കേന്ദ്രത്തിന്‍റേത്​ തീവെട്ടിക്കൊള്ള; ഐസക്കിന്‍റേത്​ പകല്‍‍‍‍കൊള്ള -എം.എം. ഹസന്‍

തിരുവനന്തപുരം: പെട്രോള്‍, ഡീസല്‍ വിലയിലെ വർധനവ്​ കേന്ദ്ര സര്‍ക്കാറി​െൻറ തീവെട്ടിക്കൊള്ളയാണെന്ന്​ പറയുന്ന ധനമന്ത്രി ഡോ. തോമസ് ഐസക്​ സംസ്ഥാനത്ത്​ പകല്‍കൊള്ള നടത്തുകയാണെന്ന്​ കെ.പി.സി.സി അധ്യക്ഷന്‍ എം.എം. ഹസന്‍. സ്വന്തം ഉത്തരവാദിത്തത്തില്‍നിന്ന് ധനമന്ത്രി ഓടിയൊളിക്കുകയാണ്. ഇന്ധനവില കുറയ്​ക്കണമെന്നാവശ്യപ്പെട്ട് സിപി.എം നടത്തുന്ന സമരം അപഹാസ്യമാണെന്നും ഏരിയ കേന്ദ്രങ്ങള്‍ക്ക്​ പകരം സെക്രട്ടേറിയറ്റിന്​ മുന്നിലും എ.കെ.ജി സ​െൻററി​​െൻറ മുന്നിലുമാണ് അവര്‍ ആദ്യം സമരംനടത്തേണ്ടതെന്നും അദ്ദേഹം പറഞ്ഞു. 

ഒരു ലിറ്റര്‍ പെട്രോളിന് 21.48 രൂപ കേന്ദ്രം എക്‌സൈസ് നികുതി ഈടാക്കുമ്പോള്‍ സംസ്​ഥാന സര്‍ക്കാര്‍ നികുതിയിനത്തിൽ 17.94 രൂപ ഈടാക്കുന്നുണ്ട്​. ജനങ്ങളുടെ കൈയില്‍നിന്ന് പണം പിടിച്ചുപറിക്കുന്നതില്‍ മോദി ഇത്തിക്കരപ്പക്കിയാണെങ്കില്‍ ഐസക് മുളമൂട്ടടിമയാണ്​. ഇന്ധനവില കുത്തനെ ഉയര്‍ന്നപ്പോള്‍ മുന്‍ ഉമ്മന്‍ ചാണ്ടി സര്‍ക്കാര്‍ വര്‍ധിപ്പിച്ച വിലയുടെ വിൽപനനികുതി പൂര്‍ണമായി ഒഴിവാക്കിയ മാതൃക പിന്തുടരാന്‍ തയാറാണോയെന്ന്​ ​െഎസക്​ വ്യക്​തമാക്കണം. ഇന്ധനങ്ങളെ ജി.എസ്.ടിയില്‍ കൊണ്ടുവരണമെന്ന ആവശ്യം ഉന്നയിക്കാന്‍ ധനമന്ത്രി തയാറാകണമെന്നും ഹസൻ ആവശ്യപ്പെട്ടു.