ചുഴലിക്കാറ്റ്: മുഖ്യമന്ത്രി ഗവർണറെ കണ്ടു

തിരുവനന്തപുരം: ഒാഖി ചുഴലിക്കാറ്റ്​ വിതച്ച ദുരന്തത്തി​​െൻറ സാഹചര്യത്തിൽ മുഖ്യമന്ത്രി പിണറായി വിജയൻ ഗവർണർ പി. സദാശിവ​വുമായി രാജ്​ഭവനിൽ കൂടിക്കാഴ്​ച നടത്തി. സർക്കാർ കൈക്കൊണ്ട രക്ഷാപ്രവർത്തനങ്ങളും ആശ്വാസനടപടികളും മുഖ്യമന്ത്രി വിശദീകരിച്ചു. ഗവർണറുടെ ക്ഷണപ്രകാരമായിരുന്നു കൂടിക്കാഴ്​ച.

മരിച്ചവരുടെ ബന്ധുക്കൾക്ക്​ ആശ്വാസം നൽകാനുള്ള സർക്കാർ തീരുമാനം, രക്ഷാപ്രവർത്തനം, കടലിൽ പോകുന്ന മത്സ്യത്തൊഴിലാളികളു​െട വിവരങ്ങൾ രേഖപ്പെടുത്തുന്നതിനുള്ള സംവിധാനം ശക്​തിപ്പെടുത്തൽ, ചുഴലിക്കാറ്റിനിടെ മറ്റ്​ സംസ്​ഥാനങ്ങളിൽ എത്തപ്പെട്ട കേരളീയരായ മത്സ്യത്തൊഴിലാളികളെ മടക്കിക്കൊണ്ടുവരൽ തുടങ്ങിയ കാര്യങ്ങൾ ചർച്ചയായി.

കഴിഞ്ഞ ദിവസം ദക്ഷിണ നാവിക​ കമാൻഡിലെ ഫ്ലാഗ്​ ഒാഫിസറും കമാൻഡിങ്​ ചീഫുമായ വൈസ്​ അഡ്​മിറൽ എ.ആർ. കാർവേ, എറണാകുളം കലക്​ടർ എന്നിവർ ഗവർണറെ കണ്ട്​ രക്ഷാ-ദുരിതാശ്വാസ പ്രവർത്തനങ്ങൾ വിശദീകരിച്ചിരുന്നു. 

On my invitation, Chief Minister @CMOKerala visited Kerala Raj Bhavan. We discussed important matters of the State including the State-wide relief and rescue operations carried out in the aftermath of the Cyclone #okchi pic.twitter.com/nroZjRWHJB

— Kerala Governor (@KeralaGovernor) December 6, 2017