വയോധികരെ നടതള്ളിയ സംഭവം; മനുഷ്യാവകാശ കമീഷൻ റിപോർട്ട്​ തേടി

കോഴിക്കോട്: ബീച്ച് ജനറൽ ആശുപത്രിയിൽ വയോധികരെ നടതള്ളിയ സംഭവത്തിൽ ഒരു മാസത്തിനകം റിപോർട്ട്​ നൽകണമെന്ന് മനുഷ്യവകാശ കമീഷൻ സാമൂഹ്യ നീതി ഓഫീസറോട് ആവശ്യപ്പെട്ടു. ഒക്​ടോബർ മാസം കോഴിക്കോട് സിറ്റിംഗ് വെക്കാനും കമീഷൻ ചെയർമാൻ പി.മോഹൻദാസ് ഉത്തരവിട്ടു. ഇതുവരെയെടുത്ത പുനരധിവാസ നടപടിയെ കുറിച്ചും കമീഷൻ റിപോർട്ട് ആവശ്യപ്പെട്ടു. മാധ്യമങ്ങളിലെ വാർത്തയെ തുടർന്നാണ് നടപടി.