയേഷൻ പ്രതിനിധികളെ അറിയിച്ചു. പ്രൈവറ്റ് നഴ്സിങ് കോളജ് മാനേജ്മ​​െൻറ് അസോസിയേഷന് കീഴിൽ 67 നഴ്സിങ് കോളജുകളും ക്രിസ്ത്യൻ മാനേജ്മ​​െൻറ് അസോസിയേഷന് കീഴിൽ 32 നഴ്സിങ് കോളജുകളുമാണുള്ളത്. ചർച്ചയിൽ മന്ത്രിക്ക് പുറമേ, ആരോഗ്യ വകുപ്പ് അഡീഷനൽ ചീഫ് സെക്രട്ടറി രാജീവ് സദാനന്ദൻ, ആരോഗ്യ സർവകലാശാല പ്രോ-വൈസ് ചാൻസലർ ഡോ. നളിനാക്ഷൻ, ആരോഗ്യ വിദ്യാഭ്യാസ ഡയറക്ടർ ഡോ. റംലാബീവി, പ്രവേശന പരീക്ഷ കമീഷണർ എം.ടി. റെജു, അസോസിയേഷനുകളെ പ്രതിനിധാനംചെയ്ത് വി. സജി, അയിര ശശി, ഫാ. സാബു നെടുനിലത്ത് എന്നിവർ പെങ്കടുത്തു.